കോവിഡ് കാല ഇടപാടിലെ ആരോപണങ്ങൾ ശരിവക്കുന്ന CAG റിപ്പോർട്ടാണ് മലയാള ദിനപത്രങ്ങൾക്കിന്ന് പ്രധാന തലക്കെട്ട്. പി.പി.ഇ കിറ്റ് വാങ്ങിയത് മൂന്നിരട്ടി വിലയ്ക്കെന്ന് ഓഡിറ്റ് റിപ്പോർട്ട് സ്ഥിരീകരിക്കുന്നു. അധികാരമേറ്റതിന് പിന്നാലെ ആശങ്കയേറ്റുന്ന ഉത്തരവുകളുമായി അമേരിക്കൻ പ്രസിഡൻ്റ് ഡൊണാൾഡ് ട്രംപ് ലോകത്തെ ഞെട്ടിക്കുകയാണ്. WHO യിൽ നിന്നും പാരീസ് ഉടമ്പടിയിൽ നിന്നും US പിന്മാറിയതുൾപ്പെടെ ഒപ്പുവച്ച ഉത്തരവുകളും, അതുണ്ടാക്കാവുന്ന പ്രത്യാഘാതങ്ങളും പത്രങ്ങൾ ഒന്നാം പേജിൽ തന്നെ നൽകി. ട്രംപ് പേടിയിൽ ലോകമെന്ന് മാധ്യമവും, വെട്ടിത്തുടങ്ങിയെന്ന് മലയാള മനോരമയും, മുൾമുനയിൽ എന്ന് മാതൃഭൂമിയും ട്രംപ് വാർത്തക്ക് തലക്കെട്ട് നൽകി. വെടിനിർത്തൽ കരാർ നിലവിൽ വന്നിട്ടും ഇസ്രായേൽ ആക്രമണങ്ങൾ അവസാനിപ്പിക്കാൻ തയ്യാറാകുന്നില്ല. വെസ്റ്റ് ബാങ്കിലെ ആക്രമണത്തിൽ 6 ഫലസ്തീനികളാണ് കൊല്ലപ്പെട്ടത്. ഇസ്രായേൽ കുടിയേറ്റക്കാർക്കൊപ്പം ചേർന്നാണ് ഇസ്രായേൽ സൈന്യം കരാർ ലംഘിച്ചും ഫലസ്തീനികളെ വേട്ടയാടുന്നത്. നമുക്ക് നോക്കാം പത്രത്താളുകളിലേക്ക് വിശദമായി | കേൾക്കാം കാതിലെത്തും പത്രങ്ങൾ | Spotify | Apple Podcast | Amazon Music | Mediaone Podcast

അവതരണം- സീനിയർ ന്യൂസ് എഡിറ്റർ ജയപ്രകാശ് എം | മീഡിയവൺ