Mañá comeza o Mumi que ofrecerá 14 showcases entre outras actividades na Eurocidade Tui-Valença. Así o recollemos en Noticias 13.30 h onde demos conta tamén dos resultados do proxecto FlexiGrobots de Terras Gauda, da conferencia de Suso Vila sobre Francisco Sánchez hoxe ás 20 h, a apertura da inscrición no Club de Lectura da Biblioteca, ou do monográfico de francés turístico na EOI de Tui, entre outras novas.

A proposta dun tren circular en Galicia, os faladoiros dos Mumi, a ampliación do ERTE en Ganomagoga, as conferencias sobre Francisco Sánchez, os monográficos de francés e inglés na EOI de Tui, e a ruta nocturna dos Muiñeiros do Tripes son parte das novas que recollemos en Noticias 13.30 h. Tamén damos conta do inicio do Mundial de Slalom.

As instalacións de Equigalia, en Tui, acollen esta fin de semana un Concurso Nacional de Saltos no que se darán cita medio centenar de participantes. Será sobre as distancias de 1,10 m, 1,20 e 1,30 m, e noutras distancias tamén para ponies. Esta destacada proba deportiva foi presentada este mediodía no Concello de Tui. Así o contamos en Noticias 13.30 h.

A Eurocidade Tui-Valença acolle dende este xoves o MUMI, o encontro das músicas de Galicia e Portugal.Así o contamos na apertura de Noticias 13.30 h. Tamén damos conta de que Tui recibiu o diploma de ouro de praias sen fume, SomosOcéanos participou en Madrid no MOMAD e 8 voluntarios de Protección Civil recibiron os seus carnés. Amais hoxe rematan as festas en Guillarei, e Tui acolle na fin de semana un Concurso Nacional de Saltos.

O alcalde de Tui, Enrique Cabaleiro, fixo entrega esta mañá ao comandante do Cabo Fradera, David Pacheco, dun bandeirín en sinal de recoñecemento e agradecemento cando se cumpren 60 anos da presenza do patrulleiro en Tui. no acto, celebrado nas instalacións da Comandancia Naval do Miño, púxose de relevo a estreita relación da Comandancia e o Cabo Fradera con Tui e coa súa cidadanía. Así o contamos en Noticias 13.30 h.

Cos votos a favor do PSOE e a abstención do PP, BNG e C21 onte aprobouse en pleno o expediente para sacar a licitación o proxecto de reforma da praza de Abastos en Tui. Así o contamos en #Noticias1330 h onde tamén recollemos a entrega do bandeirín por parte do Concello de Tui ao Cabo Fradera con motivo do seu 60 aniversario, o programa do Setembro Xudeu da fin de semana, as festas das Dores de Guillarei e outras citas da fin de semana e o deporte.

Ás 17 h celébrase pleno extraordinario e urxente en Tui. Esta é unha das novas que recollemos en Noticias 13.30 h. Tamén damos conta dos tres accidentes rexistrados esta mañá en Tui, os actos conmemorativos dos 60 anos do Cabo Fradera en Tui, a conta atrás para o inicio do MUMI, ou das festas de Guillarei.

O corte dun carril da circulación a rúa Colón de Tui por obras, a concesión de obradoiros de emprego a Tui, A Guarda e Salceda de Caselas, e a construción dunha instalación de enerxía solar na EDAR de Guillarei, son parte das novas que recollemos hoxe mércores en Noticias 13.30 h.

Onte quedou sobre a mesa a contratación das obras de reforma da praza de abastos de Tui no pleno extraordinario da corporación. Este é un dos asuntos que recollemos en Noticias 13.30 h xunto ao inicio da programación Setembro Xudeu en Tui, as citas da fin de semana e o deporte.

Hoxe en Noticias 13.30 h recollemos o pleno que esta tarde celebra a corporación tudense, os faladoiros que haberá no MUMI, a visita de seis empresas do Baixo Miño á Feira Plantarium coa Cámara de Comercio, as citas e o deporte con piraguismo, motonáutica, atletismo, tenis e fútbol...