លោក ហ៊ុន​ សែន អតីត​នាយក​រដ្ឋមន្ត្រីកម្ពុជា​និង​ជាប្រធាន​ព្រឹទ្ធសភា​ប្រកាសថា កម្ពុជា​បាន​សម្រេច​ដកខ្លួនចេញ​ពី​គម្រោង​ត្រីកោណ​អភិវឌ្ឍន៍ កម្ពុជា-ឡាវ-វៀតណាម (CLV-DTA) ក្រោយ​ពី​មាន​ការ​ប្រឆាំង​ជាច្រើន​នៅ​ក្រៅប្រទេស ដោយ​លោក​ចាត់​ទុក​ថា​ការ​ដក​នេះ​គឺជា«ការដកអាវុធ»ចេញ​ពី​ដៃ​ក្រុម​ប្រឆាំង។ ការប្រកាស​នេះ​កើតឡើង មុន​ពេល​ដែល​ក្រុម​ប្រឆាំង​គ្រោង​ធ្វើបាតុកម្ម​ទ្រង់ទ្រាយ​ធំ​ចំនួន៤ថ្ងៃ នៅ​រដ្ឋធានី​វ៉ាស៊ីនតោន​នៅ​ខែតុលា​ ​ ប៉ុន្តែ​គណបក្ស​ប្រឆាំង​ដែល​នៅ​សហរដ្ឋ​អាមេរិក​ប្តេជ្ញា​បន្ត​ការតវ៉ា​តាម​ផែនការ​ ដោយអះអាង​ថា​ពួកគេ​ទាមទារ​ឲ្យ​គោរព​កិច្ចព្រមព្រៀង​សន្តិភាព​ទីក្រុងប៉ារីស​ផងដែរ។ លោក ម៉ែន គឹមសេង សូម​ជូន​ព័ត៌មាន​ទាន់ហេតុការណ៍​ពី​រដ្ឋធានីវ៉ាស៊ីនតោន​ដូច​តទៅ៖

អ្នកស្រី​ Kamala Harris ​បេក្ខជន​ប្រធានាធិបតី​នៃ​គណបក្ស​ប្រជាធិបតេយ្យ​និង​លោក​ Donald Trump ​បេក្ខជន​ប្រធានាធិបតី​នៃ​គណបក្ស​សាធារណរដ្ឋ​បាន​ជួប​ពិភាក្សា​ដេញដោល​គ្នាកាលពី​ថ្ងៃអង្គារ​ទី១០ ខែ​កញ្ញា​ ដើម្បី​បង្ហាញ​គោល​នយោបាយ​លើ​បញ្ហា​ជាច្រើន​ដែល​មាន​ដូច​ជា​សេដ្ឋកិច្ច ​សិទ្ធិ​រំលូត​កូន ​អន្តោប្រវេសន៍​ អត្រា​ឧក្រិដ្ឋកម្ម​ ថាមពល​និង​គោល​នយោបាយ​ការបរទេស។ នេះ​ជា​ការជួប​គ្នា​ដោយ​ផ្ទាល់​ជា​លើក​ដំបូង​របស់​បេក្ខជន​ទាំង​ពីរ។ លោក​ម៉ែន គឹមសេងនៃ​វីអូអេ​សូមជូន​សេចក្តី​រាយការណ៍​ពី​ទីក្រុង​ Philadelphia ​រដ្ឋ​ Pennsylvania ​ពី​ប្រតិកម្ម​នានា​ក្រោយ​ការពិភាក្សា​ដេញដោលនេះ​ជា​ពិសេស​ពី​អ្នកបោះឆ្នោត​ខ្មែរ​អាមេរិកាំង​ដូច​តទៅ៖

ក្រសួង​ហិរញ្ញ​វត្ថុ​សហរដ្ឋ​អាមេរិក​ប្រកាស​ដាក់​ទណ្ឌកម្ម​មហាសេដ្ឋី​កម្ពុជា​គឺ​លោក​លី យ៉ុងផាត់​និង​អាជីវកម្ម​របស់​លោក​ពាក់​ព័ន្ធ​នឹង​ការជួញ​ដូរ​មនុស្ស​ ការបង្ខំ​ឲ្យ​ធ្វើ​ពលកម្ម​ដោយ​ខុសច្បាប់​និង​ការបោកប្រាស់​តាម​អនឡាញ។ សេចក្តី​ប្រកាស​ព័ត៌មាន​របស់​ក្រសួង​ហិរញ្ញ​វត្ថុ​ឲ្យ​ដឹង​ថា​អាជីវកម្ម​ដែល​រងទណ្ឌកម្ម​នោះ​មានក្រុមហ៊ុន​លី យ៉ុងផាត់​ គ្រុប (L.Y.P. Group Co., LTD (L.Y.P. Group) រម្មនីយដ្ឋាន​អូស្មាច់ (O-Smach Resort), រម្មនីយដ្ឋាន​កោះកុង (Koh Kong Resort), សណ្ឋាគារ​ហ្កាដឹនស៊ីធី (Garden City Hotel) ​និង​សណ្ឋាគារ​ភ្នំពេញ​(Phnom Penh Hotel)។ លោក ម៉ែន គឹមសេង ​នៃ​វីអូអេ​សូមជូន​ព័ត៌មាន​ទាន់ហេតុការណ៍ពី​រដ្ឋធានី​វ៉ាស៊ីនតោន​ដូច​តទៅ៖

ចលនាខ្មែរដើម្បីលទ្ធិប្រជាធិបតេយ្យកាលពីថ្ងៃទី១ ខែកញ្ញា បានរៀបចំកម្មវិធីជជេកដេញដោលជាសាធារណៈមួយស្តីអំពីគម្រោងអភិវឌ្ឍន៍តំបន់ត្រីកោណកម្ពុជា ឡាវ វៀតណាម CLV-DTA ដែលជាបញ្ហាដ៏ចម្រូងចម្រាសមួយរបស់ប្រទេសកម្ពុជា នៅបណ្តាល័យ O’Leary នៃសកលវិទ្យាល័យរដ្ឋ Massachusetts ក្រុង Lowell។ លោក ពិន ស៊ីសុវណ្ណ ចុះយកព័ត៌មានផ្ទាល់នៅទីក្រុង Lowell រដ្ឋ Massachusetts ហើយជូនសេចក្តីរាយការណ៍លម្អិត៕

ក្រសួងការងារ ភាគីថៅកែរោងចក្រ និងតំណាងកម្មករកំពុងពិភាក្សាគ្នាអំពីប្រាក់ឈ្នួលអប្បបរមារបស់កម្មករនិយោជិតក្នុងផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប។ ការចរចាអំពីប្រាក់ឈ្នួលត្រូវបានធ្វើឡើងជារៀងរាល់ឆ្នាំ ដើម្បីសម្រេចថាតើត្រូវដំឡើងប្រាក់ឈ្នួលកម្មករឬយ៉ាងណា។ អ្នកស្រី យ៉ាង សុភ័ណ្ឌ ប្រធានសហព័ន្ធសហជីពកម្ពុជា បានចូលរួមចរចានេះក្នុងតំណាងភាគីកម្មករ ដោយជំរុញឲ្យដំឡើងប្រាក់ឈ្នួលអប្បបរមាដល់កម្មករឲ្យបានច្រើន ហើយ​បាន​ផ្តល់​បទសម្ភាសន៍ដល់លោក ស៊ុន ណារិន និងលោក លាស់ លីបលីប នៃ​វីអូអេ៕

ខណៈពេល​ដែល​ពេល​មាន​ការ​លើក​កម្ពស់​ការ​តំណាង​ជនជាតិ​និង​វប្បធម៌​អាស៊ី​នៅ​សហរដ្ឋ​អាមេរិក អ្នកចម្រៀង​ខ្មែរ​អាមេរិកាំង លោក ស៊ូព ផា (Soup Pha) មើល​ឃើញ​ថា​ ដំណើរត្រឡប់​ទៅ​សិក្សា​និង​ភ្ជាប់​ខ្លួន​ទៅ​នឹងវប្បធម៌​កំណើតតាម​រយៈសិល្បៈរបស់​លោក ជា​ការ​ព្យាបាល​ផ្លូវ​ចិត្ត និង​ជា​វិថី​ដែល​នាំ​ឲ្យ លោក​ទទួល​បាន​អត្ថន័យ​យ៉ាង​ជ្រាលជ្រៅ​ក្នុង​ជីវិត។ ថ្មីៗ​នេះ លោក ស៊ូព ផា បាន​ធ្វើដំណើរ​មក​រដ្ឋធានី​វ៉ាស៊ីនតោន ដើម្បី​ផ្តល់​បទសម្ភាសន៍​ដល់ លោក ចាប ចិត្រា នៃ VOA អំពី​គោលដៅ​លើក​កម្ពស់​វប្បធម៌​ខ្មែរ​និង​អាស៊ី​ក្នុងស្នាដៃ​សិល្បៈរបស់​លោក។ សូម​លោក​អ្នកនាង​ទស្សនា​បទសម្ភាសន៍​នេះទាំងស្រុង​ដូចតទៅ៖

ពលរដ្ឋ​ចម្រុះ​ជាតិ​សាសន៍ ​ជាពិសេស​សហគមន៍​ខ្មែរ​នៃ​ទីក្រុង​ Lowell​និង​បេក្ខជន​ឈ្មោះ​បោះឆ្នោត​ថ្នាក់​រដ្ឋ​បាន​ធ្វើ​សកម្ម​ភាព​ទាក់ទាញ​សន្លឹក​ឆ្នោត​អ្នកគាំទ្រ​រៀងៗ​ខ្លួន ​ក្រោយ​ពី​ការបោះឆ្នោត​ថ្នាក់​ក្រុង​ចុង​ក្រោយបំផុត​មាន​អ្នកទៅ​បោះឆ្នោត​តិច។​ លោក ​ពិន ស៊ីសុវណ្ណ ​ចុះ​យក​ព័ត៌មាន​ផ្ទាល់​នៅ​ទីក្រុង ​Lowell, រដ្ឋ ​Massachusetts ​ហើយ​ជូន​សេចក្តី​រាយ​ការណ៍​ដូច​ត​ទៅ៖

ក្រុមសិល្បៈរបាំអង្គរបានចងក្រមរបាំរឿងថ្មីមួយឈ្មោះថា Rain and Live គឺ«ជីវិតក្រោមដំណក់ទឹកភ្លៀង»ដើម្បីឆ្លុះបញ្ចាំងពីកសិកម្មនិងជីវិតកសិករខ្មែរ ដែលពឹងផ្អែកលើកទឹកភ្លៀងក្នុងការធ្វើសកម្ម និងការសកម្មភាពប្រចាំថ្ងៃមួយចំនួនទៀត តាមរយៈរបាំប្រពៃណីខ្មែរ។ ការសម្តែងនេះចាប់អារម្មណ៍អ្នកទស្សនា ប្រមាណយ៉ាងតិច ៤០០ នាក់។ លោក ពិន ស៊ីសុវណ្ណ ចុះយកព័ត៌មានផ្ទាល់នៅទីក្រុង Lowell រដ្ឋ Massachusetts និងជូនសេចក្តីរាយការណ៍លម្អិត៕

បន្ទាប់ពី​បាន​បម្រើការ​អស់​រយៈពេល៣១ឆ្នាំ​ជា​អ្នកផ្សាយ​ព័ត៌មាន​នៅ​វីអូអេ​ឬវិទ្យុ​សំឡេង​សហរដ្ឋ​អាមេរិក​ដែលជាទីភ្នាក់ងារ​មួយ​របស់រដ្ឋាភិបាល​សហព័ន្ធ​សហរដ្ឋអាមេរិក លោក ប៉ូច រាសី​ នឹងចូលនិវត្តន៍​នៅចុង​ខែ​សីហានេះ។ អ្នកនាង ស្រេង លក្ខិណានិង​លោក ជឹង ប៉ូជីន នៃវីអូអេ​បានសម្ភាស​លោក រាសី អំពី​ប្រវត្តិ​និង​បទពិសោធន៍​ការងារ​របស់​លោក​នៅ​វីអូអេ ​មុននឹង​លោកចូលនិវត្តន៍។

កំពង់ផែពហុបំណងកំពតរបស់ក្រុមហ៊ុនកំពតផត ដែលត្រូវបានប្តូរឈ្មោះទៅជាកំពង់ផែអន្តរជាតិកំពត គឺជាគម្រោងវិនិយោគដែលមានតម្លៃ ១,៥០០ លានដុល្លារ និងមានទំហំផ្ទៃដីគោកនិងទឹកជិត ៩០០ ហិកតា។ ថ្នាក់ដឹកនាំរដ្ឋាភិបាលអះអាងថា កំពង់ផែនេះនឹងក្លាយជាសរសៃឈាមដ៏សំខាន់សម្រាប់ការដឹកជញ្ជូនតាមផ្លូវសមុទ្ររបស់កម្ពុជា និងរួមចំណែកក្នុងការជំរុញសេដ្ឋកិច្ចកម្ពុជាឱ្យមានកំណើនបន្ថែមទៀត។ ប៉ុន្តែក្រុមអ្នកនេសាទ និងពលរដ្ឋដែលរស់នៅតំបន់នោះលើកឡើងថា កំពង់ផែនេះធ្វើឱ្យប៉ះពាល់ដល់ប្រព័ន្ធអេកូឡូស៊ី និងជីវភាពអ្នកនេសាទយ៉ាងខ្លាំង។ អ្នកនាង កាន់ វិច្ឆិកា រាយការណ៍លម្អិតឲ្យវីអូអេពីខេត្តកំពត៕