A finais de verán comezarán as obras de reforzo da seguridade viaria e de reforma do carril bici da estrada PO-552 entre A Guarda e Baiona cun investimento de 800 mil euros. Así o anunciou a conselleira de Infraestruturas e Vivenda, Ethel Vázquez destacando que se trata dunha actuación “de consenso” que pretende compatibilizar as necesidades dos peóns, dos ciclistas e dos condutores.

A alcaldesa de Oia, Cristina Correa, destacou que o proxecto de reforma do carril bici na estrada A Guarda-Baiona presentado pola conselleira de Infraestruturas foi consensuado cos colectivos de ciclistas, a DXT, ...co que fai un plantexamento que combina a senda peonil e a ampliación para ciclistas e cicloturistas.

A actualidade de Tui e da comarca do Baixo Miño en #Noticias1330h

O concello da Guarda pon en marcha un novo servizo de alertas culturais a través de email, sms e WhatsApp co obxectivo de chegar ao maior número de veciños. A concelleira de cultura, Elena Baz, explica que a campaña "ViveAGuarda" busca achegarse á poboación abrindo novos xeitos de contacto.

Achegámonos a segunda fase da operación saída do verán e a Policía Nacional publica unha serie de medidas de prevención para os que deixen a súa casa durante uns merecidos días de descanso e non desexen volver cunha desagradable sorpresa ao fogar.

O delegado territorial da Xunta en Pontevedra, José Manuel Cores Tourís, destacou á comunidade de montes de Burgueira en Oia coma un referente no distrito forestal polo traballo de reforestación e pola prevención de incendios. Así o fixo na visita que realizou este mediodía a esta comunidade xunto coa alcaldesa de Oia, Cristina Correa, o xefe territorial de Medio Rural, Antonio Crespo, e do xefe do Servizo de Incendios, Manuel Francisco. Anunciou amais ás achegas ás distintas comunidades.

O Club Kaiak Tudense proclamouse esta fin de semana subcampeón de España de verán con 1.525 puntos, por detrás do Náutico de Sevilla con 1.612 e seguido do Breogán do Grove no terceiro posto.

Amais os de Tui foron segundos na clasificación xeral da Liga Nacional de Pista Hernando Calleja, venceu na Copa do Rei e foi terceiro na Copa da Raíña.

Gabriel Campo Pavón foi un dos padeeiros destacados ao sumar catro medallas. Valorou en declaracións á Radio Municipal de Tui estes resultados e falou da próxima cita competitiva: o campionato galego esta fin de semana.

A actualidade de Tui e do Baixo Miño en Noticias 13.30h

Os supermercados galegos Gadis puxeron de moda fai uns anos a fachenda galega. Ese carácter propio, esa forma de vela vida resumida nunha única palabra: maloserá! Con modestia, pero tamén con afouteza viven os galegos e galegas o día a día. Saímos a rúa e nos preguntamos Qué é vivir como galegos?

A Feira do Viño do Rosal cumpre 24 anos e faino coa declaración de Interese Turístico Galego. Foi presentada esta mañá no Lagar de Eiras onde se avanzou a programación a celebrar para todas as idades. Coma novidade instalarase unha carpa na Praza do Calvario. O alcalde do Rosal, Jesús Mª Fernández Portela, explicou os pormenores do evento para o que convidaron ao presidente da Xunta á inauguración.