នៅ​ព្រឹក​ថ្ងៃទី៥ ខែ​សីហានេះ រដ្ឋាភិបាល​កម្ពុជា​បាន​បើក​ការដ្ឋាន​ចាប់ផ្តើម​សាងសង់​ព្រែក​ជីក​ហ្វូណន​យ៉ាង​អធិកអធម ក្នុង​ស្រុក​កៀនស្វាយ ខេត្តកណ្តាល ដែល​ជា​ចំណុច​ផ្តើម​នៃ​ការ​ជីក​ព្រែក ដើម្បី​ឲ្យ​ទឹក​ហូរ​កាត់​ពី​ទន្លេ​មេគង្គ។ ព្រែក​ជីក​ដែល​មាន​តម្លៃ​ប្រមាណ ១៧០០​លាន​ដុល្លារ​អាមេរិក ​និង​មាន​ប្រវែង ១៨០គីឡូម៉ែត្រ នឹង​ចាប់ផ្តើម​ពី​ព្រែក​តាកែវ​នៃ​ទន្លេមេគង្គ ក្នុង​តំបន់​កំពង់ផែ​ស្វយ័ត​ស្រុក​កៀនស្វាយ និង​បន្ត​រហូត​ដល់​ឆ្នេរ​អង្កោល ក្នុង​ខេត្ត​កែប។ លោក ស៊ុន ណារិន និង​លោក ស៊ឹម ចាន់សំណាង រាយការណ៍​ឲ្យ​វីអូអេ​ពី​ស្រុក​កៀនស្វាយ ខេត្តកណ្តល​ដូចតទៅ៖

នៅ​មុន​ថ្ងៃ​ពិធី​បើក​ការដ្ឋាន​សាងសង់​ព្រែក​ជីក​ហ្វូណន រដ្ឋាភិបាល​កម្ពុជា​បានត្រៀមរៀប​ចំ​ពិធីនេះ​យ៉ាងអធិកអធម ដោយ​ក្នុងនោះ​ក៏មានការអនុញ្ញាត​ឲ្យមន្រ្តី​រាជការ សិស្សានុសិស្ស បុគ្គលិក និង​កម្មករ​ក្នុងវិស័យឯកជន​ឈប់​សម្រាក​ផងដែរ។ លោក ស៊ុន ណារិន រាយការណ៍​ឲ្យ​វីអូអេ​ពី​រាជធានី​ភ្នំពេញ​ដូច​តទៅ៖

បណ្ឌិត្យ​សភា​កែម ឡី ​ដើម្បី​សេរី​ភាព​ត្រូវ​បាន​បង្កើត​ឡើង​នៅ​វត្ត​ភ្នំសេរី​នៅ​ទីក្រុង​ Ayer ​រដ្ឋ ​Massachusetts ​ដើម្បី​បណ្តុះ​បណ្តាល​គំនិត​និង​សម្តី​មាស​របស់​លោក​ ហើយ​ក៏ជា​កិត្តិយ​ស និង​ជា​ការ​ដឹង​គុណ​ដល់​រូប​លោក។ ​ ​ពិធី​កាលពី​ថ្ងៃ​អាទិត្យ​នោះ​ក៏​រួម​មាន​បុណ្យ​ទក្ខិណានុប្បទាន​គម្រប់​ខួប​៨​ឆ្នាំ​នៃ​ឃាតកម្ម​បាញ់​ប្រហារ​លោក​ទាំង​ព្រឹក​នៅ​រាជធានី​ភ្នំពេញ​ផង​ដែរ។

លោក អ៊ុក វណ្ណដេ បានបង្កើតសាលាច្នៃពីដើមដូង និងសាលាច្នៃពីសំរាម​ដើម្បី​ផ្តល់​ការ​អប់រំ​ថ្នាក់​បឋមសិក្សា​ទៅកាន់​ក្មេង​ក្រីក្រជិត ២០០នាក់។ បច្ចុប្បន្ន លោកក៏កំពុង​ធ្វើគម្រោង «បណ្ណាល័យ​ចល័ត​» ដើម្បី​លើកកម្ពស់​ទម្លាប់​អាន​និងការចែករំលែក​ចំណោះដឹង​នៅ​គ្រប់​ខេត្តក្រុង​ក្នុងប្រទេស​កម្ពុជា​ផងដែរ។ កាល​ពីពេល​ថ្មីៗនេះ​ លោក អ៊ុក វណ្ណដេ បាន​ធ្វើដំណើរ​មក​សហរដ្ឋ​អាមេរិក ដើម្បី​រៀបចំផែនការណ៍​នាំ​កូន​សិស្សខ្មែរ​មកធ្វើ​ទស្សនកិច្ចនៅ​ប្រទេសអាមេរិកនេះ។ លោក ចាប ចិត្រា នៃ VOA បាន​ជួប​សម្ភាសន៍​ លោក លោក អ៊ុក វណ្ណដេ នៅ​ទីក្រុង Long Beach រដ្ឋ​ California អំពី​បេសកកម្មនៅអាមេរិក និង​កិច្ចការ​ទាក់ទងនឹង​សាលាសំរាម​និងបណ្ណាល័យ​ចល័ត​របស់លោក។ សូម​លោក​អ្នក​នាង​ស្ដាប់​និងទស្សនាកិច្ច​សម្ភាសន៍ទាំងស្រុងដូច​ត​ទៅ៖

ខណៈពេល​ដែល​ពិភពលោក​មាន​ការស្ញប់ស្ញែង​យ៉ាងខ្លាំង​ចំពោះ​បច្ចេកវិទ្យា​ឌីជីថល​ទំនើបៗ​ដូចជា អ៊ីនធឺណិត ឧបករណ៍ចល័តស្មាតហ្វូន ប្រព័ន្ធផ្សព្វផ្សាយសង្គម និងបញ្ញាសិប្បនិមិត្ត AI ប្រធានបទ​សន្តិសុខ​តាមអ៊ីនធឺណិត ដែល​ភាសាខ្មែរ​ហៅថា ​សន្តិសុខ​សាយប័រ ហើយ​ភាសា​អង់គ្លេស​ហៅថា Cybersecurity កំពុង​មាន​សារៈសំខាន់​កាន់តែ​ខ្លាំង​ឡើង។ ថ្មីនេះៗ លោក ចាប ចិត្រា នៃ VOA បានអញ្ជើញ អ្នក​ជំនាញ​ខ្មែរ​ លោក សុខ សុវិជ្ជា​ ដែល​បច្ចុប្បន្ន​ជា​វិស្វករ​ផ្នែក​សន្តិសុខ​សាយប័រ និងជានិស្សិត​អនុបណ្ឌិតផ្នែក​សន្តិសុខសាយប័រ​នៅ​សាកលវិទ្យាល័យ Harvard មក​ផ្តល់​បទ​សម្ភាសន៍​ ហើយ​ចែករំលែកពី​ចំណេះដឹង និង​បទពិសោធន៍​ការងារក្នុង​វិស័យសន្តិសុខសាយប័រ​ដ៏សំខាន់​នេះ។ សូមលោក​អ្នកនាង​ស្តាប់​បទសម្ភាសន៍នេះ​ទាំងស្រុង​ដូច​តទៅ៖

កាល​ពី​ខែឧសភា អង្គការ​អ្នកកាសែត​គ្មានព្រំដែន (Reporters Without Borders) ដែល​ជា​អង្គការ​ឃ្លាំមើល​ប្រព័ន្ធផ្សព្វផ្សាយ​នៅ​លើ​ពិភពលោក​បាន​ចេញ​ផ្សាយ​របាយការណ៍​ស្តីពី​សន្ទទស្សន៍​សេរីភាព​សារព័ត៌មាន។ កម្ពុជា​ស្ថិត​នៅ​លំដាប់​លេខ​រៀង​ទី១៥១ក្នុង​ចំណោម១៨០ប្រទេស ដែល​មាន​ន័យថា​សេរីភាព​សារព័ត៌មាន​បន្ត​ស្ថិត​ក្នុង​ស្ថានភាព​អាក្រក់ ដោយសារ​ការកើនឡើង​នៃ​ការ​ធ្វើ​ទុក្ខ​បុក​ម្នេញ​របស់​រដ្ឋាភិបាល​លើ​ប្រព័ន្ធ​ផ្សព្វផ្សាយ​ឯករាជ្យ។ ខណៈ​សារព័ត៌មាន​ឯករាជ្យ​មាន​តិចតួច​ប៉ុណ្ណោះ​នៅ​កម្ពុជា លោក ណុប វី នាយក​ប្រតិបត្តិ​នៃ​សមាគម​សម្ព័ន្ធ​អ្នកសារព័ត៌មាន​កម្ពុជា ហៅ​កាត់​ថា​ខេមបូចា បាន​ជំរុញ​ប្រទេស​ម្ចាស់​ជំនួយ ក៏​ដូចជា​រដ្ឋាភិបាល​អាមេរិក​យក​ចិត្តទុក​ដាក់​បន្ថែម​ទៀត​លើ​សារព័ត៌​មាន​ឯករាជ្យ​នៅ​កម្ពុជា។ សូម​លោកអ្នកនាង​ស្តាប់​និងទស្សនា​បទសម្ភាសន៍​រវាង​លោក ស៊ុន ណារិន នៃវីអូអេ​ជាមួយ​លោក ណុប វី ដូចតទៅ៖

មហោស្រព​តន្ត្រី​និងវប្បធម៌​អាស៊ីអាគ្នេយ៍ Sabaidee Fest ដែល​បាន​ប្រារព្ធ​ធ្វើ​ឡើង​ជាលើកទី២​ កាលពីថ្ងៃទី១៤ដល់ទី១៦​ ខែមិថុនា នៅក្នុងទីក្រុង Chino រដ្ឋ California ​មាន​ការអញ្ជើញ​តារា​ចម្រៀងរ៉េប​និងហ៊ីបហប់ ជាង ៥០នាក់ មកប្រទេស​កម្ពុជា ឡាវ ថៃ និងអាមេរិក។ ខណៈពេល​ដែលមាន​វត្តមាន​សិល្បករខ្មែរ​មកពីកម្ពុជា គឺលោក វណ្ណដា និងលោក វណ្ណថាន មហោស្រព​តន្ត្រី​និងវប្បធម៌​នេះ ក៏មានការសម្តែង​របស់សិល្បករខ្មែរ​អាមេរិកាំង​ដែល​រស់​នៅ​ក្នុង​សហរដ្ឋ​អាមេរិក​ផងដែរ។ មុនពេល​ឡើងសម្តែងលើឆាក សិល្បករ​ខ្មែរ​អាមេរិកាំង​ម្នាក់​គឺលោក Jay Chan បាន​ផ្តល់បទសម្ភាសន៍​ដល់​លោក ចាប ចិត្រា នៃ VOA អំពី​ការយល់ឃើញរបស់លោកចំពោះឥទ្ធិពល​វិជ្ជមាន​នៃតន្ត្រីលើ​សាមគ្គីភាព​រវាង​ជាតិសាសន៍ និង​វប្បធម៌​ផ្សេងៗគ្នា។ លោក Jay Chan និយាយថា «ឲ្យ​តែ​មាន​បទចម្រៀង​គឺ​អាច​រួបរួម គឺ​អាច​នាំ​គ្នា​មក​សប្បាយ​ទាំងអស់​គ្នា»។ សូម​លោក​អ្នក​នាង​ស្តាប់​និងទស្សនាបទសម្ភាសន៍​នេះ​ទាំង​ស្រុង​ដូច​តទៅ៖

ក្រុមហ៊ុន​បារមី​ដែល​គ្រប់គ្រង​តារ៉ាចម្រៀង​រ៉េប​និង​ហ៊ីបហប់​លំដាក់​កំពូល​របស់​កម្ពុជាគឺ លោក វណ្ណដា និង លោក វណ្ណថាន បាន​នាំ​សិល្បករ​ទាំងពីរ​រូប​នេះ មក​ចូលរួម​សម្តែង​ក្នុង​នាម​ជា​តារ៉ាចម្រៀង​ចម្បង​ប្រចាំ​កម្មវិធី នៅ​ឯ​មហោស្រព​តន្ត្រី​និង​វប្បធម៌​អាស៊ីអាគ្នេយ៍ Sabaidee Fest កាល​ពី​ថ្ងៃទី១៤ដល់ទី១៦ ខែមិថុនា ក្នុងទីក្រុង Chino រដ្ឋ California សហរដ្ឋអាមេរិក។ លោក ចាប ចិត្រា និងកញ្ញា ទុំ ម្លិះ នៃ VOA បាន​ចុះ​ទៅ​សម្ភាសន៍​ថ្នាក់​ដឹកនាំ​ក្រុមហ៊ុន​បារមីគឺ កញ្ញា ឡរ៉ា ម៉ម នាយិកា​ប្រតិបត្តិ និង​លោក អែនឌ្រូ ម៉ម ប្រធាន​ផ្នែក​ទីផ្សារ អំពី​ដំណើរ​មក​សម្តែង​នៅ​សហរដ្ឋអាមេរិក​របស់​ លោក វណ្ណដា និង លោក វណ្ណថាន និង​អំពី​ភាគជឿនលឿន​នៃ​វិស័យ​តន្ត្រី​នៅ​ក្នុង​ប្រទេស​កម្ពុជា។ សូម​លោក​អ្នក​នាង​ស្តាប់និងទស្សា​បទ​សម្ភាសន៍​នេះ​ទាំងស្រុង​ដូចតទៅ៖

ចំណេះដឹងខាងកុលាលភាជន៍ត្រូវបានកែច្នៃនិងអភិវឌ្ឍជាផលិតកម្មលក្ខណៈឧស្សាហកម្ម ប៉ុន្តែតម្លៃនិងព្រលឹងសិល្បៈនៃកុលាលភាជន៍ធ្វើដោយដៃនិងដុតដោយឡឱសនៅតែមានតម្លៃជាអមតៈ។ ខ្មែរអាមេរិកាំងម្នាក់គឺលោក យ៉ារី លីវ៉ាន់ កំពុងខិតខំប្រឹងប្រែងរក្សាសិល្បៈនេះនិងផ្ទេរចំណេះដឹងដល់មនុស្សជំនាន់ក្រោយ។ លោកមានស្នាដៃមួយចំនួននៅសហរដ្ឋអាមេរិក។ លោក ពិន ស៊ីសុវណ្ណ បានសម្ភាសន៍លោកអំពីស្នាដៃនិងជីវិតរបស់លោក ក្នុងនាមជាជនភៀសខ្លួននៅសហរដ្ឋអាមេរិក៕

មហោស្រព​តន្ត្រី​និងវប្បធម៌​អាស៊ីអាគ្នេយ៍ Sabaidee Fest ដែល​បាន​ប្រារព្ធ​ធ្វើ​ឡើង​ជាលើកទី២​ កាលពីថ្ងៃទី១៤ដល់ទី១៦​ ខែមិថុនា នៅក្នុងទីក្រុង Chino រដ្ឋ California ​មាន​ការអញ្ជើញ​តារា​ចម្រៀងរ៉េប​និងហ៊ីបហប់ខ្មែរ​គឺ លោក វណ្ណដា មកសម្តែង​ផងដែរ។ កញ្ញា ទុំ ម្លិះ និងលោក ចាប ចិត្រា នៃ VOA បានរាយការណ៍​ពី​មហោស្រព​នោះ​ផ្ទាល់​ថា វត្តមានរបស់ លោក វណ្ណដា នៅ​សហរដ្ឋ​អាមរិក​ជា​លើក​ទី១​នេះ​ ត្រូវបាន​គេ​ចាត់​ទុក​ថា ជា​ការ​ដាក់បង្ហាញ​និង​លើក​កម្ពស់​ តន្រ្តី សិល្បៈ និង​ប្រវត្តិសាស្ត្រកម្ពុជា​ដ៏សំខាន់​មួយ៕