En Noticias 13.30 h abrimos o tempo de información cos asuntos que hoxe van a pleno ordinario en Tui. Damos conta do inicio da programación de Nadal mañá venres co acendido do alumeado e a apertura do Mercado de Nadal. Tamén recollemos as citas do día cunha mesa redonda ás 19 h que pecha a programación do 25N, unha conferencia sobre Inteliencia Artificial ás 18 h na aula da UNED, e os obradoiros do Espazo Xove entre outras novas. E no deporte destacamos a celebración mañá da Gala do Deporte Tudense.

Este venres e o luns haberá novos cortes na A55 debido ás obras do acceso ao parque empresarial de Areas. Así o contamos en Noticias 13.30 h xunto aos plenos que celebran as corporacións de Tui e A Guarda. Tamén recollemos a información do Mercado de Nadal de Tui e a apertura do praza de inscrición da II San Silvestre tudense.

A orde do día do pleno ordinario que este xoves celebra a corporación municipal é un dos asuntos que recollemos en Noticias 13.30 h. Damos conta amais do encontro con María Xosé Porteiro hoxe ás 19 h na Sala Félix Rodríguez, doutras novas da actualidade en Tui e na comarca do Baixo Miño.

A exposición "Berces de Vida" foi inaugurada este mediodía en Tui. Esta é unha das novas que recollemos en Noticias 13.30 h. Tamén damos conta da programación de Nadal en Tui, e da moción que o PP presentará en pleno este xoves sobre o aparcamento en Tui. Tamén recollemos o encontro con María Xosé Porteiro que mañá haberá na Sala Félix dentro da programación do 25N, e os resultados deportivos da fin de semana.

Os actos conmemorativos do 25N, o Día Internacional para a Eliminación da Violencia contra a Muller, centran hoxe boa parte do tempo de información en Noticias 13.30 h. Recollemos tamén na crónica de sucesos, as citas da fin de semana e o deporte.

O Equipo VIOGEN da 1ª Compañía da Garda Civil de Tui recibiu esta semana unha mención honorifica dos recoñecementos Menina que concede a Delegación do Goberno en Galicia. Esta é unha das novas que recollemos en Noticias 13.30 h xunto aos actos do 25N en Tui e na comarca. Tamén nos facemos eco e iniciativas solidarias, das citas do día e do deporte.

A conta atrás para o inicio do mercado de Nadal de Tui que reunirá a 50 expositores é unha das novas que recollemos en Noticias 13.30 h. Amais damos conta da reunión entre autoridades galegas e portuguesas polos casos de lexionela detectados na Guarda, O Rosal e Caminha. As citas do día coa presentación do libro de Aurora Marco, o concerto de Santa Icía do Conservatorio, e o deporte, xunto a outras novas da xornada completan o informativos de hoxe.

O 25N marca parte da actualidade desta semana. Recollemos os primeiros actos previstos en Tui por este motivo. Tamén falamos do Mercado de Nadal que contará con 50 expositores ao longo das tres quendas en que se vai celebrar. As citas para estes días coa presentación do libro de Aurora Marco, o concerto de Santa Icía do Conservatorio e a Escola de Música e a representación de "Hamelin" por Redrum Teatro forman parte tamén da actualidade deste día xunto á celebración da Urban Trail Ninght Eurocidade.

A campaña "Non máis violencia por ser muller" posta en marcha polo Concello de Tui con motivo do 25N, o gromo de lexionela na Guarda e no Rosal, a presentación da VII Urban Trail Night Eurocidade son parte das novas destacadas que hoxe recollemos en Noticias 13.30 h

Este mediodía inaugurouse no Paseo da Corredoira a exposición "A Camelia a flor das galegas e galegos". Esta é unha das novas que recollemos en Noticias 13.30 h xunto as citas da fin de semana con teatro, magostos, outonos culturais, concertos.... e tamén os partidos da fin de semana.