ഒളിംപിക്‌സിന്റെ ഓളങ്ങളാണ് പത്രങ്ങളിൽ. പാരീസിലെ സെൻ നദിയിലെ ഉദ്ഘാടനാരവങ്ങൾ കണ്ടപ്പോൾ പുന്നമടക്കായലും വള്ളംകളിയുമാണ് ഉപമ വന്നത് മാധ്യമത്തിന്. ഒഴുകി ഒളിംപിക്‌സ് എന്നാണ് മാധ്യമത്തിന്റെ ലീഗ് വാർത്ത. വാങ്ങുന്നതിന്റെ ദീർഘകാലകരാർ പുനഃസ്ഥാപിക്കാനാകാത്തതിനാൽ വൈദ്യുതിനിരക്ക് കൂടാനുള്ള സാധ്യതയാണ് മനോരമയുടെ ലീഡ്- ഷോക്ക് വീണ്ടും. അകത്തെ ആദ്യപേജിലാണ് മനോരമയുടെ ഒളിംപിക്‌സ്. ഒളിംപിക്‌സിലെ പ്രതാക്ഷയാണ് മാതൃഭൂമിക്ക്. പാരീസ് റെയിൽവേയിലെ അട്ടിമറിയാണ് ദീപിക കണ്ട പ്രധാനവാർത്ത. സതീശനും സുധാകരനും തമ്മിലുള്ള പന്തയമാണ് മംഗളത്തിന് മുഖ്യം. ഇതുപോലൊരു മലിനനഗരം വേറെയില്ലെന്ന് തിരുവനന്തപുരത്തെ ചൂണ്ടി ഹൈക്കോടതി പറഞ്ഞതാണ് കേരളകൗമുദി ലീഡാക്കിയത്.