Walter Joseph è naschì ils 29-04-1936 a Laufen (BL) ed è mort avant diesch onns, ils 22-08-2013 a Buckten (BL). Joseph ha deditgà sia entira vita cumplainamain a la musica.

Suenter avair studegià musica al conservatori, ha el dirigì e dà scola da musica. Sper quai è el stà tschertgà sco expert a festas da musica ed ha gì in'atgna chasa editura per notas, la Joseph Musikverlag GmbH.

En «L'instrumentala» d'oz ans deditgain cunzunt a sias cumposiziuns. Walter Joseph è stà in cumponist da marschs fitg engaschà; «Ravanello», «Dr. Günther Sabetzki» u era il marsch «Bärner Musikante». Bleras da sias cumposiziuns ha el scrit sin basa d'engaschament. Uschia è sia litteratura da marschs ina da quellas che vegn sunada il pli savens en Svizra.