2020 urtea amaitzen ari den honetan Donostia Kulturak balantzea egin eta urtarriletik aurrerako egitaraua aurkeztu du. Guk Miguel Martin Donostia Kulturako musika alorreko zuzendaria elkarrizketatu dugu ispiluaren parean.

Gainera hiriko kafe antzoki aktiboena den Daba Dabako arduradunetako bat ere izan dugu gurean: Alex López Allende. Aretoa berriz hasi da kontzertuak antolatzen.

Azkenik Wanda zinema sekzioan Sara Hernandezek urte amaierako egitaraua aletu digu, lau film aurkeztuz.

Jarri kaskoak eta entzun!

Pasa den astean Gipuzkoako Batzar Nagusietan izan zen Xabier Alkiza, Bikoiztaile Euskaldunen Elkarteko bozeramalea, ofizioak bizi duen kinka larriaren berri emateko. Guk Ispilu Beltzaren parera gonbidatu dugu.

Eta Harri Fernandezekin 'Altsasu' telesailaz eta streaming plataforma handiek hartutako bideaz hitz egin dugu, besteak beste.

Jarri kaskoak eta entzun.

2020an Donostian egingo da Feministaldia. Abenduaren 14an hasi eta 19ra bitartean Tabakalera bihurtuko da kultura feministaren plaza. Guk Laura Muelas antolatzailearekin hitz egin dugu aurtengo edizioaz ispiluaren parean.

Gainera Ander Gisasolak hiru pelikularen inguruan hitz egingo digu, 'Eskamak kentzen' bere atalean.

Eta gauza gehiago!

Jarri kaskoak eta entzun.

Mikel Makala disko jartzailea elkarrizketatuko dugu bere azken proiektuaz solasteko: Arima Soul. Negu honetan kaleratu dute lehenengo EPa, 5 abesti ditu bertsio abestuan eta instrumentalean. Musika beltza du ardatz, musikari zarauztarraren ohiko errezeta dantzagarria.

Gainera Harri Fernandezekin errepasoa emango diogu 2021 urte hasierarako Donostia Kulturak antolatu duen egitarauari.

Jarri kaskoak eta entzun!

Umbracle: hiru zentsura-eszena Donostia Zinemaldian (1960-1971) ekimena egingo da gaur Tabakaleran. Lur Olaizolak pasa digu abixua Wanda sekzioan eta, bide batez, Pablo La Parra ikerlariarekin hitz egin dugu hiru zentsura kasu hauez.

Eta Tobacco Days liburu-dendara gerturatu gara Ines Garcia Azpiazuren gomendioen bila.

Jarri kaskoak eta entzun!

Arantza Artzak eta Felix Zubiak zuezentzen duten Osasun Etxea saioak Rikardo Arregi kazetaritza saria irabazi berri du. Zubia elkarrizketatu dugu ispilu beltzaren parean eta hitz egin dugu covid-19 madarikatuaz, orain dugun egoeraz eta datorkigunaz.

Jarri kaskoak eta entzun!

Arantxa Artza eta Felix Zubiak zuzentzen duten 'Osasun etxea' saioak Rikardo Arregi kazetaritza saria irabazi du, Covid-19 garaiotan egindako dibulgazio zientifikoa sarituz. Gaurko saioan Zubiarekin solasean ariko gara datorkigunaz.

Gainera Harri Fernandezek '30 monedas', 'Baby' eta 'Beginning' ikusentzunezkoak ekarri ditu Idi Begira.

Jarri kaskoak eta entzun!

Beti dabil lanez gainezka Harkaitz Cano. Ez bada antzerkia, zinema. Ez bada zinema, eleberrigintza. Oraingoan 'Sisiforen paperak' antzezlana estrenatu berri du, Egunkariaren itxiera kontatzen duen obra. Berak idatzi du eta Fernando Bernuesek zuzendu. Gainera datorren astean aurkeztuko den 'Altsasu' telesaileko gidoigile izan da. Hemen duzu elkarrizketa.

Karri kaskoak eta entzun!

Harkaitz Cano idazlearen etxean sartu gara, azken denboran egin dituen bi lanen inguruan hitz egiteko. Fernando Bernuesek zuzendutako 'Sisiforen paperak' antzezlana idatzi du, Egunkariaren itxiera kontatzen duena. Halaber, datorren astean ETB1ek estrenatuko duen 'Altsasu' telesailean ere gidoilari gisa lan egin du. Ispiluaren aurrean solastu dugu.

Bestalde, Mikel Laboa hil zenetik 12 urte igaro diren honetan bere kantutegiari errepaso bat eman diogu.

Jarri kaskoak eta entzun.

Zinema eta musika izango ditugu hizpide gaurko saioan.

Batetik, Ander Gisasolarekin Kresala Zineklubak asteartero antolatzen duen sesioko pelikulaz hitz egingo dugu. Gaur Pedro Costa zinemagilearen 'Vitalina Varela' iradokitzaileaz ariko gara.

Bestetik, Joserra Senperena pianojole donostiarra elkarrizketatuko dugu, Patxi Zubizarretarekin eta Mintxo Cemillan margolariarekin abenduaren 3an egingo duen 'Kolore festa. Jose Luis Zumeta in memoriam' emanaldiaren aitzakian. Martxoko konfinamenduan hitz egin genuen azkenengoz berarekin eta zaharrak berritu ditugu ispiluaren parean.

Jarri kaskoak eta entzun!