De Serrig an den David setze béid rëm am Home Office an hunn e puer Internetschwieregkeeten. Huet villäicht een den Internet mat der Buermaschinn gekappt..? Donieft stellen déi sech d’Fro wéi si als Pilote géifen ukommen…? Brong Kéi an d’Amerikaner sinn och en Thema.

E Skandal an der Kaffiswelt gëtt opgedeckt! Dobäi mierkt den David, datt de Serrig hien vermësst. An déi Zwee erënnere sech un hier Dommheeten aus der Schoulzäit zeréck. Op si e gutt Virbild waren...?

De Serrig an den David entpuppe sech als Déierefrënn. Virun allem d'Kéiseker hunn hinnen et ugedoen. Si schwätzen iwwert Covid-Léift, Hoer déi eis Miere retten an den David erzielt fir déi gefillten éischte Kéier a sengem Liewen e Witz!

De Serrig an den David tauschen sech no enger langer Summerpaus fir eng éischte Kéier mol rëm aus. Dobäi hëlt hiert Gespréich eng sexuell Richtung an, déi esou net geplangt war. Och Las Vegas a seng gëlle Reegel: "What happens in Vegas stays in Vegas", sinn en Thema.

De Serrig an den David ginn iech alternativ Spiller fir doheem am Gaart oder op enger flotter Wiss. Vu Risemikado bis Wikingerschach alles dobäi. Donieft stelle sech si sech der Aventure Autokino a si geheien op der Mousel den Anker.

Endlech! De Serrig & David hu sech no Méint vum Confinement endlech rëm getraff. Dobäi hu si bal vergiess e Podcast opzehuelen. Vun hirem Format "Mini-Podcast" ass dann ausnamsweis och keng Ried méi. An dëser Episode léier dir iwwerdeems den Diego kennen!

An der 7. Episod vu Juuubel geet et ëm d’Zäit an eng Lokomotiv. Ma Villes dréint sech ëm e Sexpodcast a Fetischen! Vu Macrophilia iwwer Salirophilie bis hin zu der Nasophilie gëtt alles thematiséiert. Wéi ee Fetisch hutt dir…?

De Serrig & David huelen Iech an dëser Editioun mat op d’Terrass, stelle sech ganz fréi de Wecker a ginn Iech e gudde Grond wisou ee net mam Toilettëpabeier spille sollt.

E Joer no hirer leschter Radioshow, kucken de Serrig & den David op hir gemeinsam Zäit zréck. Et geet ëm grouss Momenter, ma awer och ëm Nervositéit, Gedanken an der Dusch a villes méi.

Um Enn vum Podcast huet de Serrig eng ganz geckeg Iddi.