ABD USA Enterprises voer Amerikaanse karre en motorfietse wêreldwyd uit. Stigter, André van den Berg, gesels met my onder andere oor sy loopbaan as motorfiets-renjaer, $17 in sy sak, toilette skoonmaak tot die heel eerste motorfietsveiling in die VSA. Webwerf

Mousetrap Cheese is ’n besigheid in Kaapstad wat kaas verskaf aan restaurante en lugdienste. Tania Vermeulen, is die dryfkrag agter dié besigheid. Sy gesels met Klipkouers oor onder meer eerlikheid met kliënte en hoe emosionele betrokkenheid by personeel.

Van medies tot regte tot pensioenfondse tot ’n hair extension spesialis… Theresa Louw, die eienaar

van Make-Over Boutique, vertel onder meer aan Klipkouers hoe belangrik reputasie vir besighede

is en hoe jy moet waak teen te veel aandeelhouers.

Op die ouderdom van 59 besluit Leon Els om 'n innoverende onderneming, Octcet, met 'n vriend op die been te bring. Hy gesels met my oor die uitdagings en slaggate om ʼn nuwe produk in die buiteland te loods.

Hendrik van Vuuren is die medestigter van Ekosto en gesels met my onder andere oor die 500 eiendomme wat hulle besig is om te bou en hoe werkskulture tussen die Suid-Afrikaners en Texans verskil.

Capalie Botha, stigter en breinkrag agter Elektra Ontwikkelings, gesels met my oor die satisfaksie wat hy kry wanneer hy en sy span ʼn eiendomstekening omskep in ʼn tasbare gebou, hoe eiendoms koopkulture verskil tussen verskillende stede en hoe gevaarlik emosionele besluite in eiendomsontwikkeling kan wees.

Len Fourie, is die breinkrag agter stads- en streeksbeplanning firma Macroplan. Len gesels met my oor hoe ekonomiese probleme, byvoorbeeld die krag krisis, onvoorsiene voordele vir SA besighede kan inhou en hoe sy kleintyd passie gelei het tot suskes is sy beroep.

Kom luister na my eerste en ROWWE aangesig tot aangesig onderhoud met die legende agter die baard, Meyer le Roux. Waar ons onder andere gesels oor die herkoms van Buffelsfontein, die toekoms, Generaal de Wet en baard toupees!

Expat Explore is ’n besigheid in Europa wat gemiddeld 13,000 toere per jaar reël. Die Suid-Afrikaner, Jakes Maritz, is die dryfkrag agter dié besigheid. Hy gesels met Klipkouers oor onder meer hoe om mense aan te stel en hoe jy foute moet hanteer.