www.turismoaguarda.es é o enderezo da nova páxina web da Guarda presentada esta mañá na que se fai fincapé no patrimonio e na paisaxe. En palabras do alcalde, Antonio Lomba, trátase dunha web moi completa, realizada en software libre, actual e con posibilidade de futuro. Tamén se presentou un novo vídeo de promoción cultural do municipio segundo o rexedor guardés explicou en declaracións á Radio Municipal de Tui.

Hoxe comezaron as obras de reasfaltado e repintado na rotonda entre a PO550 e PO404 en Guillarei, ás que seguirán o pintado da sinalización horizontal en todo o casco urbano unha vez dende o concello se contan cos permisos e autorizacións pertinentes. O explicou o alcalde de Tui, Enrique Cabaleiro.

A prevención e loita contra os incendios forestais e labores de información e seguridade no Camiño de Santiago son dous dos obxectivos do escuadrón de cabalería da Garda Civil que durante este verán ten a súa sede en Tui.

Unha vida dedicada ao deporte no máis alto da competición e cun palmarés que asusta. É a carta de presentación dos remeiro tudenses Jesús González e o piragüista Quique Míguez.

A actualidade de Tui e do Baixo Miño na Radio Municipal de Tui

A bandeira de Tui co escudo viaxa xa en forma de selo pola xeografía nacional e internacional. Trátase dun selo privado cun custe de 1,20€ que foi solicitado á Dirección Xeral de Correos polo Grupo Filatélico e Numismático Tudense. Así o explicaba o Carlos Pérez Fonterosa quen indicaba que ante gran demanda rexistrada teñen que solicitar xa unha nova emisión do mesmo.

O grupo Filatélico Tudense traballa xa na solicitude dun novo selo sobre a Eurocidade plasmando un debuxo do ano 1500 de Duarte Damas, pero o que lles falla aínda a cor que desexan.

A Catedral, San Telmo, a Ponte Internacional e o Pai Salvado foron obxecto xa dunha folla bloque de selos, e outro da Ponte Internacional.

Estes cinco primeiros selos están esgotados e de seguro que son gardados coma ouro en paño polos coleccionistas.

O alcalde da Guarda, Antonio Lomba, e a conselleira de Infraestruturas e Vivenda, Ethel Vázquez, reuníronse o pasado martes12 de xullo para abordar as demandas do rexedor guardés con respecto a Vía de Altas Prestacións Tui-A Guarda.

Tralo encontro, Antonio Lomba móstrase satisfeito por poder trasladarlle a conselleira a demanda de construción dunha vía que define como “urxente”. O rexedor está esperanzado co compromiso de Ethel Vázquez para trazar un plan de investimentos, aínda que é suspicaz pola proximidade das eleccións galegas. A Conselleira anunciou a licitación para o proxecto técnico do enlace co polígono de Areas, e unha partida nos orzamentos do vindeiro ano para o tramo I Tui-Tomiño. Pero quedou, iso si, sen data, o tramo II que enlazaría coa rotonda de Goián.

A AECT Río Miño será unha realidade en 2017. A pasada semana no encontro mantido entre o deputado Uxío Benítez, e o presidente da Cámara de Viana do Castelo e do CIM Alto Minho, José María Costa, pechouse a negociación dos estatutos desta agrupación europea de cooperación territorial que agora serán levados para a súa aprobación aos plenos do CIM Alto Miño o día 28 e da Deputación o 29. Así o explicou Uxío Benítez.

O seguinte paso será a súa remisión ao goberno de Madrid e Lisboa para a súa aprobación e constitución formal da AECT.

A constitución desta agrupación será un paso histórico para a cooperación tranfronteiriza en palabras de Uxío Benítez.

Con 14 anos é o reporteiro sensación do Tour de Francia. David Fletcher rompe tódolos récords e crea tal expectación que até protagoniza as páxinas de diarios deportivo como o francés L’equipe.

A actualidade de Tui e do Baixo Miño en Noticias 13.30h