Hoxe en Noticias 13.30 h comezaremos repasando a orde do día do pleno extraordinario e urxente que ás 19 h se celebra no Concello de Tui. A programación #TuiVeránnaRúa, os premios Faro na Escola do @ceipn2detui, xunto a todas as cita da fin de semana con especial protagonismo para o San Xoán e o deporte, completarán o tempo de información.

Os orzamentos de 2024 e a resolución do contrato de concesión de obra pública do aparcamento subterráneo son dous dos asuntos do pleno extraordinario e urxente que mañá venres, ás 19h, se celebra en Tui. Así o contamos en Noticias 13.30 h xunto a inauguración dos novos vestiarios do pavillón do CEIP de Guillarei, o premio Innovagal do CEIP nº1, as actividades polo Día das Persoas Refuxiadas, as citas e o deporte.

O borrador de convenio remitido polo ADIF ao concello de Tui para cubrir as vías do tren no centro urbano, a comisión organizadora dos actos do 800 aniversario da Catedral, e o balance que o PP de Tui fai do primeiro ano deste mando abren o Noticias 13.30 h de hoxe. Amais recollemos os actos polo Día das Persoas Refuxiadas previstos mañá en Tui, e o taller práctico de Intelixencia Artificial que mañá haberá en Tui son outras das novas do día.

A constitución da Comisión Organizadora dos actos conmemorativos dos 800 anos da consagración da Catedral de Tui esta mañá é dunha das novas que recollemos en Noticias 13.30 h. Tamén damos conta do balance que o alcalde de Tui realizou das dúas primeiras reunións da Comisión sobre o Aparcamento. A doazón realizada por Ernesto Iglesias Almeida ao Concello de Tui e o taller de IA que este xoves terá lugar en Tui son outras das novas do día. No deporte protagonismo para Manu Ochoa e Sara Tui.

En Noticias 13.30 h recollemos a valoración do alcalde de Tui do pleno ordinario de maio. Damos conta do incendio rexistrado na Avenida de Portugal en Tui e do accidente mortal rexistrado en Oia. Pero hai tamén moitas outras novas da actualidade local, comarcal e do deporte.

A apertura das piscinas municipais de Tui mañá sábado, xunto a ampla axenda cultural, de lecer e deportiva da fin de semana en Tui e no Baixo Miño recollómola en Noticias 13.30 h

160 alumnos de 6º de EP de sete centros educativos de Tui participan hoxe e mañá na Aloiada 2024. Así o contamos en Noticias 13.30 h, onde damos conta tamén dos actos de celebración do 50 anos do CEIP nº2 de Tui. A exposición que este sábado se inaugura en Tui, a XIX Feira de Cultivos do Baixo Miño, outras citas para estes días e o deporte completan este tempo de información.

A rehabilitación do edificio do Náutico será un dos proxectos que se executen en Tui ao abeiro do proxecto Visit Río Miño Plus presentado onte. Así o contamos en Noticias 13.30 h onde recollemos tamén o balance do pleno de maio do voceiro do PP Nico Montes. A presentación da Aloiada 2024, os Días Azuis do comercio, as citas para estes días, e o deporte co Campionato de Europa de Sprint de Piragüismo forman parte tamén deste tempo de información.

En Noticias 13.30 h recollemos a presentación entre mediodía en #Tui do proxecto Visit Río Miño Plus, a valoración do BNG do pleno ordinario de maio en Tui,, e o premio proxecto de recuperación de fósforo en augas residuais que aplica a EDAR de Guillarei. Citas coma exposición de debuxo do alumnado de Maristas, e o roteiro polos muíños do Tripes, xunto ao deporte completan este tempo de información.

Unha exposición e un acto na alameda de San Domingos conmemorarán o 25 aniversario do Monumento aos Represaliados en Tui. O programa foi presentado esta mañá e así o recollemos en Noticias 13.30 h . Damos conta do taller sobre IA que o xoves 20 terá lugar en Tui, recollemos outras novas de Tui e da comarca, e a ampla crónica deportiva da fin de semana.