Coñecer as pegadas de diversos momentos históricos na configuración urbana de Tui será posible o luns na primeira visita de Coñece o Noso Patrimonio en Tui. Así o contamos en Noticias 13.30 h onde recollemos as palabras de Nico Montes, voceiro do PP, sobre o último pleno e as negociacións sobre os orzamentos. Amais recolle o Selo Vida Saudable 2024 do CEIP nº2, falamos de percorridos nocturnos, de festas en Areas e Baldráns, entre outras citas. Por último o concelleiro de Deportes confirmou a instalación dunha pantalla xigante na Corredoira para ver a final da Eurocopa.

O Concello de Tui instalará este domingo unha pantalla de 3x6 metros de tecnoloxía led no Paseo da Corredoira para ver a final da #Eurocopa España-Inglaterra. Situarase nas inmediacións da Oficina de Turismo, onde se colocarán 200 cadeiras.

Así o confirmaba en Noticias 13.30 h o concelleiro de #Deportes, Rafael Estévez.

Neste mércores, 10 de xullo, en Noticias 13.30 h recollemos as citas de lecer, rutas, festas, festivais,... que nos próximos días se van celebrar en Tui e na comarca.

Abrimos Noticias 13.30 h dando conta dos controis de velocidade que dende hoxe hai na rúa Antero Rubín de #Tui. Recollemos a valoración de Carmen Núñez do BNG do último pleno e a confirmación de que están a manter reunión co equipo de goberno sobre os orzamentos. A presentación do MUMI que avanzou hoxe os 12 showcases da edición que se vai celebrar do 12 ao 15 de setembro na Eurocidade Tui-Valença, e o recoñecemento do CEIP nº2 co "Sello Vida Saludable 2024" do Ministerio de Educación son outras das novas do día.

O CCPA de Tui que entrará en funcionamento nos próximos meses será o máis moderno dos 9 centros destas características que hai en España. Esta é unha das novas que recollemos en Noticias 13.30 h. Amais fixemos balance do pleno de xuño con José Palacín, de C21, e recollemos o nomeamento de Nicolás Lorenzo Montes coma director territorial da Consellería de Medio Ambiente e Cambio Climático. A Feira do Viño do Rosal que comeza o venres, o balance da Festa da Lagosto, xunto a outras citas e deporte forman parte tamén deste tempo de información.

As obras do novo edificio do CCPA na Avenida de Portugal, a praza de Abastos e do edificio da rúa Camilo José Cela foron visitadas hoxe polo subdelegado do goberno, Abel Losada, e o alcalde de Tui, Enrique Cabaleiro. Así o contamos en Noticias 13.30 h xunto a outras novas coma que en xuño Tui foi o primeiro punto de partida de peregrinos do Camiño Portugués e o terceiro de todas as vías xacobeas. Recollemos todas as citas da fin de semana e o deporte

Protección Civil de Tui recibiu hoxe unha tenda de campaña para emerxencias. Esta é unha das novas que recollemos en Noticias 13.30 h xunto a preinscrición na EOI en Tui, as últimas plazas para os talleres de IA para o comercio, e as actividades que chegan tanto para hoxe coma na fin de semana. No deporte hoxe protagonismo para o piragüismo, o remo e o kung fu.

O X Campionato Ibérico de Kung Fu reunirá este domingo en Tui a máis de 400 deportistas. Así o contamos en Noticias 13.30 h onde volvemos sobre os datos do paro do mes de xuño, falamos das visitas guiadas organizadas polo Instituto de Estudos Tudense, entre outras novas do día.

A aprobación, polo Consello da Xunta, do proxecto de trazado do desdobramento da estrada PO-552 en Figueiró, Tomiño, o manifesto asinado hoxe en Valença reclamando que o tren de alta velocidade sexa unha realidade en 2032 entre Porto e Vigo, e os datos do paro que baixou en 67 persoas até as 2.540 no Baixo Miño son parte das novas que recollemos en Noticias 13.30 h.

Por segunda vez os orzamentos do concello de Tui foron rexeitados en pleno o pasado venres polos grupos da oposición. En Noticias 13.30 h escoitarmos parte das intervencións dos voceiros de C21, BNG e PP e do alcalde. Amais recollemos as últimas achegas aprobadas pola Deputación para Tui e A Guarda, falamos do Concurso de Patrullas da Brilat, da conferencia conmemorativa dos Xogos Florais en Tui, doutras citas, e do deporte protagonizado hoxe polos resultados dos clubs tudense no Campionato de España de Remo.