Kerkbode Kollig

Kerkbode Kollig

By Klank KompasReligion & Spirituality
Download on the App Store

Kerkbode Kollig episodes

  • Episode 7: Twee vertel hoe Jesus se lyding hulle dieper geraak het
    Emeritus-prof Pieter Carstens van Pretoria wou in Februarie 2019 weens ’n terminale kankerdiagnose sy lewe waardig afeindig. Hy wou dit doen met bystanddood by die Dignitas-kliniek in Switserland soos wat Carol de Swardt van George (ook gediagnoseer met aggressiewe velkanker) vroeër vanjaar gedoen het.
    Toe gebeur in sy woorde “net ’n wonderwerk”. Danksy ‘n toe nog redelik nuwe kankermedikasie is sy gewas op sy kop genees. Nou gebruik hierdie kenner in kriminele en mediese reg sy tweede kans op lewe om te kyk hoe hy vir ander iets goeds kan doen. So gesels hy ook graag oor sy belewenis omdat so baie mense vrae het rondom bystanddood of genadedood.
    Carel van der Merwe is 53 en in sy eerste pos as medeleraar by NG Moedergemeente Worcester. Hy het met Le Roux Schoeman van Kerkbode gesels oor sy kronkelpad van mega-melkstal tot op die kansel.
    37 min
  • Episode 6: ‘Ses jaar as gyselaar maak my geloof sterker’
    Gerco van Deventer was vir ses jaar as gyselaar aangehou in Noord-Afrika. Eers in ’n huis, toe ’n tent en daarna onder ’n boom iewers tussen die sandduine van die Sahara met net ’n kombers as beskerming. Vir hierdie episode van Kerkbode Kollig vertel hy sy geloofstorie - van die dag van sy ontvoering tot sy vrylating einde laasjaar toe hy met sy gesin herenig is.
    Ons bly in Afrika en luister ook na ’n insetsel wat ds Jaco Strydom gemaak het na hy in Kenia met drie NG dominees van die ekumeniese teologiese netwerk, NetACT, gesels het.
    Laastens ’n staaltjie vanuit die Vrystaatse kerkargief. Dit gaan oor ’n gedroste Duitsgebore soldaat wat meer as 100 jaar opdrag gekry het om ’n fresco (muurskildery) te verf in die NG Kerk op Dewetsdorp. Mariëtte Odendal het die storie vir Vrypos gaan uitsnuffel.
    34 min
  • Episode 5: God se hart vir weerloses
    Dinsdag 19 Maart is internasionale Maatskaplike Werkerdag. Regoor die land is baie maatskaplike hulporganisasies wat uit die kerk ontstaan het. In hierdie episode van Kerkbode Kollig fokus ons op van hierdie organisasies in Gauteng wat nou saam met ander deur ‘n bestaanskrisis bedreig word omdat die provinisiale regering hulle subsidies drasties wil besnoei. Ds Yolandi Kok is ringvoorsitter vir diakonale dienste van die NG Kerk se Hoëveldsinode. Sy vertel meer hieroor en deel ook praktiese voorstelle oor maniere waarop gemeentes hulle plaaslike hulporganisasies kan wys hulle staan nie alleen nie. Ons het ook met dr Nioma Venter gesels oor die rol wat gemeentes kan speel om die regte mense om ’n tafel te kry wat die nood in hulle gemeenskap effektief kan aanspreek. Dan het die Weskaapse kerkleierskap onlangs vir twee dae in Wellington saamgekom en allerhande sake bespreek. KaapKerk se Ronelda Visser het met die voorsitter, ds Marinus Theron, gesels om meer te hoor.
    27 min
  • Episode 4: Op reis met God
    Dr Tom Smith van Fontainebleau Gemeenskapskerk in Randburg neem op 1 April oor by dr Andre Bartlett as hoof van Excelsus, die NG Kerk se Sentrum vir Voortgesette Bedieningsontwikkeling in Pretoria. Hy het met Kerkbode Kollig gesels oor sy eie jarelange geloofsavontuurreis asook waarna hy uitsien in sy nuwe pos en hy het so bietjie vertel oor sy nuwe boek, Vind God in die gewone. Ons maak ook ’n draai in Knysna by ds Enel Lamprecht wat vertel hoe jongmense besig is om die gesig van hulle gemeente te verander. En dan hoor ons van ’n ongelooflike dapper kankervegtertjie in die Strand wat duisende mense met haar getuienis geïnspireer het.
    29 min
  • Episode 3: In saamloop lê hoop
    Nie net ons land is stukkend nie. Ook binne die kerk is daar stukkendheid. Daar is gemeentes wat sê hulle maak hulle los van strukture soos die Algemene Sinode, ringe en streeksinodes maar hulle wil NG Kerk bly. Ons gesels hieroor met Jan Lubbe, ’n NG dominee van Bloemfontein en tans voorsitter van die Algemene Sinode van die NG Kerk.
    Hy vertel ondermeer hy hoop dat as kerk ons maniere sal vind om tog die pad saam te loop want ons land het dit nodig, veral nou. Hierdie gebeure het ruim lugtyd gekry by die afgelope vergadering van die Algemene Sinode Moderamen. Tydens die geleentheid het die Taakspan Regte ook terugvoering gegee oor die regsgeldigheid van die “aktes van opskorting” wat van hierdie gemeentes ingedien het. In ’n tweede insetsel vertel Lubbe ook hieroor meer. Dan luister ons ook na ’n uittreksel van ’n gesprek met dr Zander van der Westhuizen van NG Gemeente Tygerpoort waar hulle glo ook hulle geboue moet, nie net Sondae nie maar heel week, werk in belang van, nie net die gemeente nie, maar die gemeenskap.
    26 min
  • Episode 2: Oor grense na hoop
    In hierdie episode van Kerkbode Kollig gesels ons oor die oorsteek van grense. Ds Deon van der Berg van Stella in Noordwes is ondervoorsitter van die Red ‘n Plaas Red ‘n Gemeenskap Rampfondsprojek. Hy vertel meer daaroor asook die verskillende kreatiewe maniere waarop mense die camino-fondsinsameling daarvoor kan ondersteun. Die moderator van die Algemene Sinode van die NG Kerk, ds Jan Lubbe, was een van meer as 70 sprekers by ’n onlangse konferensie, Oplossings vir die platteland, wat in die Vrystaat plaasgevind het. Ons luister na ’n uittreksel uit sy spreekbeurt.
    Peet Botma is ’n avonturier en lief vir die see. Hy het onlangs die harte van ’n groepie Kaapse kinders (almal uit moeilike omstandighede) baie bly gemaak toe hy reggekry het om manalleen met ’n roeiboot oor die Atlantiese oseaan te roei. Jaco Strydom het vir Kerkbode met hom gesels oor sy deelname aan een van die wêreld se mees uitdagendste wedvaarte, The Worlds Toughest Row.
    27 min
  • Episode 1 - Kerkbode Kollig: Van trane na hoop
    In hierdie episode van Kerkbode Kollig, gesels ons oor geloof in tye van tragedie en verlies.
    Ds Christo Nel van Welkom vertel van die hartseer, maar ook verstommende ondersteuning wat hulle as gemeenskap ervaar het na ‘n busongeluk waarin ses tieners dood is.
    Die nuwe moderator van die Wes-Kaapland, ds Marinus Theron, deel ‘n paar gedagtes oor gemeentes se uitdaging met roeping.
    Die Stellenbosse teoloog en skrywer, prof Cas Wepener, vertel waaroor gaan die boek, Lamenting for change: Worship and preaching for social impact, Resources for a season of lament in service of hope wat hy saam met sy kollega uit die VGK, dr Dawid Mouton, saamgestel het vir gemeentes se gebruik tydens Lydenstyd.
    26 min
  • Inleiding
    Heléne Meissenheimer van Kerkbode vertel kortliks waaroor Kollig gaan. Ons skop amptelik op 18 Februarie 2024 af!
    2 min

About Kerkbode Kollig

From the publisher's feed

Gereelde podcasts gevul met insetsels oor kerknuus, geloofstories en gesprekke om jou in te lig, laat nadink en inspireer. Kerkbode is die amptelike nuusblad van die NG Kerk.