A actualidade de Tui e a comarca do Baixo Miño deste martes 16 de agosto en #Noticias1330h da Radio Municipal de Tui.

A Oficina Municipal de Turismo de Tui rexistrou o pasado mes de xullo un total de 11.486 consultas por parte de turistas e peregrinos que se achegaron ata este punto situado na Praza de San Fernando.

Das 11.486 persoas que pasaron por este punto de información 7.592 eran españois e 3.894 estranxeiros. Deste total 2.547 eran peregrinos que se achegaron ata a Oficina de Turismo a selar a súa credencial ou demandar información sobre aloxamento, trazado do camiño, o lugares de interese a visitar. Os peregrinos estranxeiros foron os máis numerosos con 1.542 consultas e os nacionais con 1.005.

A actualidade do día e todas as citas, moitas delas festivas, desta fin de semana en #Noticias1330h

Dende o luns arderon soamente na provincia de Pontevedra máis de 3.200 hectáreas, nos lumes que arrasan o patrimonio medioambiental galego. Estamos a vivir a peor vaga de incendios dos últimos anos e a peor situación arestora atópase en Arbo. Alí levan ardido mais de 1.500 hectáreas. Para que se fagan unha idea, o 35% do total da superficie de todo o concello de Arbo é agora mesmo, cinza. Esta queimada. O lume que comezou en torno as 20:30 do mércores continúa fora de control e obrigou a declarar o nivel 2 por perigo para a poboación. Da conta da situación o alcalde, Horacio Gil.

As Festas do Monte na Guarda, declaradas de interese turístico galego, chegan aos seus días grandes. Miles de persoas participarán mañá no Desfile dende a Alameda ata o Porto cos grupos folclóricos e sobre todo coas bandas mariñeiras. O domingo celébrase a subida ao Monte, dende primeira hora as bandas concentrase no porto e en distintos lugares do casco urbano para ir subindo ata o cumio do monte, onde xarán e farán a xura.

Mañá ás 15,55 hora española o tudense Frank Casañas debuturá nos Xogos Olímpicos de Río en lanzamento de disco. Será coa proba clasificatoria formando parte do grupo B onde se enfrontará a atletas de Islandia, Hungría, Ucraína, Suiza, Irán, Polonia e Bélxica. Será o sétimo en competir co dorsal 2351. Hoxe en declaración á Radio Municipal de Tui explicaba que está desexando que chegue o momento para saír a dalo todo. Estes son os seus quintos Xogos.

Moita sorte. Estaremos mañá pendente da súa actuación.

A actualidade informativa de Tui e do Baixo Miño nos informativos da Radio Municipal de Tui

O vindeiro venres abriarse xa ao tráfico a rúa Bispo Salvado. Unha vez rematados os traballos de arranxo do firme reabrirase á circulación cun cambio de sentido pasando a ser de sentido único pasada a ponte sobre o río Tripes e até o cruce coa rúa Martínez Padín.

Onte, aos incendios de Mondariz, Caldas e Cotobade sumouse un novo lume en Soutomaior. Declarouse en torno as 16:00 horas da tarde e puxo rapidamente en perigo núcleos urbanos na parroquia redondelá de O Viso, polo que Medio Rural activou a alerta a situación 2.Foron xa desaloxadas varias vivendas e participa no operativo de extinción a Unidade Militar de Emerxencias. Son xa 200 hectáreas de monte queimadas.

Dende fai uns días comezou a chamada chuvia de Perseidas ou lágrimas de San Lourenzo que cada verán déixanos un ceo cuberto de estrelas que parecen fuxir do firmamento. Esta chuvia, que se produce ao atravesar a terra a estela que deixa o cometa Swift-Tuttle, será este ano ademais cinco veces mais intensa con hasta 500 meteoros durante a hora. E na comarca temos diversas alternativas para poder desfrutar destas noites máxicas de verán.