Dende primeira hora de esta mañá a antiga ponte internacional de Tui-Valença está cortada pola gravación dunha película producida pola TVG e Televisió de Catalunya. O filme está baseado nos acertos e tropezos de Ramón Obella, o primeiro catedrático de Química Orgánica da USC que tivo que fuxir tras o estalido da Guerra Civil e os irmáns empresarios José e Antonio Fernández para montar o alicerce do que sería a farmacéutica porriñesa Zeltia. En Tui, gravan hoxe a chegada de Obella a Tui nos anos 40 onde pasaría polo cárcere despois de que a ditadura franquista lle despoxara da súa praza como profesor na USC.

A actualidade de Tui e do Baixo Miño cada xornada na Radio Municipal de Tui

Molotov, Amaral, Bumbury ou Love of Lesbian son algúns dos artistas que esta fin de semana se subirán a un dos dous escenario de PortAmérica. Por quinto ano consecutivo, Porto do Molle, en Nigrán, sitúase como punto central da música indie e alternativa, nun festival que conta cun orzamento de en torno a 1 millón de euros. Joaquín Martínez, director do festival e coñecido como Quin, da conta do cartel deste ano.

Intercambio entre remeiros holandeses e tudenses que comparten deporte en augas do río Miño ata o próximo martes. En agosto serán os do Remo Tui os que se acheguen a Vada para adestrar xunto aos seus novos amigos. Hoxe foron recibidos na casa do concello polo alcalde, Enrique Cabaleiro, e o concelleiro de Deportes, Laureano Alonso.

Cun investimento de 60 mil euros o Consorcio de Augas do Louro iniciou estes días a obra de abastecemento ao barrio do Monte en Caldelas que dará servizo a un centenar de veciños. O alcalde de Tui, Enrique Cabaleiro, explicou que se trata dunha obra longamente demandada polos veciños que agardan estea culminada no mes de agosto.

A actualidade de Tui e do Baixo Miño nos informativos da Radio Municipal de Tui

O Festival de Rock Guardés está este ano de noraboa ao celebrar o seu 15 aniversario. O Rock Guardés naceu co obxectivo de visibilizar e promocionar as bandas locais de rock. Unha visión que mantén nesta edición, marcada por numerosas novidades, que esperan sexan do agrado do público. Explícao un dos organizadores, Alberto Álvarez.

A actualidadea de Tui e do Baixo Miño na Radio Municipal de Tui

O alcalde da Guarda, Antonio Lomba, estima que se podería ampliar a calzada a baixo custe en zonas de monte. Lomba considera que a reforma é positiva ao mellorar a seguridade, aínda que pouco ambiciosa a longo prazo.

Na opinión do alcalde do Rosal, Jesús María Fernández Portela, a actuación é positiva ao mellorar a seguridade dos usuarios sen necesidade dunha reforma integral que considera difícil de asumir economicamente. Actuación que, tamén destacou, contou cun amplo consenso.