Informativos

Informativos

By Radio Municipal de TuiNews
Download on the App Store

Informativos episodes

  • O goberno municipal propón aos veciños o sentido dobre de circulación so para residentes en Riomuíños
    O alcalde de Tui, Enrique Cabaleiro, presentou onte aos veciños de Riomuíños a proposta que fan dende o goberno municipal de que a rúa Bispo Salvado sexa de sentido dobre só para residentes, coma alternativa ao sentido único posto en marcha hai meses e que non é compartido pola meirande parte dos veciños.
    Aplicarase segundo Enrique Cabaleiro un sistema de tarxetas para residentes similar ao previsto no conxunto histórico.
    A medida entrará en vigor o próximo 1 de marzo segundo apuntou o alcalde.
    Emilia Rosende, presidenta da Asociación de Veciños de Rimuíños, valorou a reunión de onte en declaracións á Radio Municipal de Tui. Explicaba que a proposta de sentido dobre so para residentes non lles satisface ao 100%, xa que hai algúns veciños que quedarían fóra.
    4 min
  • Tui e Tomiño abordaron con Telefónica a implantación da fibra óptica
    O alcalde de Tui, Enrique Cabaleiro, e a alcaldesa de Tomiño, Sandra González, reunironse onte na casa do Concello de Tui con representantes da empresa Telefónica para tratar a progresiva instalación de fibra óptica e mellora da rede de telecomunicacións en ámbolos dous municipios.
    En concreto, o concello de Tui busca extender a fibra óptica as parroquias e tamén ao conxunto histórico, que arestora non conta con cobertura de fibra, non así o centro urbano de Tui. Neste senso, o conxunto histórico conta con maior protección xa que estas instalacións non poden ir á vista nas fachadas senón que deben ir soterradas. O alcalde, Enrique Cabaleiro, reunirase tamén cos responsables das empresas de electricidade e gas para soterrar conxuntamente todos os servizos e melloralos.
    5 min
  • Seis composteiros comunitarios comezarán a funcionar esta semana
    A finais de semana poderán comezar a utilizarse os seis novos composteiros comunitarios situados no cruzamento entre a Avenida de Portugal e o camiño do Parador e instalados dentro do Plan Revitaliza da Deputación de Pontevedra.O Concello de Tui preparou os terreos e os elementos necesarios para a súa instalación.
    O concelleiro de Medio Ambiente, Limpeza e Recollida do Lixo, José Martínez Tato, lembra a importancia de comezar a virar na nosa actitude ante a reciclaxe.
    4 min
  • Resumo do pleno de xaneiro en Tui
    O alcalde de Tui, Enrique Cabaleiro, reunirase a próxima semana cos veciños de Riomuíños para exporlles distintas alternativas ao actual sentido único na rúa Bispo Salvado. Sobre tema preguntaron todos os grupos da oposición, pero tamén interpelaron ao alcalde os propios veciños presentes no salón de sesións na quenda final de rogos e preguntas do público.
    O Camiño Portugués estivo tamén presente no debate plenario .
    En canto aos temas que ían na orde do día todos os grupos estiveron de acordo na proposta de solicitar ao Ministerio de Facenda autorización para a reposición de catro prazas da Policía Local ao cumprir cos requisitos esixidos pola Lei de Orzamentos do Estado de 2016.
    Por unanimidade tamén foi aprobada a acta do pleno de decembro, e a bonificación do 50% do ICIO á Entidade Menor de Pazos de Reis na obra de rehabilitación dun lavadoiro, a dous particulares por obras no conxunto histórico e a Dirección Xeral de Policía por obras na comisaria da rúa Párroco Rguez Vázquez.
    A proposta do BNG reclamando a titularidade para Galicia da AP-9 logrou o apoio de BNG, PSOE, ALT, Son de Tui e C21. Non así do PP, CsT e APTUI que se abstiveron.Tamén se aprobou o uso conxunto ou por separado do escudo e da bandeira de Tui.
    7 min

About Informativos

From the publisher's feed

Os informativos da Radio Municipal de Tui recollen a actualidade máis cercana no ámbito local e comarcal. A información política, social, cultural, deportiva de Tui e da comarca do Baixo Miño está…