Os informativos da Radio Municipal de Tui recollen a actualidade de Tui e do Baixo Miño, e no caso de hoxe a intensa actividade de cara a esta longa fin de semana.

A figura e a obra do fotógrafo guardés Joaquín García Portela, máis coñecido polo alcume do “Costiña” será posta en valor dende hoxe polo Concello da Guarda e o Proxecto Socheo.

Ás nove desta noite inaugurarase na Casa dos Alonsos a mostra Camiños da Imaxe. Logo ás 22.30h farase unha proxección do seu arquivo na Praza do Reló.

Beli Martínez do Proxecto Socheo é a comisaria da Exposición

Oia sube á bicicleta e non baixa até o domingo. Hoxe, sábado 23, celebrase a “Festa da bicleta” especialmente destinada a familias. Sairá do Mosteiro de Oia e contará con animación ao longo dos 10 quilómetros do percorrido. Xa o domingo, ás 9:00 da mañá sairá a IV Marcha Cicloturista de Oia que percorrerá 105 quilómetros en aproximadamente 5 horas de duración.

Hoxe, a partir das 18:00 da tarde, as principais rúas de Figueiró, en Tomiño, acollerán o undécimo Encontro Internacional de Treboadas da parroquia tomiñesa, un evento que busca reivindicar a cultura das treboadas do Baixo Miño. Esta edición é ademais a máis numerosa e espectacular, con en torno a 300 músicos de ámbalas beiras do Miño con grupos de A Guarda, Tomiño, Goian, Gondim e Viana do Castelo.

terminar xullo, todo apunta a que se rachará cun novo récord nos termómetros.

Tui rexistrou o pasado sábado e domingo a fin de semana mais calorosa de todo o 2016. En concreto, segundo os datos de Meteogalicia, o pasado domingo alzase como a xornada máis cálida do ano con 37,5ºC. Tamén no Monte Aloia, segundo a estación da Unidade de Observación e Predición Meteorolóxica galega, ese foi o día máis cálido cando se alcanzaron 36,2ºC.

A actualidade de Tui e do Baixo Miño na Radio Municipal de Tui

Ás 20h no patio do colexio dos Xesuítas en Camposancos na Guarda terá lugar o cuarto faladoiro dos “Diálogos en Educación”. O profesor Carlos Soneira Calvo, do Departamento de Pedagoxía e Didáctica da Facultade de Ciencias da Educación da Universidade da Coruña falará de “Sobre o emprego do sentido común na resolución de problemas escolares”.

Valença vén de renovar a súa páxina web, cm-valenca.pt co obxectivo de facer máis accesible ao cidadán a información municipal. O novo deseño é máis e funcional e adáptase a tódolos dispositivos e anchos de pantalla, tanto en ordenadores coma en móviles. Explicao o responsable de Cultura de Valença, José Monte.

Un dos maiores expoñentes do irmandamento cultural entre Portugal e Galicia ao abeiro da Eurocidade Tui-Valença volve como cada verán as rúas de ámbalas dúas cidades da beira do Miño. O IKFEM, Festival Internacional de Instrumentos de Tecla, celebra do 25 ao 30 de xullo a súa cuarta edición. Esta mañá a Casa do Concello de Tui acolleu a súa presentación oficial.

O que acontece en Tui e no Baixo Miño está presente cada xornada nos informativos da Radio Municipal de Tui.