Germania – il pajais dals poets e filosofs. Noss vischins dal nord porschan in vast spectrum da chanzuns per «Noss Chors».

Tudestg è la lingua materna d'intgins poets e scripturs da grond'influenza. Tudestg è era la lingua che conuscha pleds fitg, fitg specifics. Per exempel per l'idea grondiusa ch'ins ha durant ina saira da festa cura ch'ins ha forsa gia bavì in zic da memia – ina uschè numnada "Schnapsidee". Ch'i dat era bleras bellas chanzuns tudestgas demussan «Noss Chors» en l'emissiun dad oz.