Hoxe dedicamos o peche ao futuro, en concreto ao vindeiro Mundial de Piragüismo na modalidade de Maratón que se celebrará no mes de setembro na cidade alemá de Brandeburgo. Para poder acudir alá Iván Alonso ven de comezar unha campaña de financiamento entre os propios veciños de Tui que cun pequeno apoio permitirán que o deporte da cidade viaxe internacionalmente.

Os informativos da Radio Municipal de Tui recollen cada día a actualidade de Tui e do Baixo Miño

Ata o 17 de agosto está aberto o prazo de inscrición para a II Carreira Popular de San Bartolomeu que se celebrará o 20 de agosto. Será dende ás 10h na categorías superiores que farán 3,3 kms,.Explicounolo Cristián Lago membro da organización.

A inscrición debe facerse a través da web clubatletismotui.wordpress.com

Ás dez da noite terá lugar un concerto co ensemble de música antiga da Escola Superior de Música, Artes e Espectáculo do Porto. Integran o grupo Magna Ferreira, cantante; Pedro Sousa, frauta; Hugo Sanches, laúde; Xurxo Varela, viola dei gamba; Ana Mafalda Castro, clave, na Igrexa San Estêvão da fortaleza de Valença con repertorio de Bartolomeo dei Selma e Salaverde, Giacomo Carissimi, Girolamo Frescobaldi, Henry Purcell, Mathew Locke, e Handel. Hoxe falamos con Ana Mafalda Castro e Pedro Sousa.

30.000 exemplares dun mapa despregable con información dos puntos de interese turístico do Baixo Miño son os que vén de editar a Mancomunidade do Baixo Miño. O obxectivo é promocionar o patrimonio natural, etnográfico, arquitectónico, cultural, arqueolóxico e panorámico dos cinco concellos: Tui, Tomiño, O Rosal, A Guarda e Oia. Contounolo a alcaldesa de Oia e presidenta da Mancomunidade, Cristina Correa

A actualidade deste martes, 26 de xullo, en Tui e na comarca do Baixo Miño en Noticias 13.30h na Radio Municipal de Tui

A dez días do comezo das Olimpíadas de Río, recollemos a proposta de do xornalista galego Álvaro Alonso nun libro que recolle as reflexións dos mellores deportista galegos que participaron nalgunha das olimpíadas comezando o repaso por Atlanta 1996.

Hoxe, 25 de xullo, celebramos o Día de Galicia. Recollemos nunha reportaxe esta data

Hoxe comeza o IKFEM e faino con dobre proposta. Ás 19.30h na Igrexa de San Domingos en Tui ofrecerán un concerto os alumnos de piano e acordeón da Academia de Música da Fortaleza de Valença e do Conservatorio Profesional de Música de Tui. Logo ás 22h celebrarase a gala inaugural no auditorio da Quinta da Mota con concerto de María Ana Bobone. Falaron destes eventos na nosa sintonía os directores dos dous centros de estudos musicais, Ibonne Riveiro e Rubén López, e a directora do festival Andrea González.

Máis de 170 rapaces e rapazas de Tui desfrutan estes días da primeira quenda do campamento de verán organizado polo Concello. Baixo a premisa dos viaxes no tempo, a rapazada pasa as mañás imaxinando a través de obradoiros que poden ir ao pasado. Que época prefiren? Isto nos atopamos...