A próxima temporada 2016/17 o Concello de Tui contará con 4 equipos de fútbol tras o regreso á competición do Club de Fubtol Guillarei tras tres anos de ausencia. Miitarán na 3ª rexional e terán como adestrador ao salcedense Pedro Pirelo. O obxectivo é que a maior parte da plantilla sexa da parroquia. Cara a próximas temporadas traballarán tamén nas categorías inferiores e en contar cun equipo feminino. Hoxe a directiva presidida por Juan Carlos Coello presentouse oficialmente no Concello acompañados polo alcalde, Ernique Cabaleiro, e polo concelleiro de Deportes, Laureano Alonso.

O achádego de restos dunha estrutura da antiga igrexa románica é o primeiro balance da primeira cata realizada no entorno da Igrexa de San Bartolomeu de Rebordáns dentro das I Xornadas Arqueolóxicas e do Patrimonio. Así nolo contou a arqueóloga e codirectora das xornadas Nieves Veiga.

A información de Tui e do Baixo Miño en Noticias ás 13.30h na Radio Municipal de Tui.

Hoxe comezaron as escavacións na necrópole de San Bartolomeu de Rebordáns dentro das I Xornadas Arqueolóxicas e do Patrimonio. Patix Pérez codirector desta actividade daba conta do excepcional desta necrópole e da igrexa. Están a realizar as primeiras catas. Valoraba amais de exitoso o ciclo de conferencias realizado o pasado sábado cunha media de 50 persoas nas distintas ponencias.

A actualidade de Tui e da comarca do Baixo Miño en Noticas ás 13.30h

Noticias 13.30h - Xoves 23 de xuño de 2016 na Radio Municipal de Tui

Hoxe é a noite máis máxica e máis curta do ano, é a noite de San Xoán. Diversas son as celebracións previstas tanto en Tui coma na contorna. As fogueiras son as grandes protagonista para purificar co seu lume a partir das doce da noite. Pero antes non faltarán as sardiñas e de seguro que moitos recollerán hoxe as herbas de San Xoán para deixar en remollo e lavar a cara mañá ao mencer.

Repasamos os eventos previstos en Tui.

A concelleira de Patrimonio, Carmen Núñez, salientou como a divulgación do patrimonio tudense é un dos eixos das I Xornadas Arqueolóxicas e do Patrimonio que comezan este sábado dirixidas á poboación o en xeral. Nacen con vocación de continuidade.

Este domingo, 26 de xuño, celébranse eleccións xerais en España. Están chamados a votar 36,5 millóns de españois, 200 mil máis que no mes de decembro. En Galicia hai 2,7 millóns de electores e en Tui teñen dereito a voto algo máis de 16.500 persoas. Coñecemos máis datos na reportaxe do noso compañeiro Ángel Vila.

Cando a música se leva dentro un crea os seus propios instrumentos. toca de oído, e é teimudo ata conseguir o seu propósito, ter a primeira gaita. A asociación San Telmo, no seu afán de recoñecer aos que teñen aportado o seu importante gran de area a nosa música tradicional, homenaxeou o pasado sábado a Joaquín González Martínez de 84 anos natural de Pexegueiro.

De oído nunca mellor dito construía dende os 8 anos os seus propios instrumentos.

Aos quince actuou por primeira vez en público, e dende entón a súa foi unha vida ligada a música actuando en moitas festas animando verbenas e romarías.

Aos seus 84 anos aínda hoxe se anima de cando en cando a tocar unha peza.