ကီၢ်စၢဖှိၣ်ပဒိၣ်အတၢ်ရဲၣ်တၢ်ကျဲၤလၢ တၢ်ကသူၣ်ထီၣ် အီစထြ့လယါကီၢ် လ့ၣ်မ့ၣ်အူဃ့ၢ်ချ့အကျဲန့ၣ် သုးအသးဆူမဲာ်ညါတပတီၢ်, လၢအစးထီၣ်ဝဲဒၣ် ခံနံၣ်အတီၢ်ပူၤ တၢ်ဂုၤထီၣ်ပသီထီၣ်အပတီၢ်တၢ်ရဲၣ်တၢ်ကျဲၤ လၢကသူၣ်ထီၣ် Sydney ဒီး Newcastle အဘၢၣ်စၢၤ လ့ၣ်မ့ၣ်အူဃ့ၢ်ချ့အကျဲအဂီၢ်န့ၣ်လီၤ. တၢ်သူၣ်ထီၣ်ဘှီထီၣ်န့ၣ် တၢ်ကစးထီၣ်ဝဲဒၣ်အီၤဖဲ ၂ဝ၂၈နံၣ်န့ၣ်လီၤ. တၢ်တိၤကျဲၤအံၤ ဘၣ်ကွၢ်ဆၢၣ်မဲာ်ဒီး ကျိၣ်စ့အတၢ်လၢာ်ဘူၣ်လၢာ်စ့ ဘူးထီၣ်လၢ ဒီလၣ် ၉ဝ ဘံလယၢၢ်အမဲာ်ညါ ဘၣ်သဂၢၢ်စ့ၢ်ကီးဝဲဒၣ်ဒီး ကမျၢၢ်တၢ်ပဲၤထံနီၤဖး ခီဖျိလၢအတၢ်စံၣ်စိၤအိၣ်လၢ အတံာ်တာ်ယံၤ ဘၣ်ဆၣ်သနာ်က့ ပှၤဆီၣ်ထွဲတၢ်ဂ့ၢ်အံၤသ့ၣ်တဖၣ် ဂ့ၢ်လိာ်ဘှီလိာ်ဝဲလၢ လ့ၣ်မ့ၣ်အူကျဲ လၢအကျိၤအထီအိၣ်ဝဲဒၣ် ၁၈ဝဝ ကံလိမံထၢၣ်အံၤ အကဒုးဆီတလဲဝဲဒၣ် ခိခိၣ်ဟီၣ်ကဝီၤဟံၣ်ဃီတၢ်အိၣ်တၢ်ဆိးဒီး တၢ်တ့ထုးထီၣ်တၢ် သကုၤ မုၢ်ထီၣ်ကၢၢ်ခိၣ် ဟီၣ်ကဝီၤအပူၤန့ၣ်လီၤ.