Realizar o cambio de domicilio no carné de conducir ou no permiso de circulación dun vehículo son dous trámite que os cidadáns de Tui poden realizar xa nas oficinas da Casa do Concello. Isto é así grazas ao convenio asinado entre o alcalde de Tui e a xefa de Tráfico, tras aprobarse en febreiro en pleno a adhesión ao convenio marco coa FEMP. Así o explicaba o concelleiro de Seguridade, José Ramón Magán. Grazas a este convenio os cidadáns evitarán ter que desprazarse a outras cidades para realizar estes trámites.

A Eurocidade Tui-Valença foi recoñecida o sábado coma xuíz honorario do Couto Mixto. Recolleron o galardón o alcalde de Tui, Enrique Cabaleiro, e o presidente da Cámara de Valença, Jorge Méndes. Deste premio e doutros temas municipais coma as novas dependencias para os Servizos Sociais ou a solicitude de colaboración á cidadanía para a limpeza de muros e fincas lindeiras coa vía pública deu conta hoxe o alcalde de Tui, Enrique Cabaleiro.

A primeira hora desta mañá comezou na cidade o Campus Joe Arlauckas no que participan este ano 70 xogadores. Sindo Bargiela membro da organización deu conta do traballo a desenvolver ao longo da semana con novidades con respecto a anteriores edicións. Fixo amais balance positivo do I Clinic para adestradores celebrado o sábado no que participou Obradovic.

A actualidade de Tui e da comarca do Baixo Miño nos informativos da Radio Municipal de Tui.

A actualidade de Tui e do Baixo Miño nos informativos da Radio Municipal de Tui.

Este mediodía remataron as escavacións na contorna da igrexa de San Bartolomeu de Rebordáns, e foi retirado o último individuo da necrópole. Esta tarde terán lugar as últimas visitas guiadas que contaron cunha boa acollida. Nieves Veiga, arqueóloga, e codirectora das I Xornadas de Arqueoloxía e Patrimonio do Concello de Tui deu conta dos últimos traballos e dos achádegos na segunda cata realizada que indican que houbo unha reforma moi importante no lugar.

As escavacións na contorna da Igrexa de San Bartolomeu están centradas hoxe nunha segunda cata na que se atoparon dúas estruturas segundo nos explicou Patxi Pérez Ramallo, arqueólogo. Destacou amais a importancia do achádego de restos dentais nun dos individuos da necrópole polos datos que poden aportar tras o seu estudo.

A actualidade de Tui e da comarca do Baixo Miño nos informativos da Radio Municipal de Tui

Hoxe mércores é o terceiro día de escavacións na necrópole e contorna da igrexa de San Bartolomeu de Rebordáns. Da necrópole foron retirados todos os individuos salvo un pola dificultade na súa situación. Así nolo contou hoxe o arqueólogo Patxi Pérez quen deu conta dos achádegos que están a atopar e da gran acollida das visitas guiadas onde están todas as prazas completas.

A actualidade de Tui e da comarca do Baixo Miño nos informativos da Radio Municipal de Tui