Esta fin de semana rexistráronse actos vandálicos nas piscinas municipais de Tui e no parque infantil en Caldelas.

Onte os operarios das piscinas avisaban dos desperfectos causados de madrugada nestas instalacións municipais. Onte levouse a cabo un traballo de limpeza para poder abrir igulamente as piscinas, e hoxe serán reparados os sistema de rego e rexillas que foron destrozados. Así o explicaba o alcalde de Tui, Enrique Cabaleiro.

Pero tamén no parque infantil de Caldelas, recentemente renovado, se rexistraron desperfectos falta unha parte importante do céspede colocado e amais tamén os aspersores.

A actualidade deste derradeiro día de xullo en Noticias 13.30h.

A actualidade deste venres, 28 de xullo de 2017, en noticias 13.30h

Algo máis de dúas horas durou o pleno ordinario que onte celebrou a corporación municipal de Tui. No mesmo tomaron posesión coma concelleiro Yovana Velázquez do PP e Andrés Urseira de CsT. Foron aprobados dous expedientes para habilitar case 1,9 millóns de euros para distintos proxectos con cargo ao remanente de tesourería. Tamén se aprobou a solicitude de cesión de novo da Área Panorámica á Xunta. E por unanimidade aprobouse a moción presentada por C21 rexeitando o transfuguismo. Na quenda de rogos e preguntas do público o colectivo Contra a Moción de Censura deu lectura ao seu manifestou e anunciou a presentación hoxe por rexistro de entrada de 2 mil sinaturas.

A actualidade deste xoves, 27 de xullo, en Noticias 13.30h na RMT

Cunha pancarta na que se podía ler “Non queremos voltar atrás! Non á moción de censura” máis de 700 persoas concentráronse onte na praza do Concello de Tui para amosar a súa disconformidade coa posible presentación dunha moción de censura.

Durante o acto continuaron a recoller sinaturas ao manifesto feito público polo Colectivo Contra a Moción de Censura, que convocou o acto de onte, no que tamén se deu lectura ao mesmo. Hoxe entregarán as sinaturas recollidas no pleno.

Este domingo ás 10.30h sairá do Paseo da Corredoira de Tui o Campionato de Galicia Máster de Ciclismo. Os máis de 160 ciclistas que se agardan na proba farán un percorrido polo Baixo Miño que os levará de novo ata Tui, onde estará tamén a liña de meta. A proba foi presentada esta mañá na casa do concello.

A actualidade deste mércores, 26 de xullo, en Noticias 13.30h na RMT

A actualidade deste luns, 24 de xullo de 2017, en Noticias 13.30h

Esta noite terá lugar unha andaina nocturna coa Lúa Chea no Monte Comunal de Areas, dentro das actividades de lecer do “Verán no Monte”, organizadas pola Comunidade de Montes Veciñais en Mans Comúns desta parroquia. Sairá ás 22.30 do Centro Cultural de Areas.