A actualidade deste venres, 11 de agosto, coas citas da fin de semana e a información deportiva en Noticias 13.30h

Esta mañá presentouse publicamente o Parque Transfronteirizo Castelinho-Fortaleza e o concurso de ideas para a ponte peonil sobre o río Miño, dentro do proxecto Visti Río Miño financiado polo Interreg. Trátase da primeira pedra do camiño a percorrer para facer realidade este proxecto.

A alcaldesa de Tomiño, Sandra González, explicou que tras a presentación de hoxe ábrese o proceso que engloba tres fases. Hoxe aprobouse o concurso e en canto se publique no BOP os estudo e arquitecto poderán nun prazo de 60 días presentar os seus proxectos. Se seleccionarán 3 proxectos e logo elixirase 1.

En canto ao Parque Transfronteirizo Castelinho-Fortaleza trátase de crear un espazo común no que albergar actividades, e comunicar as distintas sendas do Miño nas dúas beiras.

Bos datos do turismo en xullo en Tui coma indican as máis de 11 mil persoas que pasaron pola Oficina Municipal e polo Punto de Información Turística. En agosto agárdanse que estas cifras sexan superiores dada a media de 400 consultas diarias que se están a rexistrar coma avanzou o concelleiro de Turismo, Laureano Alonso.

Hoxe tivo lugar no Concello de Tui a recepción aos nenos saharauis que pasan o verán no municipio. Xunto aos nenos e nenas e as súas familias de acollida estiveron presentes Alba Costas e Henrique Porto, de Solidaridade Galega co Pobo Saharaui, que quixeron dar as gracias ao Concello e ás familias pola acollida, así como o alcalde de Tui, Enrique Cabaleiro, que tivo unhas palabras de benvida para todos os nenos e nenas, amais doutros membros da corporación municipal.

A actualidade deste xoves, 10 de agosto, en Noticias 13.30h

A actualidade deste mércores, 9 de agosto de 2017, en Noticias 13.30h na RMT

A actualidade deste martes, 8 de agosto, de 2017 en Noticias 13.30h

Onte poñíase en marcha a Escola Eu Rural, un proxecto da Asociación de Desenvolvemento Rural Mancomunidade Vigo – Baixo Miño, na que se encontran agrupados un total de 15 concellos.

Esta iniciativa inaugúrase cunha serie de actividades que, baixo o título Cos Pés na Terra, están pensadas como itinerario formativo de máis de 140 horas.

As actividades vanse desenvolver principalmente no Concello de Tomiño cun programa centrado na información e a demostración á poboación rural, así nolo contaba a alcaldesa deste municipio, Sandra González.

Este venres terá lugar a subida do Arco de San Bartolomé ata o adro da Igrexa, onde permanecerá durante 15 días con motivo das festividades de San Roque e San Bartolomé. Este arco floral forma parte dunha tradición centenaria que algúns veciños decidiron recuperar hai catro anos.

Debido á subida do arco, o venres a partir das 9 e media da noite todos os veciños están convidados a facer unha cea ao aire libre no adro de San Bartolomé.

Dende hoxe e ata este domingo o Centro de Visitantes do Parque Natural do Monte Aloia celebra a semana “A Auga do Aloia” na que farán fincapé a importancia que o ciclo da auga ten neste espazo natural. Así o explicaba en declaracións á Radio Municipal de Tui Juan José Rodríguez, guía do Parque Natural do Monte Aloia.

Os interesados en participar nesta actividade poden achegarse directamente ata o centro de visitantes onde lles darán as indicacións para visitar o Rego da Pedra ou concertar previamente unha visita guiada no 886 120 650, e realizar así esta pequena xincana polo Rego da Pedra.