Asinado o protocolo entre o Concello de Tomiño, a Cámara de Vila Nova de Cerveira e a Deputación de Pontevedra para convocar un concurso internacional de ideas para construír unha ponte peonil entre Cerveira e Goián sobre o Miño. A alcaldesa de Tomiño, Sandra González, valorou este convenio e deu conta dos próximos pasos a seguir.

A actualidade do venres 8 de xullo en Tui e na comarca do Baixo Miño na Radio Municipal de Tui

Dende este domingo abre ao público o Centro de Interpretación do Castelo de Santa Cruz na Guarda que brindará información non só sobre este espazo senón tamén sobre o sistema defensivo de fortalezas do Miño tal e coma explicaba o concelleiro de Patrimonio da Guarda, Javier Crespo.

Detallaba o edil como son as instalación do novo centro.

O horario de apertura será, as fins de semana e os días festivos, de 11 a 14 horas e pola tarde de 18:00 a 21:00.

Un campus de baloncesto singular e diferente é o que dende hai catro anos se celebra en Tui co nome de Joe Arlauckas, así o destacou hoxe na presentación do mesmo o exxogador, acompañado por Salva Arco que visita hoxe aos participantes no Campus, Sindo Bargiela da organización, e o alcalde de Tui, Enrique Cabaleiro. Estivo tamén presente no salón de sesións do concello Lucila Pascua, que tamén se achega ata o Campus días antes de partir cara a Río onde participará con España nas Olimpíadas. Este sábado será a clausura do Campus.

A actualidade do xoves 7 de xullo en Tui e na comarca do Baixo Miño na Radio Municipal de Tui

Ás 20h no colexio dos Xesuítas na Pasaxe na Guarda o profesor Quintín Álvarez Núñez da USC falará de “Unha educación para o século XXI: A Pedagoxía sistémica” dentro dos "Diálogos en Educación" organizado polo Concello da Guarda. O profesor Quintín Álvarez fíxenos un avance da súa charla desta tarde aberta tamén ás intervencións do público.

O alcalde de Tui, Enrique Cabaleiro entrevistouse onte á tarde coa conselleira de Infraestruturas , Ethel Vázquez. Sobre a mesa estiveron o acceso ao Parque Empresarial de Areas e as rotondas de Guillarei e Areas. Aínda que a conselleira manifestou o seu compromiso coa execución das rotondas o rexedor botou en falla prazos concretos. Tampouco hai datas para a construcción do enlace de Areas do que continua a tramitación administrativa.

Cada día a actualidade de Tui e da comarca do Baixo Miño nos informativos da Radio Municipal de Tui.

Este venres ás 12.30h no Espazo Fortaleza de Goián asinarase un protocolo entre a presidenta da Deputación, Carmela Silva; o presidente da Câmara de Vila Nova de Cerveira, João Fernando Brito; e a alcaldesa de Tomiño, Sandra González, para realizar o concurso de ideas que definirá a imaxe da nova ponte peonil sobre o río Miño entre Tomiño e Cerveira.

O deputado de Cooperación Transfronteiriza, Uxío Benítez, explicou que a realización dun parque transfronteirizo entre Tomiño e Cerveira é un dos proxectos incluídos na Axenda Estratéxica dos dous municipios. O proxecto será presentado pola Deputación aos fondos europeos do programa Interreg V A (POCTEP) España-Portugal 2014-2020.

A actualidade de Tui e da comarca do Baixo Miño cada mañá nos informativos da Radio Municipal de Tui.