Во најновата епизода на Јустинијан збори на Џоле, Тромбе, Кате и Донев во гости им доаѓат Андреј Медиќ Лазаревски и Калина Качоровска од младинската иницијатива Култура Бета. После воведниот дел каде тие сами ги дискутираат вториот импичментот на Трамп, им се приклучија Андреј и Калина (10:30) со кои разговараа за идејата и реализацијата за и околу Култура Бета, состојбата на културата во Македонија, важноста од учеството на младите во истата, како и за нивните планови во 2021 година. 

Фејсбук: facebook.com/justinijanzbori

Во најновата епизода на Јустинијан збори Џоле, Тромбе, Донев и Кате прават рекапитулација на сите случувања од изминатата недела во САД - од насилниот упад во Капитол Хил, преку процесот на импичмент за Трамп и неговото суспендирање од сите социјални медиуми, па се до победата на демократите во Џорџија и превземањето на Сентатот. 

Фејсбук: facebook.com/justinijanzbori

Во последната епизода на Јустинијан збори за 2020 година на гости на Џоле, Донев, Тромбе и Кате им дојдоа Борјан, Ангела, Дени, Мими и Ива со кои тие направија една рефлексија на 2020 година (00:00), ги доделија првите “Јустинијан збори награди“ (25:33) и на крај си ги кажаа нивните New Years resolutions (01:58:45). Огромна епизода (најголема до сега) ама дефинитивно вреди да се ислуша до крај.

Во најновата епизода на Јустинијан збори на Тромбе и Кате им се придружи Наталија Крстевска и заедно даваат свој коментар на коментарите оставени по социјалите медиуми а кои се однесуваат на воведувањето на сеопфатно сексуално образование. 

Фејсбук: facebook.com/justinijanzbori

Во најновата епизода на Јустинијан збори на Џоле, Тромбе, Кате и Донев во гости им доаѓа Иво Дамјановски, дизајнер и најголемиот виновник за тоа како Јустинијан збори изгледа на социјалните медиуми. После воведниот дел каде тие сами ги дискутираат најавените реформи во образованието, им се приклучува Иво (15:35) со кој Џоле и Донев разговараат за дизајнот на самиот подкаст, процесот на Иво при дизајнирање, минимализам како и дизајнот и брендирањето како важен дел од една политичка кампања. 

Фејсбук: facebook.com/justinijanzbori

Во најновата епизода на Јустинијан збори на Џоле, Тромбе, Кате и Донев одат соло и разговараат за две теми кои во последните неколку недели кај нас се доста актуелни - тужбата на Коалиција Маргини против учебник од високо образование врз основа на новиот Закон за спречување и заштита од дискриминација и сеопфатно сексуално образование (ССО). Откако во воведниот дел Донев ни го претстави симпозиумот кој што Универзитетското студентско собрание го организира за спорот со Република Бугарија, прво поразговаравме за учебникот и контроверзите околу оваа тема (04:27), па потоа Кате, како некоја директно вклучена во процесот за ССО, ни објасни во детали што ССО е а што не е и поразговаравме за стереотипите кои се присутни во јавноста по ова прашање (26:35).

Фејсбук: facebook.com/justinijanzbori

Во најновата епизода на Јустинијан збори на Џоле, Тромбе, Кате и Донев во гости им доаѓа Александар Маџаровски, човекот кој што стои позади YouTube каналот “Читачот“. Со него, тие разговараат за неговата мотивација позади формирањето на каналот и содржините кои тој ги прави таму, за книгите и читањето, како и за моменталната состојба во Македонија по овој поглед. Ја завршивме епизодата со неколку предлози од Алек за тоа што би можеле да прочитаме во нашето слободно време.

“Читачот“ можете да го пронајдете на youtube.com

Фејсбук: facebook.com/justinijanzbori

Во најновата епизода на Јустинијан збори на Џоле, Тромбе и Донев за гости ги имаат колегите од Правниот факултет во Скопје - Кристијан Зумровски и Симеон Јанев. Бидејќи Кристијан е досегашниот претседател на Факултетското студентско собрание на Правен а Симеон ќе биде идниот претседател на собранието, со нив тие збореа за минатонеделните избори на Правен, досега сработеното на ФССПФ, како и плановите за во иднина.

Во најновата епизода на Јустинијан збори на Кате, Џоле, Тромбе и Донев за гостинка ја имаат Калиа Димитрова - координаторка и главна уредничка на првата феминистичка платформа на македонски јазик – Медуза. Епизодата започнува со мала рекапитулација на изборите за членови и претседател на Факултетското студентско собрание на Правен. Потоа следува разговорот со Калиа (од 08:12 минута) со која тие разговараат за формирањето на феминистичката платформа Медуза, родовата (не)еднаквост, како и состојбата на феминизмот во Македонија. 

Фејсбук: facebook.com/justinijanzbori

Во најновата епизода на Јустинијан збори на Џоле, Тромбе, Кате и Донев се враќаат назад во времето (околу 2 ипол месеци) кога всушност и беше снимена во голем дел оваа епизода но поради технички причини никогаш не беше објавена. Па така, откако во воведниот дел тие разговараат за штотуку завршената дебата за претседател на Факултетското студентско собрание на Правен, имате можност да ги слушнете Кате, Донев и Џоле како разговараат за Рут Бејдер Гинзбург и нејзиното место во историјата (07:40). 

Фејсбук: facebook.com/justinijanzbori