വിഴിഞ്ഞം തുറമുഖത്ത് വലിയ ചരക്കുകപ്പൽ അടുത്തതിന്റെ ആഘോഷം പത്രങ്ങളുടെ നിലതെറ്റിച്ചു എന്നുവേണം കരുതാൻ. തലക്കെട്ടിട്ട് തൃപ്തിയാകാതെ കടലിലിറങ്ങി തുള്ളുകയാണ് പത്രങ്ങൾ. ലോകമേ വിഴിഞ്ഞം എന്ന് ​ദേശാഭിമാനിയും കേരളകൗമുദിയും. തീരത്ത് എന്ന് മനോരമ. കേരളമുഖമെന്ന് മാതൃഭൂമി. ചരിത്രനങ്കൂരമെന്നാണ് മാധ്യമം. വിഴിഞ്ഞം ഉദ്ഘാടനത്തെ വാർത്തയോടടുപ്പിച്ചത് മം​ഗളമാണ്. മദർഷിപ്പ് വന്നപ്പോൾ പിതൃത്തർക്കം... വിഴിഞ്ഞത്ത് മുന്നണിപ്പോര് എന്നാണ് മം​ഗളത്തിന്റെ തലക്കെട്ട്.