Mañá comeza o prazo de presentación de solicitudes para acceder ás seis prazas de auxiliares da Policía Local convocadas polo Concello de Tui. O concelleiro de Seguridade, José Ramón Magán, daba conta desta convocatoria e avanzaba que a finais de mes levarán a pleno a convocatoria de catro prazas de policías vacantes na plantilla.

O que acontece en Tui e na contorna contámolo na Radio Municipal de Tui

A comercializadora de plantas ornamentais con sede en Tomiño Coplant estará por décimo ano na maior feira internacional deste tipo de plantas, a IPM-Essen. Coplant foi a primeira empresa española en obter o certificado PPQS que facilita a venda dos seus produtos en mercados europeos. Entre os 3.500 artigos que teñen con 600 variedades diferentes levarán principalmente camelias, rododendros ou hortensias. Emilio Estevez é o director xerente da comercializadora tomiñesa.

O concello do Rosal plantará máis de medio centenar de árbores autóctonas galegas no entorno dos Muíños do Folón e do Picón. En concreto trátase de carballos que se plantarán nas marxes do Folón e do Picón. Para levar a cabo o proxecto, e buscando organizar unha actividade familiar de contacto coa natureza, o Concello busca voluntarios para este mes de xaneiro ou febreiro. Os prazos aínda están abertos para quen que queira participar nesta actividade lúdica e especialmente enfocada para que os cativos aprendan a valorar o entorno natural. Así nolo contaba a técnica do Rosal Sandra Alonso.

800 pezas audiovisuais presentaronse este ano a convocatoria de Play-Doc o festival Internacional de Documentais de Tui que se celebrará do 22 ao 26 de marzo. Son 800 filmes que foron estreados a partir de xaneiro de 2016 e que destacan, segundo o director do festival, Ángel Sánchez, pola súa diversidade. Agora, para o equipo do Play-Doc toca comezar o traballo de selección.

Ademais desta selección para a sección de competición, Ángel Sánchez tamén destaca que este ano porán o foco nas actividades paralelas e diferentes obradoiros que permitan interactuar á cidade de Tui co festival.

A actualidade deste luns, 16 de xaneiro, e o resumo deportivo da fin de semana na Radio Municipal de Tui

A reparación da rede de saneamento das instalacións deportivas Álvarez Durán está sendo acometida estes días por operarios municipais. O obxectivo dos traballos é eliminar o problema de filtracións que se tiña producido e que tiñan afectado á unha traída veciñal. Segundo explica o concelleiro de Deportes, Laureano Alonso, tras a denuncia presentada por uns veciños que detectaron problemas de contaminación na súa traída dende o Concello buscaron a posible orixe do problema. Logo de revisar a rede de saneamento das instalacións municipais, que conta con moitos anos de antigüidade, detectaron que parte da mesma estaba taponada, atopando unha das tubaxes selada con poliureano e no interior doutra unha botella de cristal. Está mañá cunha cámara comprobaron coma tamén hai restos de obra no interior da tubaxe.

O Cineclub Poleiro xa ten lista unha nova temporada que comezará o xoves 2 de febreiro e terá lugar o primeiro xoves de cada mes até maio. Son catro películas de temáticas ben diferentes. como Ramón Álvarez, presidente do cineclub, explicaba á RMT.

Este novo ciclo rebaixa ademais o seu custe. O abono para os catro filmes pasa de custar 12€ a 10.

Balance moi positivo da II Mostra da Camelia Cidade de Tui celebrada esta fin de semana. 70 expositores déronse cita na exposición realizada na Sala de Exposicións Municipal, na Área Panorámica, pola que pasaron centos de persoas.

José Carlos Montes é unhas das persoas que levou a cabo a organización xunto ao Concello de Tui. O éxito acadado tanto na primeira edición coma na edición deste ano dalles folgos para pensar xa na terceira edición.

A actualidade do día, as citas para a fin de semana e os encontros deportivos nos informativos da RMT