O clube Andatui Rego da Pedra organiza para este sábado, 8 de xullo, unha saída para facer a ruta Sistelo-Peneda. Trátase dun percorrido de máis de 20km e dificultade alta que segue o camiño que fan os romeiros dende Sistelo para ir á festa da Peneda. O prezo é de 10€ e é necesario inscribirse previamente. José Martínez Tato deunos todos os detalles.

A actualidade deste mércores, 5 de xullo, en Noticias 13.30h

Principio de acordo o acadado esta mañá na sede do Consorcio do Louro para a renovación das autorizacións ás traídas privadas. Hoxe na reunión entre o alcalde de Tui, Enrique Cabaleiro, o presidente da Confederación Hidrográfica do Miño-Sil, o presidente de Augas de Galicia, técnicos municipais e representantes de COXAPO chegouse a unha via de solución provisional que consistirá en que os usuarios poidan elixir entre traída privada e pública no caso de existir as dúas. A solución definitiva virá coa modificación do regulamento de aproveitamento hidraúlico. Así o explicou na RMT o alcalde de Tui, Enrique Cabaleiro.

A actualidade deste martes, 4 de xullo, en Noticias 13.30h

O centro de interpretación do Camiño de Santiago situado no antigo convento de San Domingos volve estar aberto ao público. No mesmo atopamos información sobre o Camiño Portugués, as etapas, os monumentos... en breve será mellorada a súa sinalización para facilitar a súa visita segundo avanzou o concelleiro de Turismo. Laureano Alonso. Avanzou amais o edil a presenza en Tui o 27 de xullo dun grupo de 1200 peregrinos de 50 dioceses de España.

Tui é a porta de entrada do Camiño Portugués a Galicia. Son pouco máis de 100 quilometros os que separan a cidade de Compostela, distancia mínima a percorrer para obter a Compostelana. Esta vía de peregrinación ten incrementado notablemente nos últimos anos a súa afluencia. Así o demostran as cifras. En xuño 2013 saíron de Tui cara Santiago 941 peregrinos, cifra que case se duplicou este ano con case 2 mil camiñantes. A nosa compañeira Celia Álvarez falou hoxe con algúns deles

A actualidade deste luns, 3 de xullo, en noticias 13.30h

O Rosal celebrará do 14 ao 16 de xullo a XXV Feira do Viño do Rosal que foi presentada esta mañá. Entre as novidades estará a ampliación do servizo de autobuses que este ano irán tamén a Tui e Baiona. Os detalles deunos hoxe o alcalde, Jesús Mª Fernández Portela, quen tamén avanzou a celebración do 30 de xullo da I Feira do Mirabel.

A actualidade deste venres, 30 de xuño, en Noticias 13.30h.

A actualidade deste xoves, 29 de xuño, en Noticias 13.30h.