Kinka

By Berria

Krisi ekosoziala hizpide duen podcasta da Kinka, klima eta natura krisiak gurutzatzen dituen gai askotarikoak lantzen dituen saioa. Nagore Arin kazetariak gidatzen du.

... more

Download on the App Store

Download on the App Store

Get it on Google Play

FAQs about Kinka:

How many episodes does Kinka have?

The podcast currently has 106 episodes available.

Kinka episodes:

October 13, 2023 Euskal Herria Bizirik: lurraren defentsan baturik. NAGORE ARIN
Euskal Herria Bizirik ekimena du hizpide Kinka podcastaren 15. saioak.
Egitasmoak maiatzaren 20an du jarria hitzordu nagusia: manifestazio
nazionala egingo du lurraren defentsan eta azpiegituren proiektu handien
aurka. Ekimenaz, mobilizazioaz eta Euskal Herriak bizi duen
testuinguruaz hitz egin dugu Araba Bizirik, Ekologistak Martxan eta AHT
Gelditu Nafarroa taldeetako hiru ordezkarirekin. Hiztegian, anplifikazio
polarra zer den azaldu dute Nagore Arin eta Olatz Artola solaskideek.
Aholkuen atalean, tokian-tokiko eta garaiko merkataritzaz mintzatu da
Gorka Egia.
...more
35min
October 13, 2023 Iraganaren gaurkotasunaz, Naima El Banirekin. NAGORE ARIN
Naima El Bani Altuna ikerlaria du protagonista Kinka podcastaren 14.
aleak; Tromson bizi da, Norvegian, eta ozeanoen zirkulazioak ikertzen
ditu. Artikoan egiten duen jardunari buruz, espedizio askotarikoei buruz
eta beste hainbat gauzari buruz mintzatu da. Hiztegiaren atalean,
foraminifero deituriko organismoei buruz aritu dira Nagore Arin eta
Olatz Artola. Aholkuen tartean, ingurumenari buruzko literatur
gomendioak ekarri ditu Imanol Landa Medrano kolaboratzaileak.
...more
28min
October 13, 2023 Energia, komunitatetik eta komunitatearentzat. NAGORE ARIN
Energia komunitateak ditu hizpide Kinkaren 13. saioak, Artelan
kolektiboko kide Oihana Lorea Zabalegi, Sugarai kooperatibako bazkide
Peio Harluxet eta Ekiherri kooperatibako bazkide Aitziber Gartzia
solaskide. Hiztegiaren atalean, iheslari klimatikoez aritu dira Nagore
Arin eta Olatz Artola. Aholkuen atalean, Asunek Behatokiko Goiuri
Alberdi eta Aintzira Oñederra izan dira estreinakoz, eta erosketa
egiterakoan kontuan hartu beharreko gakoez hitz egin dute.
...more
36min
October 13, 2023 Iraultza berdeez, Mirene Begiristainekin. NAGORE ARIN
Kinka podcastaren 12. saioan, agroekologiaz mintzatu da Mirene
Begiristain EHUko Ekonomia eta Enpresa Fakultateko irakaslea eta
elikadura sistemen ikerltzailea. Lehen sektoreak izan duen bilakaeraz,
nekazaritzaz, lurraren eta lurra zaintzen dutenen zaintzaz eta beste
hainbat gaiez mintzatu da. Hiztegiaren atalean, mikroplastikoez aritu
dira Nagore Arin eta Olatz Artola. Gomendioen atalean, hondakinekin
gutxiago kutsatzeko erronkatxoak jarri dizkie Gorka Egiak entzuleei.
...more
37min
October 13, 2023 Trantsizio energetikoa bai, baina zein markotan?. NAGORE ARIN
Trantsizio energetikoaz mintzo da Kinka podcastaren hamaikagarren atala.
Martxoaren 2an egin zen Martin Ugalde Foroan esandakoen laburpen bat
da, Nafarroako Gobernuko Ingurumen kontseilari Itziar Gomez, BC3ko
ikertzaile Unai Pascual eta Hego Euskal Herriko Greenpeaceko
koordinatzaile Lorea Flores hizlari. Hiztegian, elikagaien karbono
aztarnaz aritu dira Nagore Arin eta Olatz Artola. Eta, gomendioen
atalean, baterien berrerabilpenari buruz mintzatu da Imanol Landa
Medrano. Entzun!
...more
34min
October 13, 2023 Otsoen itzulera: nork babestuko du nor?. NAGORE ARIN
Otsoez mintzo da Kinka podcastaren hamargarren atala; otsoez, espezie
babestu gisa duten izendapenaz eta abereei erasotzean sortzen dituzten
kalteez, besteak beste. Horretarako, Iñigo Bilbao Euskal Nekazarien
Batasuneko kidearen eta Diego Ortuzar Ekologistak Martxan taldeko
kidearen iritziak jaso ditu podcastaren lantaldeak, eta nork bere
ikuspuntutik heldu dio aferari. Hiztegiaren atalean, uxaldiaz aritu dira
Nagore Arin eta Olatz Artola;. Gomendioen atalean, berriz, energia
gutxiago kontsumitzeko gakoak ekarri ditu Gorka Egia kolaboratzaileak.
Entzun!
...more
33min
October 13, 2023 Zaldibar: hiru urte, hainbat zauri eta itzal ugari. NAGORE ARIN
Zaldibarko amiltzearen hirugarren urteurrena baliatuta, hondamendiaren
hots eta soinu askotarikoen bilduma osatu du BERRIAk, Kinka podcastaren
ale berezi batean. Duela bi urte jasotako Nahia Sololuzeren eta BERRIAko
editore Iñaki Petxarromanen azalpenekin, eta pieza honetarako espresuki
grabatutako Imanol Magro BERRIAko kazetariaren esanekin osatu da lana;
baina, testigantza horiez gain, Zaldibarko auziari buruzko bestelako
hots eta soinuak ere topatuko ditu entzuleak audio dokumental itxura
hartu duen lan honetan.
...more
37min
October 13, 2023 Jauzi Ekosoziala: elkarrekin ekiteko eta eragiteko sare bat. NAGORE ARIN
Jauzi Ekosoziala dinamika du mintzagai Kinka podcastaren zortzigarren
saioak. Hego Euskal Herriko mugimendu ekologista artikulatzeko asmoz
sortu dute, elkarrekin ekiteko eta eragiteko. Alaitz Ajuriagerra eta
Nerea Zuluaga mugimenduko partaideek azaldu dituzte dinamika berriaren
nondik norakoak, eta luze gabe dituzten mugarri nagusien berri ere eman
dute. Hiztegian, Copernicus zerbitzuaren urtez urteko txostena izan dute
hizpide Nagore Arin eta Olatz Artola solaskideek. Gomendioen atalean,
berriz, azken asteotan ahoz aho ibili den fusio nuklearraz mintzatu da
Imanol Landa Medrano.
...more
31min
October 13, 2023 Bioaniztasuna babesteko bide orriez, Unai Pascualekin. NAGORE ARIN
Bioaniztasuna du hizpide Kinka podcastaren zazpigarren saioak, IPBESko ikertzaile Unai Pascual solaskide. Nazio Batuen Erakundearen natur aniztasunari buruzko COP15 biltzarraren nondik norakoak xehatu ditu, eta Naturaren Balioen Katalogoaz eta Euskal Herriko aliantza ekosozialaz ere mintzatu da. Hiztegiaren atalean, Mauna Loako Behatokiaz hitz egin dute Nagore Arin eta Olatz Artola kideek, eta, gomendioen atalean, kontsumo arduratsua sustatzeko erronka interesgarriak jarri dizkie Gorka Egiak entzuleei.
...more
34min
October 13, 2023 Begirada gazteak, klima krisian giltzarri. NAGORE ARIN
Gazteak ditu protagonista Kinka podcastaren seigarren saioak, eta,
horretarako, Gorka Laurnaga klima aktibista, Anne Rodriguez Fridays For
Future plataformako kidea eta Hodei Rodriguez Sukar Horia taldeko kidea
izan ditu bidelagun. Hiztegiaren atalean, ‘Hazkundearen mugak’ txostena,
eta, gomendioen atalean, bizikleta elektriko bat erosteko aholkuak,
oraingo honetan, Imanol Landa Medrano kolaboratzailearen eskutik.
Entzun!
...more
36min

FAQs about Kinka:

How many episodes does Kinka have?

The podcast currently has 106 episodes available.