കേരളത്തിലെ ക്ഷേത്ര ബ്രാഹ്മണ്യ പാരമ്പര്യത്തിൽ അത്ര പ്രധാനമല്ലാതിരുന്ന രാമായണത്തിനും രാമായണ മാസാചരണത്തിനും എന്തുകൊണ്ടാണ് ഇപ്പോൾ വലിയ പ്രാമുഖ്യം ലഭിക്കുന്നത്? ചരിത്രകാരനും അധ്യാപകനുമായ ഡോ. കെ.എസ് മാധവൻ സംസാരിക്കുന്നു.

ആരോഗ്യ മേഖലയിൽ ഒന്നാമത് എന്ന് അവകാശപ്പെടുന്ന കേരളം പലതരത്തിലുള്ള പനികളാൽ വിറച്ചു നിൽക്കുകയാണ്. എന്താണ് കേരളത്തിൻറെ ആരോഗ്യ മേഖലയിൽ സംഭവിക്കുന്നത്? സാമൂഹ്യ രാഷ്ട്രീയ പ്രവർത്തകനായ ഡോ. എസ് എസ് ലാൽ സംസാരിക്കുന്നു.

ലിവിങ് ടു​ഗദർ നിയമപരമായ വിവാഹമല്ലാത്തതിനാൽ ​ഗാർഹിക പീഡന നിയമത്തിലെ 498 എ പ്രകാരമുള്ള കുറ്റം പങ്കാളിക്ക് ബാധകമല്ലെന്ന് കേരള ഹൈക്കോടതി. നിയമപരമായി വിവാഹിതരാകുന്ന ദമ്പതികളെ മാത്രമാണ് ഈ നിയമം കുടുംബമായി പരി​ഗണിക്കുന്നത്. ലിവ്-ഇൻ–റിലേഷൻഷിപ്പിന് എന്ത് തരത്തിലുള്ള പരി​ഗണനകളാണ് നൽകേണ്ടത് എന്ന് ചർച്ച ചെയ്യുന്നു സോഷ്യോ ടോക്സിന്റെ ഈ എപ്പിസോഡ്.

തിരുവനന്തപുരത്തെ ആമയിഴഞ്ചാന്‍ തോട്ടില്‍ മാലിന്യം നീക്കാനിറങ്ങിയ ജോയി എന്ന ശുചീകരണത്തൊഴിലാളി മരണപ്പെട്ടതുമായി ബന്ധപ്പെട്ട് തർക്കങ്ങൾ തുടരുകയാണ്. ഈ പ്രതിസന്ധി ആരാണ് സൃഷ്ടിച്ചത്? എന്താണ് പരിഹാരം? തിരുവനന്തപുരത്തെ അനുഭവങ്ങളുടെ അടിസ്ഥാനത്തിൽ സാമൂഹ്യപ്രവർത്തകൻ ശ്രീധർ രാധാകൃഷ്ണൻ സംസാരിക്കുന്നു.

സംസ്ഥാന സർക്കാർ നേരിടുന്ന സാമ്പത്തിക പ്രതിസന്ധിയെക്കുറിച്ച് നിയമസഭയിൽ കഴിഞ്ഞ ദിവസം മുഖ്യമന്ത്രി പിണറായി വിജയൻ വിശദമായി സംസാരിക്കുകയുണ്ടായി. വരുമാനം വർധിപ്പിക്കുമെന്നും ചെലവ് ചുരുക്കുമെന്നും മുഖ്യമന്ത്രി പറയുന്നുണ്ടെങ്കിലും കേരളം ഈ പ്രതിസന്ധിയെ മറികടക്കുമോ? സാമ്പത്തിക വിദ​ഗ്ധൻ ഡോ. ജോസ് സെബാസ്റ്റ്യൻ സംസാരിക്കുന്നു.

പ്രകാശ മലിനീകരണത്താൽ മിന്നാമിനുങ്ങുകളുടെ വംശം ഇല്ലാതാകാൻ പോകുന്നു എന്ന് പുതിയ പഠനങ്ങൾ പുറത്തുവന്നിരിക്കുന്നു. മിന്നാമിനുങ്ങുകൾ ഇല്ലാതായാൽ അത് എങ്ങനെയാണ് പ്രകൃതിയുടെ സന്തുലിതാവസ്ഥയെ ബാധിക്കുന്നതെന്ന് വിശദമാക്കുന്നു മിന്നാമിനുങ്ങുകളെക്കുറിച്ച് പഠിക്കുന്ന ഇരിങ്ങാലക്കുട ക്രൈസ്റ്റ് കോളേജിലെ സുവോളജി വിഭാഗം അസിസ്റ്റന്റ് പ്രൊഫസർ ഡോ. ബിജോയ് സി.

തുടർച്ചയായി വിമർശനങ്ങൾ നേരിട്ടുകൊണ്ടിരിക്കുകയാണ് കേരളത്തിലെ വിദ്യാർത്ഥി രാഷ്ട്രീയം. കേരളത്തിന്റെ രാഷ്ട്രീയ ഭാവിയെ തന്നെ പ്രതികൂലമായി ബാധിക്കുന്ന രീതിയിലേക്ക് വിദ്യാർത്ഥി രാഷ്ട്രീയത്തിലെ അപചയങ്ങൾ മാറുകയാണോ?. ഈ വിഷയത്തിലെ വിദ്യാർത്ഥികളുടെയും സംഘ‌ടനകളുടെയും വ്യത്യസ്ത അഭിപ്രായങ്ങളാണ് സോഷ്യോ ടോക്സിന്റെ ഈ എപ്പിസോഡിൽ.

ജസ്റ്റിസ് ഹേമ കമ്മീഷൻ റിപ്പോർട്ട് പുറത്തുവിടണമെന്ന് വിവരാവകാശ കമ്മീഷൻ നിർദേശിച്ചതിന് പിന്നാലെ പ്രതികരണവുമായി വിമൻ ഇൻ സിനിമ കളക്ടീവ് (ഡബ്ല്യു.സി.സി) രം​ഗത്ത് വന്നിരിക്കുകയാണ്. വിവേചനവും ചൂഷണവുമില്ലാത്ത തൊഴിലിടങ്ങൾ സാധ്യമാക്കാൻ ഈ റിപ്പോർട്ട് സഹായകമാകും എന്ന പ്രതീക്ഷ പങ്കുവയ്ക്കുന്നു എഴുത്തുകാരിയും ഡബ്ല്യു.സി.സി അം​ഗവുമായ ദീദി ദാമോദരൻ.

കൊളോണിയൽ കാലത്തെ നിയമങ്ങൾക്ക് പകരം രാജ്യത്ത് പുതിയ ക്രിമിനൽ നിയമങ്ങൾ നിലവിൽ വന്നിരിക്കുകയാണല്ലോ. ഐ.പി.സിക്ക് പകരമായി വന്ന ഭാരതീയ ന്യായ സംഹിത പൗരാവകാശങ്ങളെ എങ്ങനെയെല്ലാമാണ് ബാധിക്കുന്നതെന്ന് വ്യക്തമാക്കുന്നു മുതിർന്ന അഭിഭാഷകനും സാമൂഹ്യപ്രവർത്തകനുമായ അഡ്വ. കെ.എസ് മധുസൂദനൻ.

ജൂൺ 30ന് വീണ്ടും ആരംഭിച്ച പ്രധാനമന്ത്രിയുടെ റോഡിയോ പ്രക്ഷേപണത്തെക്കുറിച്ച് ഒരു പോഡ്കാസ്റ്റ്.

രാജ്യത്തെ പ്രധാന വിഷയങ്ങളിൽ പ്രധാനമന്ത്രിക്ക് ജനങ്ങളുമായി സംവദിക്കാനുള്ള വേദിയാണെന്നാണ് കേന്ദ്ര സർക്കാർ വിശേഷിപ്പിച്ച ഈ പരിപാടിയിലൂടെ ശരിക്കും എന്ത് സംവാദമാണ് പത്ത് വർഷം നരേന്ദ്ര മോദി നടത്തിയത്?