കേരളത്തിൽ ആഴത്തിൽ വേരൂന്നിയ ഇസ്ലാമോഫോബിയയെ തുറന്നുകാട്ടുന്നതാണ് മമ്മൂട്ടിയും പുഴു എന്ന സിനിമയുമായി ബന്ധപ്പെട്ട് ഉയർന്നുവന്ന വിവാദങ്ങൾ. വെറുപ്പിന്റെയും അപരവത്കരണത്തിന്റെയും രാഷ്ട്രീയം ശക്തിപ്പെടുന്നതിന്റെ തെളിവാണിതെന്ന് വ്യക്തമാക്കുന്നു മീഡിയവൺ അക്കാദമി ഓഫ് കമ്മ്യൂണിക്കേഷൻസ് പ്രിൻസിപ്പളും പ്രഭാഷകനുമായ ‍ഡോ. പി.കെ സാദിഖ്.

നരേന്ദ്ര ദാഭോൽക്കർ വധത്തിൽ ശിക്ഷിക്കപ്പെട്ടവരെല്ലാം സനാതൻ സൻസ്തയുമായി ബന്ധമുള്ളവർ. സനാതൻ സൻസ്തയുടെ തീവ്രവാദ പ്രവർത്തനങ്ങൾ പുറത്തുകൊണ്ടുവന്ന ഹേമന്ദ് കർക്കറെ എന്ന പൊലീസ് ഉദ്യോ​ഗസ്ഥനെ ആരാണ് വധിച്ചതെന്ന ചോദ്യവും വീണ്ടും ഉയർന്നിരിക്കുന്നു.

സൈബർ തട്ടിപ്പുകളുടെ നാടായി കേരളം മാറിയിരിക്കുന്നു. ഈ വർഷം മാത്രം, ഐ.ടി പ്രൊഫഷണലുകൾ അടക്കം ആയിരത്തിലധികം പേർ തട്ടിപ്പിനിരയായി. വിവിധ രൂപങ്ങളിലുള്ള സൈബർ തട്ടിപ്പിൽ എങ്ങനെ കുടുങ്ങാതിരിക്കാം? തൃശൂർ സൈബർ സെല്ലിലെ ഓഫീസർ ഫീസ്റ്റോ സംസാരിക്കുന്നു.

ഉഷ്ണതരംഗത്തിലൂടെ കടന്നുപോകുന്ന സാഹചര്യത്തിൽ ചൂട് മാനസികാരോഗ്യത്തെ എങ്ങനെ ബാധിയ്ക്കാമെന്ന ആശങ്ക മലയാളികൾക്കിടയിൽ നിലനിൽക്കുന്നുണ്ട്. ഈ ആശങ്കകൾക്ക് മറുപടി നൽകുകയാണ് തണൽ കൗൺസലിംഗ് സെൻ്ററിലെ കൗൺസിലർ രശ്മി ജി.പി.

രോഹിത് വെമുല കേസിൽ അന്വേഷണം അവസാനിപ്പിച്ചതായി വാർത്തകൾ വന്നതോടെ എതിർപ്പുകൾ വ്യാപകമാവുകയും പുനരന്വേഷണം നടത്താൻ തീരുമാനിച്ചിരിക്കുകയുമാണ് തെലങ്കാന സർക്കാർ. കേസ് അവസാനിപ്പിച്ച് തെലങ്കാന പൊലീസ് കോടതിയിൽ സമര്‍പ്പിച്ച ക്ലോഷര്‍ റിപ്പോര്‍ട്ടിലെ ​ഗുരുതരമായ പരാമർശങ്ങൾ എന്താണ് സൂചിപ്പിക്കുന്നത്? അന്വേഷണത്തിലെ വീഴ്ചകൾ കേസ് അട്ടിമറിക്കപ്പെടുന്നതിന് കാരണമാകുമോ?

നരേന്ദ്ര മോദി കോൺഗ്രസിനെതിരെ ആദ്യമായി അദാനി–അംബാനി ബന്ധം ആരോപിച്ചിരിക്കുകയാണ്. മോദി സർക്കാരുമായി വളരെ അടുപ്പം സൂക്ഷിക്കുന്ന ഈ കോർപ്പറേറ്റ് തലവന്മാരുടെ പേരുകൾ എന്തുകൊണ്ടാണ് തെരഞ്ഞെടുപ്പ് പ്രചാരണത്തിലേക്ക് പ്രധാനമന്ത്രി വലിച്ചിഴച്ചത്? പരാജയഭീതിയുടെ ഭാ​ഗമായുണ്ടായ പുതിയ തന്ത്രമാണോ ഇത്? രാഷ്ട്രീയ നിരീക്ഷകനായ പ്രമോദ് പുഴങ്കര സംസാരിക്കുന്നു.‍

മലയാള സിനിമകൾ തുടർച്ചയായി തീയേറ്ററുകളിൽ നിന്നും കോടികൾ വാരിക്കൂട്ടുന്ന കാലമാണല്ലോ. തീയേറ്ററുകളുടെ ഭാവിയെക്കുറിച്ചുണ്ടായിരുന്ന ആശങ്ക മാറിത്തുടങ്ങിയിരിക്കുന്നു. ഈ നേട്ടം മലയാള സിനിമയ്ക്ക് എങ്ങനെയാണ് ​ഗുണകരമായി മാറുന്നത്? നിർമ്മാതാവും ഫിലിം പ്രൊഡ്യൂസേഴ്സ് അസോസിയേഷൻ ജോയിന്റ് സെക്രട്ടറിയുമായ സന്ദീപ് സേനൻ സംസാരിക്കുന്നു.

കേന്ദ്ര കാലാവസ്ഥാ വകുപ്പിന്റെ ഉഷ്ണതരം​ഗ മാപ്പിൽ ആദ്യമായി കേരളവും. വരും വർഷങ്ങളിലും ഈ സാഹചര്യം ആവർത്തിക്കുമോ? കടുത്ത വേനൽ കഴിഞ്ഞാൽ പ്രളയമാണോ കേരളത്തെ കാത്തിരിക്കുന്നത്? കുസാറ്റിലെ ശാസ്ത്രജ്ഞൻ ഡോ. എം.ജി മനോജ് സംസാരിക്കുന്നു.

ഇന്ന് മെയ് ഒന്ന്, ലോക തൊഴിലാളി വർ​ഗം അവകാശങ്ങൾ നേടിയെടുത്ത ദിവസം. എന്നാൽ ഇന്ത്യയടക്കം പല രാജ്യങ്ങളിലും അസംഘടിത മേഖലയിൽ തൊഴിലവകാശങ്ങളുടെ ലംഘനം വ്യാപകമാണ്. അസംഘടിത മേഖലയിലെ സ്ത്രീ തൊഴിലാളികൾക്കിടയിൽ പ്രവർത്തിക്കുന്ന സെൽഫ് എംപ്ലോയിഡ് വിമൻ അസോസിയേഷൻ (സേവ) ജനറൽ സെക്രട്ടറി സോണിയ ജോർജ് സംസാരിക്കുന്നു.

ലോകത്തിലെ ഏറ്റവും വലിയ ജനാധിപത്യ രാജ്യമെന്ന് അവകാശപ്പെടുന്ന ഇന്ത്യയിൽ തെരഞ്ഞെടുപ്പ് പ്രക്രിയ പുരോ​ഗമിക്കുകയാണല്ലോ. തെരഞ്ഞെടുപ്പ് രം​ഗത്തെ നിലവിലെ പ്രവണതകൾ എന്താണ് സൂചിപ്പിക്കുന്നത്? നമ്മൾ പൗരരിൽ നിന്നും പ്രജയിലേക്ക് തിരികെ നടക്കുകയാണോ? മുൻ ഐ.എ.എസ് ഓഫീസർ കണ്ണൻ ​ഗോപിനാഥൻ സംസാരിക്കുന്നു.