A actualidade deste luns, 23 de xaneiro, en Noticias 13.30h, cos resultados deportivos da fin de semana.

Os veciños de Riomuiños, contrarios ao novo regulamento na rúa Bispo Salvado, solicitan que se fagan públicos os informes en base aos que se decidiu establecer o sentido único na rúa e que se de unha explicación, din, seria e argumentada da medida. Esta foi a decisión que tomaron o pasado sábado e onde tomaron a iniciativa de entregar a tódolos grupos municipais un documento no que se explica que tras o cambio na regulación do tráfico, os vehículos circulan a maiores velocidades e incumprindo as normas varias, marcha atrás, o que aumenta a perigosidade da rúa.

A actualidade do día, as citas para a fin de semana, e os encontros da fin de semana en Noticias 13.30h

O vindeiro venres, 27 de xaneiro, ás 19h, o Teatro Municipal de Tui acollerá o acto de homenaxe ao premio Nobel Camilo José Cela co gallo de celebrar o centenario do nacemento do escritor, fortemente vinculado a Tui. Esta mañá presentouse na Casa do Concello o acto “Cela en Tui” no que participou a concelleira de Cultura, María José González, o sobriño do escritor, Julio Perez Cela, e o alcalde de Tui, Enrique Cabaleiro.

O acto do vindeiro venres constará da proxección de parte do documental “El recuerdo más cercano”, que dirixido Carlos Agustin e Belén Tánago narra a vida de Cela na voz dos seus familiares e amigos máis próximos. A continuación, abrirase un coloquio no que participará o seu fillo Camilo José Cela Conde, o seu irmá Jorge Cela Trulock e o seu sobriño Julio Pérez Cela.

A actualidade deste frío xoves, 19 de xaneiro, na Radio Municipal de Tui.

Dous alumnos do IES de Tomiño atópanse entre os 22 de toda a provincia que viaxan a diferentes países da Unión Europea dentro do programa de mobilidade Erasmus+ da Deputación de Pontevedra destinado ao alumnado de Formación Profesional.

Trátase do segundo ano no que o instituto participa neste programa aínda que este ano é a primeira vez na que os alumnos completan a súa formación no estranxeiro. Trátase de dous alumnos do ciclo de Aproveitamentos Forestais. Son Ramiro DaCosta, de 20 anos, que dende o mes de outubro realiza as súa practicas nunha ONG de Londres. A este alumno súmase Beatriz López, que comezará o 1 de febreiro as súas prácticas no sur de Italia até o 22 de xullo. O director do centro, Carlos Villanueva, valora moi positivamente esta oportunidade para o alumnado.

Ademais, por segundo ano consecutivo, AcuBam busca poñer o foco na innovación e nas empresas que están á vangarda no Baixo Miño. Para elo, creáronse os premios AcuBam Innovación 2017.

A décimo cuarta edición da Mostra de Cultivos do Baixo Miño celebrarse o 4 e 5 de marzo. Arestora está xa aberta a inscrición para os profesionais e esperase que se sumen até 30 expositores. Trátase da mostra máis importante de toda Galicia no sector e dende AcuBam, a súa presidenta, Patricia Rodríguez, salienta que a feira creceu notablemente nestes anos con actividades paralelas e tamén cunha madurez que lle permite achegarse mellor aos profesionais do sector.

A actualidade do día nos informativos da Radio Municipal de Tui

O club Kaiak Tudense vén de reforzar a súa plantilla de deportistas cunha nova fichaxe. Trátase do asturiano Emilio Llamedo, de 29 anos, que é o kaiakista español en activo con máis títulos en Campionatos de España sobre 5000 metros e varias medallas en mundiais de maratón. En declaracións á Radio Municipal de Tui explicou que buscou mellorar sumándose ao mellor club de España. Coma obxectivos para este ano explica que o importante será chegar ben ao campionato de España de Fondo e longo de maratón en k1.

Pouco máis dun mes para que chegue o Entroido e en Salceda xa comezaron as preparacións coa publicación das bases de participación do XIX Desfile de Carrozas e Comparsas que se celebrará no municipio o domingo 26 de febreiro de 2017. Toda a información e as bases do concurso poden consultarse a través da páxina web do Concello www.salcedadecaselas.es