O alcalde de Tui, Enrique Cabaleiro, reuniuse esta mañá xunto a alcaldesa de Tomiño, Sandra González, coa directora xeral de Medio Ambiente e a subdirectora xeral de Patrimonio Natural para abordar a execución da senda fluvial con Tomiño, dentro do obxectivo xeral do goberno municipal de que toda a beira do Miño estea unida por unha senda fluvial cara Tomiño e Salceda. Co alcalde desta última localidade tamén se reuniu onte.

A actualidade deste xoves en Noticias 13.30h na RMT

Corenta remeiros da universidade de Cambrigde adestran dende o pasado venres e ata este sábado en Tui. Pertencen ao First and Third, Trinity College Boat Club. Están a realizar tres adestramentos diarios en augas do Miño e nas instalacións do Remo do Miño, club anfitrión.

O que é noticia neste mércores, 11 de xaneiro, contámolo nos informativos da Radio Municipal de Tui

Unha moi popular plataforma de viaxes vén de destacar a Tui no seu magazine baixo o titulo de “6 destinos infravalorados que visitar en 2017”. En concreto, dende esta publicación, que conta con milleiros de visitas diarias, define a Tui como a “Noruega española”.

A actualidade do día en Tui e no Baixo Miño en Noticias 13.30h na RMT

Acitui presentará este 2017 o Día de América como gran evento patrocinado e organizado pola asociación. Terá lugar o 2 e 3 de setembro e arestora atópase xa avanzado con diferentes ideas e o apoio xa confirmado da Deputación de Pontevedra. Trátase de conectar cos diferentes países que acolleron e recibiron cos brazos abertos aos milleiros de galegos e galegas que tiveron que emigrar en busca dun futuro que Galicia non lles daba.

Os habitantes do Baixo Miño gastarán en torno a 90-100€ nas rebaixas de inverno que deron comezo xa. Dende ACITUI, o seu presidente, Juan Carlos Blanco, lamenta que a desregularización dos períodos de rebaixas prexudica ao pequeno comercio en favor das grandes superficies comerciais e pide que se volve ao anterior modelo de períodos limitados por campañas.

En Noticias 13.30h recollemos a actualidade de Tui e do Baixo Miño

A relación das cabalgatas na contorna e as citas da fin de semana centran o informativo de hoxe xoves, 5 de xaneiro.