ഗസ്സയിൽ വെടിനിർത്തൽ പ്രാബല്യത്തിൽ വരുന്ന പ്രഭാതമാണിത്. ഏതാണ്ടെല്ലാ പത്രങ്ങളിലും ഒന്നാം പേജിൽ ശ്രദ്ധേയമായ തരത്തിൽ അതിന്റെ വാർത്ത വിന്യസിച്ചിട്ടുണ്ട്. ലീഡ് അല്ലെങ്കിലും മാധ്യമത്തിന് ഏറ്റവും പ്രധാനവാർത്ത അതുതന്നെയാണ്. കണ്ണീരുണങ്ങട്ടെ എന്ന് തലക്കെട്ട്. തൊട്ടടുത്ത് തന്നെ മദ്യനിർമാണശാല തുടങ്ങാൻ കേരളം അതിവേഗം ഉത്തരവിട്ടതുണ്ട്. മാതൃഭൂമിയുടെ ലീഡ് മദ്യക്കമ്പനിയാണ്. ഒട്ടും പ്രാധാന്യം കുറയാതെ ഗസ്സയുണ്ട്. സഞ്ജു സാംസണ് ഇന്ത്യൻ ടീമിൽ ഇടംകിട്ടാതെ പോയതാണ് മനോരമ പ്രാധാന്യത്തോടെ വിന്യസിച്ച വാർത്തകളിലൊന്ന്...