Hoxe en Noticias 13.30 h recollemos a solicitude dun obradoiro de emprego realizada polo Concello de Tui para acondicionar a senda dende a praia de Areeiros até Caldelas. Falamos do concerto de Iria Folgado que pecha o programa de Música no Claustro, e do éxito de acollida das visitas guiadas a San Domingos e os muíños do Tripes. No deporte damos conta da victoria de Manu Garrido en C1 e Tania Fernández en K2 no Descenso do Sella, e coñecemos aos irmáns Alex e Christian Sierpes.

En #Noticias1330h damos conta do proxecto que vai transformar o entorno da Praza de Abastos de Tui, e no que o concello vai investir preto de 1 millón de euros. Amais repasamos todas as citas para esta fin de semana e andaina pola senda do río Tripes prevista para o venres 11.

O descenso no número de parados na comarca do Baixo Miño, xunto á nova do premio de case 400 mil euros que a Bonoloto deixou en Tui, as novas visitas guiadas neste mes de agosto e a programación de música no claustro, foron parte das novas que hoxe contamos en Noticias 13.30 h

A choiva desta mañá complicou hoxe a situación nas estradas, como contamos no inicio de #Noticias1330h. Damos conta dos datos do paro que baixou en 40 persoas no Baixo Miño no mes de xullo. As citas para hoxe en Música no Claustro, xunto as novas do descenso popular e internacional do Miño estiveron tamén presentes no informativo.

A continuación as sendas fluvias, agora no entorno do río Caselas, por parte do Concello, o inicio de Música no Claustro, a romaría do San Fins, e o casamento polo rito Celta hoxe no Aloia, son parte das novas que recollemos hoxe en Noticias 13.30 h

Neste derradeiro día de xullo comezamos Noticias 13.30 h en crónica de sucesos dando conta do accidente rexistrado o sábado en Tui no que perdeu a vida un mozo do Porriño. Damos conta da concentración de veciños e veciñas o sábado rexeitando a tala das árbores da estación de tren de Tui, falamos do inicio de Música no Claustro, e recollemos os resultados deprotivos da fin de semana en piragüismo, remo, karting, tiro con arco...

Mañá comeza unha nova edición de Música no Claustro. Serán sete días con concertos diarios ás 21 h pero tamén con outras propostas coma o Foro Resonancias ou a conferencia de Lucy Durán.

O festival conta con dúas residencias artísticas, unha delas con Silvia Márquez, organista que este mércores ofrecerá un concerto na Catedral. Falamos con ela e con Samuel Diz no programa Día a Día.

A actualidade deste venres, 28 de xullo de 2023, en Noticias 13.30 h . Recollemos o parecer dos grupos políticos de Tui sobre a enquisa que pregunta se Tui se está a converter nunha cidade morta, falamos da concentración convocada mañá sábado ás 9 h na estación de tren de Tui contra a tala de árbores deste espazo. Os 1200 peregrinos de Getafe que están até o luns en Tui, as citas da fin de semana e o deporte completan o noso relato informativos.

"Concéntricas" é o lema de Música no Claustro, o festival que o próximo martes comeza na Catedral de Tui e que foi presentado esta mañá. Esta é unha das novas que recollemos en Noticias 13.30 h xunto ás praza completas na conferencia e visita á San Bartolomeu esta tarde en Tui e a cita con "As voces da conciencia" hoxe na praza norte da Catedral. Tamén falamos da posible tala das árbores na estación de tren de Tui, doutras citas para hoxe, do inicio do Campionato de Europa de Piragüismo e da fichaxe da tudense Andrea Iglesias polo Eón Horneo Alicante.

Os resultados das excavacións arqueolóxicas na necrópole de San Bartolmé que mañá centrarán unha conferencia e unha visita guiada, a intención da ADIF de cortar as árbores na estación de tren de Tui segundo denuncia a CGT e Ecoloxistas en Acción, xunto ao programa Violencia Zero que mañá chega a Tui, outras citas e o deporte hoxe en Noticias 13.30 h.