Na comarca do Baixo Miño había a 31 de decembro de 2016 4.732 parados, son 130 máis que o mes anterior, pero 434 persoas menos que en decembro de 2015. Ao longo de 2016 – de xaneiro a decembro – o paro baixou na comarca en 598 persoas.

Por concellos o paro subiu en todos os municipios en decembro. En Tui o ano 2016 rematou con 1670 desempregados, son 10 máis en novembro, pero 164 menos que no mesmo mes de 2015.

Nos informativos da Radio Municipal recollemos a actualidade deste día, con destaque para os datos do paro e as citas festivas

Hoxe compartimos uns minutos cons nenos e nenas que participan nos obradoiros de Nadal organizados polo Concello de Tui e nos contaron as falcatruadas que fixeron ao longo do ano esperando que os Reis Magos as pasen por riba e lles traian os seus agasallos.

A actualidade de Tui e do Baixo Miño presente nos informativos da RMT

Seis axentes da policía local de Tui denuncian a situación en que traballan por número de efectivos, instalacións e condicións económicas. Avanza que non farán horas extras para a Cabalgata de Reis deste xoves.

O concelleiro de Seguridade explica que neste mes levarán a pleno a oferta pública de emprego de 4 axentes para a Policía Local. Par a Cabalgata de Reis contarán con cinco axentes, o que está de servizo e catro máis, e solicita comprensión á cidadanía.

A actualidade deste 2 de xaneiro na Radio Municipal de Tui en Noticias 13.30h

No derradeiro informativo do ano 2016 recollemos a actualidade de Tui e do Baixo Miño.

A aprobación inicial da ordenanza contra a contaminación acústica e os pregos de licitacióndo servizo de limpeza viaira foron rexeitados onte en pleno polos grupos da oposición. Falamos do pleno co alcalde, Enrique Cabaleiro.

A actualidade informativa de cada día nos informativos da Radio Municipal de Tui

A actualidade de Tui e O Baixo Miño deste mércores, 28 de decembro, en Noticias 13.30h na Radio Municipal de Tui.