នៅ​ដើម​សប្តាហ៍​នេះ វីអូអេ​សូម​ជូន​ព្រឹត្តិការណ៍​ព័ត៌មាន​សំខាន់ៗ​ដូចជា ការ​បង្កើត​មូលនិធិ​កសាង​ហេដ្ឋារចនា​សម្ព័ន្ធ​តាម​ព្រំដែន។ ការ​ចាប់​ខ្លួន​ប្រធាន​ក្រុមហ៊ុន​ផាក​កាហ្វេ ដែល​ត្រូវ​បាន​អាជ្ញាធរ​មានសមត្ថកិច្ច​ចាប់ខ្លួន​ពីបទ​ឆបោក​ប្រាក់​រាប់លាន​ដុល្លារ។ ការ​ឆ្លងរាលដាល​ជំងឺ​អុតស្វា Mpox ដែល​កំពុង​ក្លាយ​ជា​ក្តី​បារម្ភ​របស់​ពិភពលោក។ ការចាក់​បញ្ចាំង​ភាពយន្ត​ឯកសារ​ខ្នាត​ខ្លី​ចំនួន ១២ របស់​និស្សិត​ផ្នែក​ប្រព័ន្ធ​ផ្សព្វ​ផ្សាយ​នៃ​សាកលវិទ្យាល័យ​ភូមិន្ទ។

ការ​គ្រប់​គ្រង​អំណាច​របស់​លោក​ហ៊ុន ម៉ាណែត​ចូល​ដល់​ខួប​គម្រប់​មួយ​ឆ្នាំ។ ​អ្នកតាមដាន​បាន​បង្ហាញ​ការ​វាយ​តម្លៃ​នៃ​ការ​ដឹកនាំ​របស់​ លោក ​ហ៊ុន ម៉ាណែត​ ក្រោយ​មួយ​ឆ្នាំ​នៃ​ការ​ឡើង​មក​បន្ត​តំណែង​ជា​នាយក​រដ្ឋមន្ត្រី​ថ្មី​របស់​កម្ពុជា​បន្ត​ពី​ឪពុក​របស់​លោក​គឺ​លោក​ហ៊ុន​ សែន។ លោក ហ៊ុល រស្មី រាយការណ៍​ពី​រាជធានី​ភ្នំពេញ៕

ឆ្នាំ​នេះ​ ពិធី​បុណ្យ​អុំទូក​អាស៊ីអាគ្មេយ៍​ដែល​ខ្មែរ​ផ្តួចផ្តើម​កាលពី​២៧​ឆ្នាំ​មុខ​នៅ​ទីក្រុង ​Lowell​ រដ្ឋ​Massachusetts ​ មាន​អ្នក​ចូលរួម​ច្រើនឡើង​ ប្រហាក់​ប្រហែល​មុន​ពេល​មាន​ការ​រាតត្បាត​ដោយ​ជំងឺ​កូវីដ១៩។ ​លោក ​ពិន ស៊ីសុវណ្ណ​រាយ​ការណ៍​ពី​ទីក្រុង​ Lowell រដ្ឋ​ Massachusetts​ដូច​ត​ទៅ៖

សកម្មជន​សហគមន៍​ខ្មែរ​អាមេរិកាំង​នៅទីក្រុង​ Lowell និង​ទីក្រុង​ជិតខាង ព្រមទាំង​មកពីរដ្ឋ​មួយ​ចំនួន​ទៀត បាន​មកជួប​ជុំគ្នា​នៅ​សួន​ប៉ៃលិនក្នុង​ទី​ក្រុង ដែល​មាន​ជនជាតិខ្មែរ​រស់​នៅ​ប្រមាណ​ជាង​៣ម៉ឺ​ននាក់។​ ពួកគាត់ធ្វើ​បាតុកម្ម​ប្រឆាំង​គម្រោងអភិវឌ្ឍន៍​តំបន់​ត្រីកោណ​ កម្ពុជា ឡាវ និង​វៀតណាម​ (CLV) ដែល​មាន ប្រទេស​ទាំង​៣​ដាក់​ខេត្ត​ចំនួន​១៣​សម្រាប់​ការ​អភិវឌ្ឍន៍ ហើយក្នុង​នោះ​ប្រទេស​កម្ពុជា​ដាក់​ខេត្ត​រតនគិរី​ មណ្ឌល​គិរី​ ក្រចេះ ​និង​ស្ទឹងត្រែង​ចូល​ផង​ដែរ។ មានមតិ​ជា​ច្រើន​បង្ហាញ​ការ​ព្រួយ​បានរម្ភណ៍​ថា ​ក្នុង​ពេល​អនាគត​ ប្រទេស​កម្ពុជា​អាច​បាត់​បង់​ខេត្ត​ទាំង​៤​នេះ​ទៅ​ប្រទេស​វៀតណាម។ រដ្ឋាភិបាល​បាន​ប្រកាសថា គម្រោងនេះគឺ​ដើម្បី​កិច្ចសហ​ប្រតិបត្តិការ​សេដ្ឋ​កិច្ច និង​វប្បធម៌ ក្រោម​អធិបតេយ្យភាព​ប្រទេស​រៀងៗខ្លួន និង​គ្មាន​ហានិភ័យ​ចំពោះ​ការបាត់បង់​ទឹកដី​នោះ​ទេ។ គម្រោង​អភិវឌ្ឍន៍​តំបន់​ត្រីកោណ​ CLV ​ត្រូវ​បាន​បង្កើត​ឡើង​ក្នុង​ឆ្នាំ​១៩៩៩។ ​លោក​ពិន ស៊ីសុវណ្ណ រាយ​ការណ៍​ពី​ទីក្រុងLowell រដ្ឋ​ Massacgusetts  ដូច​តទៅ៖

លោកស្រី គីម ស៊ីថាណារី គឺជាយុវតីកុម្ម៉ង់ដូវ័យ១៩ឆ្នាំ ដែលស្ថិតក្នុងវីដេអូរបស់អ្នកសារព័ត៌មានបរទេសមួយដែលបានសម្ភាសន៍លោកស្រីក្នុងអំឡុងការហ្វឹកហាត់ត្រៀមការពារប្រទេស កាលពីឆ្នាំ១៩៧០។ បច្ចុប្បន្នលោកស្រីរស់នៅក្នុងរដ្ឋម៉ារីឡែន សហរដ្ឋអាមេរិក។ នៅខែសីហា ឆ្នាំ២០២៤នេះ លោកស្រីស៊ីថាណារី ដែលមានអាយុ៧៤ឆ្នាំ បានមកលេងស្រុកកំណើត ស្របពេលដែលវីដេអូនៃការសម្ភាសន៍បង្ហាញអំពីការប្តេជ្ញាចិត្តរបស់លោកស្រីក្នុងការប្រយុទ្ធជាមួយជនឈ្លានពានដើម្បីការពារប្រទេសត្រូវបានចែកចាយលើបណ្តាញសង្គម។ អ្នកនាង កាន់ វិច្ឆិកា នៃវីអូអេ បានសម្ភាសន៍លោកស្រី ស៊ីថាណារី នៅរាជធានីភ្នំពេញ អំពីការហ្វឹកហាត់ក្នុងកងកុម្ម៉ង់ដូ និងដំណើរជីវិតរបស់លោកស្រីបន្ទាប់ពីចាកចេញពីកម្ពុជានាទសវត្សរ៍ទី៧០។ សូមលោកអ្នកនាងស្តាប់បទសម្ភាសន៍នេះទាំងស្រុងដូចតទៅ៕

គម្រោង​អភិវឌ្ឍន៍​តំបន់​ត្រីកោណ​ត្រូវ​បាន​បង្កើត​ឡើង​នៅ​ក្នុង​ឆ្នាំ​១៩៩៩ ​ដោយ​រដ្ឋាភិបាល​ប្រទេស​ចំនួន​បី​ គឺ​កម្ពុជា​ ឡាវ​ និង​វៀតណាម ​បាន​ឯកភាព​គ្នា​ក្នុង​ការ​ដាក់​ខេត្ត​ចំនួន​១៣​រួមគ្នា​ដើម្បី​អភិវឌ្ឍន៍។​ កម្ពុជា​មាន​ខេត្ត​ចំនួន​បួន​ គឺ​រតនគិរី ​មណ្ឌលគិរី ​ក្រចេះ ​និង​ស្ទឹងត្រែង​ ដែល​ត្រូវ​បាន​ដាក់​បញ្ចូល​ក្នុង​តំបន់​ត្រីកោណ​អភិវឌ្ឍន៍​នេះ។ ​រដ្ឋាភិបាល​កម្ពុជា​អះអាង​ថា​ តំបន់​ត្រីកោណ​អភិវឌ្ឍន៍​ជា​ប្រភព​នៃ​សក្តានុពល​សេដ្ឋកិច្ច ​ទេស​ចរណ៍ ​និង​វប្បធម៌ ខណៈ​ដែល​ពលរដ្ឋ​ខ្មែរ​ខ្លះទាមទារ​ឲ្យ​កម្ពុជា​ដកខ្លួន​ពី​គម្រោង​នេះ។ អ្នកស្រី កាន់ វិច្ឆិកា រាយការណ៍​ឲ្យ​ VOA ពី​រាជធានី​ភ្នំពេញ៕

«រាត្រី​កម្សាន្តក្រៅ​ផ្ទះ​ថ្នាក់​ជាតិ»​ដែល​ជា​កម្មវិធី​ធ្វើ​ឱ្យ​សន្តិសុខ​កាន់​តែ​ប្រសើរ​ឡើង​មាន​អ្នក​ចូលរួម​អបអរ​ដែល​ភាគ​ច្រើន​ជា​ជនជាតិខ្មែរ ​ដែល​សាទរថា ​ កម្មវិធី​នេះ​មាន​គោល​បំណង​ពង្រឹង​សន្តិសុខ​ផងនិង​ថែមទាំង​ណែនាំ​អំពី​សេវា​ផ្សេងៗ​សម្រាប់​សហគមន៍​ដែរ។​ លោក​ ពិន ស៊ីសុវណ្ណរាយ​ការណ៍​ពី​ទី​ក្រុង​ Lowell ​រដ្ឋ ​ Massachusetts ដូច​ត​ទៅ៖

ពលរដ្ឋ​មួយ​ចំនួន​នៅ​ក្រៅ​ប្រទេស​តវ៉ាជំទាស់​នឹង​គម្រោង​កិច្ចសហប្រតិបត្តិការ​នៃតំបន់​ត្រីកោណ​អភិវឌ្ឍន៍​រួម (CLV) កាលពីថ្ងៃអាទិត្យ ដោយ​ទាមទារ​ឲ្យរដ្ឋាភិបាល​កម្ពុជា​លុបចោល​គម្រោង​បញ្ចូល​ខេត្ត​ទាំង៤ របស់​កម្ពុជា ទៅ​ក្នុង​គម្រោង​ដែល​មាន​ប្រទេស​វៀតណាម និ​ងឡាវចូលរួម។ ពួកគេ​បង្ហាញ​ក្តី​ព្រួយបារម្ភថា កម្ពុជា​នឹងបាត់បង់​ទឹកដី​ទៅ​ប្រទេសវៀតណាម​ទៅ​ថ្ងៃអនាគត។ កាល​ពី​ពេលថ្មីៗ​នេះ រដ្ឋមន្រ្តីក្រសួង​ពាណិជ្ជកម្ម អ្នកស្រី ចម និម្មល បាន​បញ្ជាក់ថា កិច្ច​ព្រមព្រៀងCLVនេះជា«​ការបន្ថែម​អត្ថប្រយោជន៍» និង​«ទាញ​យក​ប្រសិទ្ធភាព​នៃការតភ្ជាប់គ្នា»។ តំបន់​អភិវឌ្ឍន៍​ត្រីកោណ​ត្រូវ​បានបង្កើត​ឡើង​នៅក្នុងឆ្នាំ១៩៩៩ ដោយ​រដ្ឋាភិបាល​ប្រទេសបី គឺ​កម្ពុជា ឡាវ និងវៀតណាម ដែល​បាន​ឯកភាពគ្នា​ក្នុងការ​ដាក់​ខេត្តចំនួន១៣ រួមគ្នា ដើម្បី​អភិវឌ្ឍ។ កម្ពុជា​មានខេត្ត​ចំនួន​បួន គឺ​រតនគិរី មណ្ឌលគិរី ក្រចេះ និងស្ទឹងត្រែង ដែល​ត្រូវ​បាន​ដាក់បញ្ចូល​ក្នុង​តំបន់​ត្រីកោណ​អភិវឌ្ឍន៍​នេះ។ រដ្ឋាភិបាល​កម្ពុជា​អះអាង​ថា​តំបន់​ត្រីកោណ​អភិវឌ្ឍន៍​ជា​ប្រភព​នៃ​សក្តានុពល សេដ្ឋកិច្ច ទេសចរណ៍ និង​វប្បធម៌។ លោក ស៊ុន ណារិន រាយការណ៍ឲ្យវីអូអេពីរាជធានីភ្នំពេញដូចតទៅ៖

កាល​ពី​ព្រឹក​ថ្ងៃ​សុក្រ ​តុលាការ​កំពូល​បាន​សម្រេច​តម្កល់​សាលក្រម​របស់​សាលា​ដំបូង​ដែល​ផ្តន្ទា​ទោស​អនុ​ប្រធាន​គណបក្ស​ភ្លើងទៀន​ លោក​ ថាច់ ​សេដ្ឋា​ ពី​បទ​ញុះញង់​ឱ្យ​ជាប់​ពន្ធនាគារ​រយៈ​ពេល​៣​ឆ្នាំ ​ទាក់ទង​នឹង​ការ​អត្ថាធិប្បាយ​របស់​លោក​រឿង​ប្រវត្តិ​របស់​គណបក្ស​ប្រជាជន​កម្ពុជា​ នៅ​ក្នុង​ប្រទេស​កូរ៉េ​ខាងត្បូង​ កាល​ពី​ឆ្នាំ​មុន។ លោក​ ស៊ុន ណារិន ​រាយ​ការណ៍​ឱ្យ​វីអូអេ​ពី​រាជធានី​ភ្នំពេញ​ដូច​ត​ទៅ៖

រដ្ឋាភិបាលកម្ពុជាបានពន្លឿនបើកការដ្ឋានសាងសង់ព្រែកជីកហ្វូណនមួយនេះ នៅថ្ងៃទី៥ ខែសីហា ដែលជាខួបកំណើតរបស់អតីតនាយករដ្ឋមន្រ្តី លោក ហ៊ុន សែន បើទោះមានការព្រួយបារម្ភពីភាគីវៀតណាមអំពីផលប៉ះពាល់លើទន្លេមេគង្គ និងឥទ្ធិពលរបស់ចិនលើការប្រើប្រាស់ផ្លូវទឹកមួយនេះ។ ព្រែកជីកដែលមានតម្លៃប្រមាណ១៧០០លានដុល្លារអាមេរិក និងមានប្រវែង១៨០គីឡូម៉ែត្រ នឹងចាប់ផ្តើមពីព្រែកតាកែវនៃទន្លេមេគង្គ ក្នុងតំបន់កំពង់ផែស្វយ័តស្រុកកៀនស្វាយ និងបន្តរហូតដល់ឆ្នេរអង្កោល ក្នុងខេត្តកែប។ លោក ​ស៊ឹម ចាន់សំណាង​ រាយ​ការណ៍​ឱ្យ​វីអូអេ​ពី​ស្រុក​កៀន​ស្វាយ ខេត្ត​កណ្តាល​ដូច​ត​ទៅ៖