Informativos

Estas son as principais novas que hoxe recollemos en Noticias 13.30 h:

- Atraco nun establecemento de telefonía esta mañá no centro urbano de Tui

- Precaución nas beiras do Miño ante a subida do nivel do río

- O paro subiu en 56 persoas en xaneiro no Baixo Miño até os 2.506 demandantes de emprego

- En xaneiro chegaron a Santiago 2.520 peregrinos dos que 582 realizaron o Camiño Portugués e 161 saíron dende Tui

- Rock and roll en galego este venres no Teatro Municipal con A Banda dos Insectos

- Este venres preséntase o libro “Crónicas transatlánticas. De cinza e sal” de Bieito Alonso en Tui

- Obradoiro de maxia este sábado en Caldelas

- O Trail do Aloia abre esta fin de semana o calendario deportivo da Eurocidade Tui-Valença

Esta fin de semana celébrase o Trail do Aloia. Unha proba deportiva que completou xa as prazas tanto na distancia curta de 12 kms coma na longa de 20kms. Permanece aberta a inscrición para as categorías infantis que terán lugar o sábado á tarde.

Así nolo contou Serafín Martínez, membro da organización do Trail do Aloia, explicando as condicións que haberá esta fin de semana e tamén o auxe que experimenta esta modalidade deportiva.

Estas son as principais novas que hoxe recollemos en Noticias 13.30 h:

- Catorce eventos de dez modalidades deportivas conforman o Calendario Deportivo da Eurocidade Tui-Valença presentado esta mañá

- O Congreso Internacional Eurocidade-Educación da paso a unha investigación sobre sesgos e IA

- O Punto Limpo Móbil do Concello de Tui inicia en Pexegueiro o seu percorrido polas parroquias

- A Banda dos Insectos estará en concerto este venres no Teatro Municipal de Tui

- O Cineclub Tui proxecta hoxe "A voz de Hind”

- Concentración hoxe ás 20 h na praza da Inmaculada tras o feminicio de Mos convocada pola Marcha Mundial das Mulleres

- Esgotadas as prazas para os 12 kms e o 20 kms para o Trail do Aloi aeste domingo. Permance aberta a inscirción para a proba infantil do sábado

O Club Remo do Miño foi o mellor club no Campionato Xunta de Galicia de Longa Distancia de Remo Olímpico celebrado esta fin de semana. Os deportistas do club Remo do Miño lograron 7 medallas de ouro, 3 de prata e 2 de bronce. Amais 16 deles foron convocados pola Federación Galega para participar no Campionato de España por Autonomías.

Valoraba este campionato o seu presidente Manuel Ángel González.

Estas son as principais novas que hoxe luns recollemos en Noticias 13.30 h:

- Este mediodía gardouse en minuto de silencio na praza do Concello en sinal de respulsa polo asasinato de María Belén onte en Mos

- A educación converteuse esta fin de semana no punto de encontro da Eurocidade Tui-Valença coa celebración do II Congreso Internacional Eurocidade e Educación

- Samuel Diz e Jonatan Alvarado interpretarán un repertorio inédito de Gustavo Durán o venres 13 no Teatro Municipal de Tui

- A Eurocidade Tui-Valença celebra o seu 14º aniversario este sábado cun concerto da Academia de Música da Fortaleza de Valença e do Conservatorio Profesional de Música de Tui

- O cineclub Tui abre a programación de febreiro coa proxección de "A voz de Hind"

- O Club Remo do Miño foi o mellor club galego no Campionato Xunta de Galicia de Longa Distancia de Remo Olímpico celebrado esta fin de semana. Logrou 7 medallas de ouro, 3 de prata e 2 de bronce

Estas son as prinicipais novas que recollemos en Noticias 13.30 h

- O voto de calidade do alcalde permitiu onte a aprobación da modificación da RPT en pleno

- Aprobada por unanimidade a Ordenanza reguladora dos criterios de adxudicación, normas de funcionamento e utilización das vivendas sociais municipais en Caldelas

- Repasamos os outros acordos tomados onte en pleno en Tui

- O PP presenta recurso contencioso administrativo á ordenanza de control da zona azul mediante cámaras. O alcalde afirma que cumpre a legalidade e avanza que se personarán no proceso

- O transporte no Baixo Miño foi onte protagonista en Comisión no Parlamento con dúas PNL de PSOE e BNG que foron rexeitadas polo PP

- Hoxe comeza o congreso de educación da Eurocidade Tui-Valença

- Cita da fin de semana

- Deportes

Tras o anuncio do PP de Tui, da presentación dun recurso contencioso administrativo contra a ordenanza que regula o control da zona azul mediante cámaras, o alcalde de Tui, Enrique Cabaleiro, explicou que se personarán nese proceso formulando as alegacións que sexan pertinentes defendendo o posicionamento do goberno local dende a convicción de que ese proxecto cumple coa normativa vixente en materia de videovixilancia de zonas de aparcamento.

Sinalou o alcalde que a ordenanza cumple a legalidade. Engadiu que optaron por un sistema automático, eficaz e eficiente. Contestaba ao PP indicando que o custe do sistema é de 90 mil euros.

O Partido Popular de Tui presentou un recurso contencioso-administrativo contra a ordenanza municipal que regula o control do estacionamento mediante cámaras de videovixilancia.

O PP considera que esta medida é innecesaria, custosa e lesiva para os dereitos da veciñanza. Solicitan amais a suspensión cautelar da aplicación da ordenanza mentres non haxa un pronunciamento xudicial. Asi o explicou o seu voceiro, Nico Montes.

Estas son as principais novas que hoxe recollemos en Noticias 13.30 h:

- Ás 20 h sesión plenaria da corporación municipal de Tui que se poderá seguir en directo na nosa sintonía

- O PP de Tui presenta un recurso contencioso administrativo contra a ordenanza que regula o control do estacionamento mediante cámaras de videovixilancia

- Cortado un tramo da Avenida da Concordia por unha rotura nunha tubaxe de gas (Actualización: reestablecida a circulación ás 14.28 h)

- A educación centra mañá e pasado o congreso internacional da Eurocidade

- A Plataforma en Defensa da Sanidade Pública de Tui da a coñecer a situación actual no Centro de Saúde de Tui e convida a participar na manifestación do domingo en Santiago

- O barroco na Catedral de Tui centra esta tarde a conferencia de Miguel Taín en Tui

- A doutora Carmen Rodríguez Cerdeira presenta mañá un libro sobre psicodermatoloxía centrado na excoriación

- Hoxe abriu a inscrición no desfile-concurso de Entroido en Tui

- O equipo infantil do CB Tui xoga na fin de semana a fase de ascenso á Liga Galega

Debido a a rotura dunha tubaxe de gas, como medida de precaución, neste momento está cortado ao tráfico o tramo da Avenida da Concordia dende o cruzamento cara a estación do tren e a rotonda que comunica coa rúa Martínez de Sobredo

Manuel Arca, da Policía Local de Tui, explicou en Noticias 13.30 h que neste vial rexistrouse un accidente e un vehículo colidiu coa tubaxe. Policía Local, Bombeiros, e técnicos traballa no lugar.