O IES San Paio manterá o departamento de portugués coa condición de que o próximo curso pase a ser primeira lingua estranxeira. Así o contamos en Noticias 13.30 h onde recollemos as declaracións de Alberto Viso, xefe deste departamento. A cultura e o lecer son grandes protagonistas da actualidade esta semana. Hoxe hai contacontos na biblioteca e mañá un espectáculo teatral e musical no teatro tudense. Amais damos conta da película coa que se estrea o Cineclub Tui, e da participación do tudense Carlos Fer en Interconexións na Coruña a próxima semana, entre outras novas.

Hoxe, 16 de outubro, é o Día das Escritoras. A Biblioteca Municipal vaino celebra ás 19.30 h cun acto dedicado a Emilia Rosende. Así o recollemos en Noticias 13.30 h. Destacamos amais as distintas citas culturais desta semana, xunto a oferta formativa da aula da UNED, ou a inauguración musical do inicio do curso na Escola da Banda de Música Popular de Tui. Tamén coñecemos a situación nos campamentos de refuxiados saharauís e o chamamento que fan dende SOGAPS.

A crónica cultural e de lecer centra parte do Noticias 13.30 h de hoxe. Dende o Obradoiro de skate que este domingo se vai celebrar en Tui dentro do programa Boas Vibes, ás citas no Teatro hoxe con Ghazafelhos para público escolar e o venres con Catro Cores, ou o Día das Escritoras que mañá a Biblioteca tudense dedica a Emilia Rosende. Tamén recollemos que o recoñecido cineasta portugués João Pedro Rodrigues será titor na terceira edición de Ventura, entre outras novas, as citas e o deporte.

Esta fin de semana comezan as actividades e obradoiros do programa Boas Vibes en Tui. Así o recollemos en Noticias 13.30 h onde damos conta de que Emilia Rosende será a protagoanista do Día das Escritoras na Biblioteca Municipal de Tui, e dos máis de 310 alumnos/as e profesorado de todos os centros educativos de Tui que mañá asistirán a unha representación teatral no teatro tudense. Outras novas da comarca, as citas destes días e os éxitos do deporte tudense en fútbol praia, judo e piragüismo na fin de semana completan este tempo de información

En Noticias 13.30 h recollemos o novo encontro de networking celebrado por Mercatus, e tamén o chamamento de SOGAPS ante a situación nos campamamentos de refuxiados saharauís tras a inundacións sufridas. Esta tarde en Tui temos cita con contacontos na biblioteca e con Butacazero no Teatro. Repasamos as outras citas para a fin de semana en Tui e no Baixo Miño, e tamén as citas deportivas a nivel local e internacional.

Abrimos Noticias 13.30 h recollendo aínda o balance do temporal coas incidencias rexistradas en centros educativos e no Club Penedo. Amais recollemos o programa de hoxe no seminario sobre liderato e gobernanza educativa que se está a celebrar na Eurocidade Tui-Valença. A programación do Mes da Biblioteca, a representación de "Iribarne" e a posta en marcha do Cine Club Tui son outras novas do día, xunto ao deporte.

Abrimos Noticias 13.30 h repasando as incidencias deixadas polo ex furacan Kirk no termo municipal de Tui co alcalde, Enrique Cabaleiro. Tamén coñecemos as consecuencias da borrasca nos outros concellos do Baixo Miño. Amais damos conta do Seminario “Gobernanza e liderato educativo” que hoxe e mañá se celebra na Eurocidade Tui-Valença, e da representación de "Iribarne" este venres no Teatro Municipal de Tui.

Abrimos Noticias 13.30 h co resumo da entrevista co alcalde de Tui, Enrique Cabaleiro, sobre o pleno ordinario de setembro. Outras novas son o minuto de silencio gardado este mediodía ante a casa do concello en repulsa polo asasinato machista de Moaña. O seminario de educación que mañá e o xoves se celebra na Eurocidade Tui-Valença é outra das novas de hoxe.

A CHMS vai investir case 1 millón de euros na senda do río Caselas en Tui. Así o contamos en Noticias 13.30 h. Recollemos amais a desestacionalización do turismo en Tui, a solicitude de A Guarda, O Rosal, e Caminha para que a acumulación de area na desembocadura do Miño sexa tratada no Cumio Ibérico España-Portugal. Outra novas, as citas e os resultados deportivos da fin de semana completan este tempo de información.

Tui consolídase coma primeiro punto de partida de peregrinos no Camiño Portugués. Así o contamos en Noticias 13.30 h. Recollemos as palabras de Nico Montes, voceiro do PP, sobre o pleno ordinario de setembro. Damos conta da instalación de biosaudables no Penedo e no Montiño, falamos da situación do centro de saúde de Tui, e recollemos as citas da fin de semana e o deporte.