A actualidade deste martes, 6 de xuño, de 2017 en Noticias 1330h

Este mediodía Manuel González Vázquez de CsT presentou a súa renuncia á acta de concelleiro no Concello de Tui coma anunciara en pleno o pasado 25 de maio. O compromiso de estar dous anos, e dar paso ao segundo na lista completado este tempo, e o proceso de unificación do PP, onde se presenta coma candidato do partido no congreso que se celebra este sábado, son os motivos polos que tomou esta decisión.

A actualidade deste luns, 5 de xuño, en Noticias 13.30h

35.345 peregrinos chegaron a Santiago en Maio logo completar algunha das rutas xacobeas e selar a credencial do peregrino que así o acredita, segundo os datos da Oficina do Peregrino. Deste total o 20.23% é dicir 7.151 persoas realizaron o Camiño Portugués.

De Tui partiron en maio 1.411 persoas, o 3,99% do total, ocupando a cidade o quinto posto en lugar de saída de peregrinos cara Santiago despois de Sarria, Saint Jean P. Porto, Porto e León. Mentres en Valença iniciaron o seu camiño 727 persoas. Si sumamos o cómputo de peregrinos que saíron de Tui e Valença, 2.138, a Eurocidade ocuparía o terceiro posto en lugares de partida cara Compostela.

Onte precisamente falamos con catro peregrinos que sairon de Tui e ían realizar o Camiño en seis etapas. Procedían de Guatemala e Castellón.

O Concello de Tui poderá usar en superficie os 15 mil metros cadrados das dúas unidade de execución de Camfran logo do que convenio de cesión gratuíta de uso asinada esta mañá cos seus propietarios.

Deste xeito, tras o seu acondicionamento, en menos dun mes disporase dunha nova zona de aparcamento no casco urbano, que suman a outras fincas particulares coas que o concello negociou e que xa están accesibles en distintos puntos.

O tenente alcalde Miguel Capón Rey explicou á Radio Municipal de Tui coa sinatura realizada hoxe entre o alcalde, Enrique Cabaleiro, e os propietarios dos terreos frutifican as xestións realizadas ao longo de ano e medio

No Baixo Miño hai 4.389 parados inscritos nos Servizos Públicos de Emprego, segundo os datos dados a coñecer esta mañá. O número de desempregados baixou en maio en 139 persoas, mentres que o paro interanual, a diferencia entre maio de 2016 e 2017 descendeu en 767 persoas.

En maio o paro baixou en 56 persoas en Tui onde hai 1.598 desempregados

A actualidade deste venres, 2 de xuño, coas citas da fin de semana e a información deportiva en Noticias 1330h

Antonio Fernández Rocha presentou esta mañá a súa renuncia a acta de concelleiro no Concello de Tui, tal e coma avanzara en pleno o pasado 25 de maio. Dende 2015 foi voceiro do grupo popular na corporación municipal, da que foi membro durante 22 anos,14 deles coma alcalde.

A actualidade deste 1 de xuño en Noticias 13.30h na RMT

Correos presentou esta mañá en Tui a súa web sobre o Camiño de Santiago onde está presente o Camiño Portugués. Información de cada etapa e dos servizos que presta correos coma o transporte de mochilas ou bicicletas tamén se recollen neste portal. A presentación correu a cargo de Ángel Pérez, director da zona de Correos, Francisco López, xefe de reparto en Tui, e do alcalde de Tui, Enrique Cabaleiro.