കൊളോണിയൽ കാലത്തെ നിയമങ്ങൾക്ക് പകരം രാജ്യത്ത് പുതിയ ക്രിമിനൽ നിയമങ്ങൾ നിലവിൽ വന്നിരിക്കുകയാണല്ലോ. ഐ.പി.സിക്ക് പകരമായി വന്ന ഭാരതീയ ന്യായ സംഹിത പൗരാവകാശങ്ങളെ എങ്ങനെയെല്ലാമാണ് ബാധിക്കുന്നതെന്ന് വ്യക്തമാക്കുന്നു മുതിർന്ന അഭിഭാഷകനും സാമൂഹ്യപ്രവർത്തകനുമായ അഡ്വ. കെ.എസ് മധുസൂദനൻ.

ജൂൺ 30ന് വീണ്ടും ആരംഭിച്ച പ്രധാനമന്ത്രിയുടെ റോഡിയോ പ്രക്ഷേപണത്തെക്കുറിച്ച് ഒരു പോഡ്കാസ്റ്റ്.

രാജ്യത്തെ പ്രധാന വിഷയങ്ങളിൽ പ്രധാനമന്ത്രിക്ക് ജനങ്ങളുമായി സംവദിക്കാനുള്ള വേദിയാണെന്നാണ് കേന്ദ്ര സർക്കാർ വിശേഷിപ്പിച്ച ഈ പരിപാടിയിലൂടെ ശരിക്കും എന്ത് സംവാദമാണ് പത്ത് വർഷം നരേന്ദ്ര മോദി നടത്തിയത്?

കേരളത്തിലെ സർക്കാർ ജീവനക്കാരുടെ സാമുദായിക അടിസ്ഥാനത്തിലുള്ള കണക്കുകൾ നിയമസഭാ ചോദ്യത്തിന് മറുപടിയായി പുറത്തുവന്നിരിക്കുകയാണല്ലോ. പ്രതീക്ഷിച്ചപോലെ മുന്നോക്ക വിഭാ​ഗങ്ങളുടെ പ്രാതിനിധ്യം വളരെ കൂടുതലാണ്. എന്താണ് ഈ കണക്കുകൾ നൽകുന്ന സൂചന. ദലിത് എംപ്ലോയീസ് ആന്റ് പെൻഷനേഴ്സ് അസോസിയേഷൻ സംസ്ഥാന ജനറൽ സെക്രട്ടറി മണികണ്ഠൻ കാട്ടാമ്പിള്ളി സംസാരിക്കുന്നു.

2018ൽ ട്രാൻസ്‌ജെൻഡർ വിദ്യാർത്ഥികൾ എറണാകുളം മഹാരാജാസ് കോളേജിൽ പ്രവേശനം നേടിയതിനെ തുടർന്നാണ് ലിം​ഗവ്യത്യാസമില്ലാതെ ഉപയോഗിക്കാവുന്ന ജെൻഡർ സൗഹൃദ ശുചിമുറികൾ അവിടെ സ്ഥാപിക്കപ്പെടുന്നത്. മഹാരാജാസിലെ ജെൻഡർ ന്യൂട്രൽ ശുചിമുറികൾ ഇപ്പോൾ സാമൂഹ്യമാധ്യമങ്ങളിൽ വീണ്ടും ചർച്ചയാവുകയാണ്. ഈ ആശയത്തെക്കുറിച്ചുള്ള വിവിധ അഭിപ്രായങ്ങൾ പങ്കുവയ്ക്കുകയാണ് സോഷ്യോ ടോക്സിന്റെ ഈ എപ്പിസോഡ്.

ആൻഡമാൻ നിക്കോബാർ ദ്വീപസമൂഹത്തിലെ ഗ്രേറ്റ് നിക്കോബാറിൽ 130.75 ചതുരശ്ര കിലോമീറ്റർ വനം വികസന പദ്ധതികൾക്കായി തരം മാറ്റാനുള്ള നീക്കം പുനഃപരിശോധിക്കുമെന്ന കേന്ദ്ര ​ഗോത്രകാര്യ മന്ത്രി ജുവൽ ഓറത്തിന്റെ പ്രസ്താവന ചർച്ചയാവുകയാണ്. പരിസ്ഥിതിക്ക് വലിയ തോതിലുള്ള നാശനഷ്ടങ്ങൾ വരുത്താൻ സാധ്യതയുണ്ടെന്ന് മനസിലാക്കിയിട്ടും കേന്ദ്ര വനം പരിസ്ഥിതി മന്ത്രാലയം പദ്ധതിക്ക് അനുമതി നൽകുകയായിരുന്നു.

കഴിഞ്ഞ മാസം ആറ് ദിവസത്തിനുള്ളിൽ അഞ്ച് പൊലീസ് ഉദ്യോ​ഗസ്ഥരാണ് ആത്മഹത്യ ചെയ്തത്. അ‍ഞ്ച് വർഷത്തിനിടയിൽ 88 പേരും. പ്രധാന കാരണം ജോലിയുമായി ബന്ധപ്പെട്ട സമ്മർദ്ദങ്ങളാണ്. ഈ വിഷയം ഇന്നലെ നിയമസഭയിൽ ചർച്ചയായെങ്കിലും മുഖ്യമന്ത്രിയുടെ മറുപടി തൃപ്തികരമായിരുന്നില്ല. പൊലീസ് വകുപ്പിലെ പ്രശ്നങ്ങൾ തുറന്നുപറഞ്ഞതിന് പലവതവണ അച്ചടക്ക നടപടി നേരിട്ട ഉദ്യോ​ഗസ്ഥൻ ഉമേഷ് വള്ളിക്കുന്ന് സംസാരിക്കുന്നു.

അടിയന്തരാവസ്ഥയുടെ വാർഷികം ഏറെ വിവാദങ്ങളോടെയാണ് കടന്നുപോയത്. 1975ലെ അടിയന്തരാവസ്ഥയെ വിമർശിക്കാൻ മുന്നോട്ടുവരുന്ന രാഷ്ട്രീയ നേതൃത്വങ്ങളും സർക്കാരുകളും എന്തുകൊണ്ടാണ് അടിയന്തരാവസ്ഥ തടവുകാരെ സ്വാതന്ത്ര്യ സമര പോരാളികളായി അം​ഗീകരിക്കാത്ത്? അടിയന്തരാവസ്ഥ തടവുകാരനും രാഷ്ട്രീയ നേതാവുമായ പി.സി ഉണ്ണിച്ചെക്കൻ സംസാരിക്കുന്നു.

ഇന്ത്യൻ പാർലമെന്റിൽ ഇനി ശക്തമായ പ്രതിപക്ഷ ഐക്യനിരയുണ്ടാകും എന്ന പ്രതീക്ഷയാണ് ആദ്യദിനങ്ങൾ തന്നെ പങ്കുവയ്ക്കുന്നത്. പാർലമെന്റിലെ മുതിർന്ന അം​ഗവും പ്രതിപക്ഷത്തിന്റെ സ്പീക്കർ സ്ഥാനാർത്ഥിയുമായിരുന്ന കൊടിക്കുന്നിൽ സുരേഷ് ആ പ്രതീക്ഷകളെക്കുറിച്ച് സംസാരിക്കുന്നു.

ദേശീയ വിദ്യാഭ്യാസ നയത്തിന്റെ ഭാ​ഗമായി ഈ അദ്ധ്യയന വർഷം മുതൽ നാല് വർഷ ബിരുദ പദ്ധതി നടപ്പിലാവുകയാണ്. ഇതോടെ എന്തെല്ലാം മാറ്റങ്ങളാണ് ഡി​ഗ്രി വിദ്യാഭ്യാസത്തിൽ ഉണ്ടാകാൻ പോകുന്നത് എന്നതിൽ വിദ്യാർത്ഥികൾക്ക് വ്യക്തക്കുറവുണ്ട്. എസ്.സി-എസ്.ടി വിദ്യാർത്ഥികൾക്ക് അവകാശപ്പെട്ട ​ഗ്രാന്റുകൾ നിലവിൽ കിട്ടാത്ത സാഹ​ചര്യം ആശങ്ക വർദ്ധിപ്പിക്കുന്നു.

കൊച്ചി ന​ഗരസഭയിലെ മാലിന്യ ശേഖരണ തൊഴിലാളികളിൽ പലരും കഴിഞ്ഞ ഒരു വർഷത്തിലേറെയായി സമരത്തിലാണ്. ഹരിതകർമ്മസേന നിലവിൽ വന്നതിന് ശേഷം ഈ മേഖലയിൽ ജോലി ചെയ്യുന്ന തൊഴിലാളികളുടെ കൂലി വെട്ടിക്കുറച്ചതിനും അവകാശങ്ങൾ ലംഘിക്കപ്പെടുന്നതിനും എതിരെയാണ് സമരം.