បឹងទន្លេសាប ជាបឹងដែលសំបូរត្រីជាងគេក្នុងតំបន់អាស៊ីអាគ្នេយ៍។ បឹងនេះមានត្រីជាង ២០០ប្រភេទ ដែលបានផ្តល់ផលិតផលត្រីជាង ៦០ភាគរយនៃទិន្នផលត្រីទឹកសាបសរុបនៅកម្ពុជា និងផ្តល់មុខរបរដល់ប្រជាពលរដ្ឋជាង ៦លាននាក់។ ប៉ុន្តែក្នុងរយៈពេលប៉ុន្មានឆ្នាំចុងក្រោយនេះ អ្នកនេសាទដែលរស់នៅពឹងផ្អែកលើទិន្នផលត្រីបឹងទន្លេសាប បានត្អូញត្អែរថា ការកើនឡើងនូវការនេសាទខុសច្បាប់ បានធ្វើឱ្យផលត្រីធ្លាក់ចុះខ្លាំង។ អ្នកនាង កាន់ វិច្ឆិកា រាយការណ៍លម្អិតឲ្យវីអូអេពីខេត្តពោធិ៍សាត់៕

ក្នុងរយៈពេល ១៥ ថ្ងៃនៃខែឧសភានេះ យោធាកម្ពុជានិងចិនចាប់ផ្តើមធ្វើសមយុទ្ធរួមគ្នា«នាគមាស»។ នេះជាសមយុទ្ធលើកទី ៦ ហើយ ដែលភាគីទាំងពីរធ្វើរួមគ្នា។ នៅក្នុងសមយុទ្ធឆ្នាំនេះ កម្លាំងកងទ័ពចិនចូលរួមមានប្រមាណ ៧៦០ នាក់។ ចំណែកកម្ពុជាវិញ មានកម្លាំងយោធាប្រមាណ ១.៣០០ នាក់ ចូលរួម។ សមយុទ្ធនេះធ្វើឡើងនៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ ស្រុកសាមគ្គីមានជ័យ ខេត្តកំពង់ឆ្នាំង។ លោក ស៊ុន ណារិន រាយការណ៍លម្អិតឱ្យវីអូអេពីខេត្តកំពង់ឆ្នាំង៕

នា​ព្រឹក​ថ្ងៃ​ព្រហស្បតិ៍​នេះ កម្ពុជា​និង​ចិន ចាប់ផ្តើម​សមយុទ្ធរួមគ្នា «នាគមាស» ដែល​មាន​រយៈពេល ១៥ថ្ងៃ។ នេះ​ជា​សមយុទ្ធ​លើក​ទី៦ ហើយ ដែល​ភាគី​ទាំង​ពីរ​ធ្វើ​រួមគ្នា។ នៅ​ក្នុង​សមយុទ្ធ​ឆ្នាំនេះ កម្លាំង​កងទ័ព​ចិន​ចូលរួម​មាន​ប្រមាណ៧ ៦០នាក់។ ចំណែក​កម្ពុជា​វិញ មាន​កម្លាំ​ងយោធា​ប្រមាណ ១៣០០នាក់​ចូលរួម។ សមយុទ្ធនេះ​ធ្វើ​ឡើង​នៅ​មជ្ឈមណ្ឌល​ហ្វឹកហ្វឺន​កងរាជអាវុធហ​ត្ថភ្នំជុំ​សែន​រីករាយ ស្រុក​សាម​គ្គីមានជ័យ ខេត្ត​កំពង់ឆ្នាំង។ ក្នុង​រយៈពេល ១៥ថ្ងៃនេះ កម្ពុជា​និង​ចិន​ក៏​ធ្វើ​សមយុទ្ធកង​ទ័ពជើង​ទឹក​រួមគ្នា នៅ​ដែន​សមុទ្រ ក្នុង​ខេត្ត​ព្រះសីហនុ​ផងដែរ។ លោក ស៊ុន ណារិន រាយការណ៍ឲ្យវីអូអេពីខេត្តកំពង់ឆ្នាំងដូចតទៅ៖

សកម្មជនបរិស្ថាននៃចលនាមាតាធម្មជាតិ ដែលភាគច្រើនជាយុវជននិងយុវតី បានប្រឈមបញ្ហាជាច្រើនក្នុងកិច្ចប្រឹងប្រែងការពារបរិស្ថាន។ ពួកគេមួយចំនួនត្រូវបានចោទប្រកាន់ពីបទរួមគំនិតក្បត់ ដែលជាការចោទខាងនយោបាយពីបទក្បត់ជាតិ។ អំឡុងទស្សនកិច្ចនៅសហរដ្ឋអាមេរិកតាមការអញ្ជើញរបស់អង្គការ The Right Livelihood ឱ្យមកធ្វើបទបង្ហាញនៅសាកលវិទ្យាល័យ លោក លី ចាន់ដារ៉ាវុធ សកម្មជនចលនាមាតាធម្មជាតិ ក៏បានឆ្លៀតឱកាសជួបសហគមន៍ខ្មែរនៅសហរដ្ឋអាមេរិកផងដែរ ជាពិសេសជាមួយសហគមន៍ខ្មែរនៅទីក្រុង Lowell រដ្ឋ រដ្ឋ Massachusetts។ លោក ពិន ស៊ីសុវណ្ណ នៃវីអូអេ បានសម្ភាសន៍លោក លី ចាន់ដារ៉ាវុធ កាលពីថ្ងៃពុធ ទី៨ ខែមីនាកន្លងទៅអំពីកិច្ចការការពារបរិស្ថានរបស់ក្រុមលោកនៅប្រទេសកម្ពុជា៕

ខណៈ​បច្ចេកវិទ្យា​បញ្ញាសិប្បនិម្មិត​ដែល​ចេះនិពន្ធ ឬ generative AI ​ដូចជា​ ChatGPT កំពុង​កើនឡើង​ប្រជាប្រិយភាព​យ៉ាង​ឆាប់រហ័ស បច្ចេកវិទ្យា​ទាំងនេះ​កំពុង​ចាប់ផ្តើម​កែប្រែ​អនាគត​នៃ​ទីផ្សារ​ការងារ។ អ្នកខ្លះ​ភ័យ​ខ្លាច​ពី​ចំនួន​អ្នក​អត់ការងារ​ធ្វើ​ទ្រង់ទ្រាយ​ធំ ប៉ុន្តែ​អ្នកដទៃ​ទៀត​ឃើញ​ពី​អនាគត​ដ៏​ត្រចះត្រចង់​សម្រាប់​កិច្ចសហប្រតិបត្តិការ​រវាង​មនុស្ស​និង​បច្ចេកវិទ្យា​បញ្ញា​សិប្បនិម្មិត AI។ លោក Maxim Adams រាយការណ៍​អំពីរឿងនេះ។ អ្នកនាង ស្រេង លក្ខិណា ជូនសេចក្តី​ប្រែសម្រួល។

អតីត​ជនភៀស​ខ្លួន​ខ្មែរ​ដែល​បាន​ជាប់​ឆ្នោត​ដំបូង​គេ​ធ្វើ​ជា​សមាជិក​ក្រុម​ប្រឹក្សា​ក្រុង​នៅ​ស.រ.អ.​បាន​ចូល​និវត្តន៍​ពី​ការងារ​មាន​ប្រាក់​ចំណូល​ មក​ផ្តោតលើ​ការងារ​ស្ម័គ្រ​ចិត្ត​ដែល​លោក​នឹង​បន្ត​ទទួល​បាន​កិត្តិយសការ​កោត​សរសើរ​ជា​ជាង​ប្រាក់​ខែ។ ​តើ​លោក​ជា​អ្នកណា? លោក​ពិន ស៊ីសុវណ្ណ​ជូន​សេចក្តី​រាយ​ការណ៍​ពី​ទីក្រុង​ Lowell ​រដ្ឋ ​Massachusetts​ ដូច​ត​ទៅ៖

របាយការណ៍ថ្មីមួយរបស់ក្រសួងព័ត៌មានបង្ហាញថាសេរីភាពសារព័ត៌មាននៅកម្ពុជាមានលក្ខណៈល្អប្រសើរជាងមុន ក៏ប៉ុន្តែនៅក្នុងការប្រារព្ធទិវាសេរីភាពសារព័ត៌មានពិភពលោកលើកទី៣១ សមាគមការពារវិជ្ជាជីវៈសារព័ត៌មាន និងអ្នកកាសែតមួយចំនួន លើកឡើងថា អាជីពមួយនេះនៅបន្តរងការយាយី និងការរឹតត្បិតដដែល។ លោក ហ៊ុល រស្មី រាយការណ៍លម្អិតឱ្យវីអូអេពីរាជធានីភ្នំពេញ៕

នាថ្ងៃទិវាពលកម្មអន្តរជាតិ១ឧសភានេះ ក្រុមសហជីព និងអ្នកធ្វើការលើផ្នែកសេដ្ឋកិច្ចក្នុងប្រព័ន្ធនិងក្រៅប្រព័ន្ធរាប់រយនាក់បានប្រមូលផ្តុំគ្នានៅខាងមុខក្រសួងការងារ ដើម្បីដាក់ញត្តិ ដោយពួកគេទាមទារសិទ្ធិសេរីភាពជាមូលដ្ឋានរបស់សហជីព និងស្នើពន្លឿនសំណើដែលពួកគេបានដាក់ទៅក្រសួងការងារកាលពីកន្លងទៅ។ លោក ស៊ុន ណារិន រាយការណ៍ឲ្យវីអូអេពីរាជធានីភ្នំពេញ៕

ថ្ងៃទី១៧ ខែមេសា បានក្លាយជាថ្ងៃដែលនាំមកនូវសោកនាដកម្មដល់ប្រជាពលរដ្ឋខ្មែរនៅក្នុងប្រទេសកម្ពុជានាឆ្នាំ ១៩៧៥ គ្រាដែលពួកខ្មែរក្រហមបានក្តោបក្តាប់ប្រទេស។ ក៏ប៉ុន្តែ ៤៩ ឆ្នាំក្រោយរបបប្រល័យពូជសាសន៍នេះបានដួលរលំផុតទៅ សហគមន៍ខ្មែរនៅទីក្រុងឈីកាហ្គូ (Chicago) រដ្ឋអ៊ីល្លីណយ សហរដ្ឋអាមេរិក បានប្រើប្រាស់ថ្ងៃនេះដើម្បីជាឱកាសរំឭកវិញ្ញាណក្ខន្ធនិងផ្តល់កិត្តិយសដល់ជនរងគ្រោះនិងអប់រំដល់មនុស្សជំនាន់ក្រោយ ជាពិសេសដើម្បីបង្កើនសាមគ្គីភាពនិងការប្តេជ្ញាចិត្តរបស់សហគមន៍ខ្មែរអាមេរិកាំងនៅក្នុងការផ្សះផ្សារនិងស្ថាបនាសហគមន៍ឱ្យកាន់តែរឹងមាំ។ អ្នកនាង នីណា យេង នៃវីអូអេ រាយការណ៍លម្អិតពីសារមន្ទីរអនុស្សរណដ្ឋានខ្មែរ នៅទីក្រុងឈីកាហ្គូ ដូចតទៅ៕

អំឡុងពិធីបុណ្យចូលឆ្នាំ ជនជាតិខ្មែរតែងតែធ្វើបុណ្យបញ្ជូនកុសលដល់សាច់ញាតិ ដែលបានចែកឋានទៅហើយ ជាពិសេសអ្នកដែលបានស្លាប់ក្នុងសម័យខ្មែរក្រហម។ ក្រៅពីធ្វើបុណ្យបញ្ជូនកុសលដល់សាច់ញាត្តិ ពួកគាត់ក៏បញ្ជូនកុសលដល់អ្នកស្គាល់គ្នាផងដែរ។ លោក ពិន ស៊ីសុវណ្ណ នៃវីអូអេ រាយការណ៍លម្អិតពីទីក្រុង Lowell រដ្ឋ Massachusetts៕