បន្ទាប់ពីគម្រោង CAPFish Capture ត្រូវបានអនុវត្តរយ:ពេល ៤ ឆ្នាំ ក្រោមជំនួយហិរញ្ញវត្ថុពីសហភាពអឺរ៉ុប ក្នុងគោលបំណងពង្រឹងសុវត្ថិភាពស្បៀងនិងកាត់បន្ថយភាពក្រីក្រ ម្ចាស់សិប្បកម្មកែច្នៃត្រីមួយចំនួន ដែលចូលរួមក្នុងគម្រោងមួយនេះ មានឱកាសនៅក្នុងការធ្វើឱ្យទីកន្លែងផលិតកម្មរបស់ពួកគេ មានគុណភាពនិងស្តង់ដាស្របតាមវិធាននិមិត្តសញ្ញាបញ្ជាក់គុណភាពផលិតផលកម្ពុជា និងប្រព័ន្ធ «វិភាគគ្រោះថ្នាក់និងចំណុចត្រួតពិនិត្យសំខាន់» ហៅកាត់ថា ហាសាប់ (HACCP)។ លោក ហ៊ុល រស្មី និងលោក ហាន ណូយ រាយការណ៍លម្អិត៕

ខណៈដែល​លោក ហ៊ុន ម៉ាណែត ដឹកនាំគណប្រតិភូ​មក​ថ្លែង​សុន្ទរកថា​ជាលើក​ទីមួយ​ក្នុងនាម​ជានាយក​រដ្ឋមន្ត្រី​កម្ពុជា នៅក្នុងមហាសន្និបាត​អង្គការសហប្រជាជាតិ​លើកទី៧៨ នៅបុរី​ញូវយ៉ក ទាំងអ្នក​គាំទ្រ ទាំងអ្នកប្រឆាំង​ក៏បាននាំគ្នាធ្វើដំណើរ​មកពីរដ្ឋផ្សេងៗ មកទីនេះដែរ។ សម្រាប់ក្រុមអ្នកប្រឆាំង នេះជាឧកាសដើម្បី​បង្ហាញនូវ​ការមិនពេញចិត្ត​ចំពោះរឿងមួយចំនួន​ដែលបានកើតឡើង​ក្នុងប្រទេស​កម្ពុជា រួមមាន​ការបោះឆ្នោត​កាលពីខែកក្តាដា​ឆ្នាំ២០២៣ ដែលគ្មានការចូលរួម​របស់​គណបក្ស​ភ្លើងទៀន និងការធ្លាក់ចុះនៃលទ្ធិប្រជាធិបតេយ្យ​នៅកម្ពុជា។ សម្រាប់ក្រុមអ្នកគាំទ្រ នេះជា​ឱកាស​ស្វែងយល់អំពីទស្សនវិស័យ​របស់លោក​សម្រាប់​ប្រទេស​កម្ពុជា​នៅថ្ងៃអនាគត។ លោក ពិន ស៊ីសុវណ្ណ រាយការណ៍ពី​បុរីញូវយ៉ក​ដូច​តទៅ៖

នាយករដ្ឋមន្ត្រីវ័យក្មេងរបស់កម្ពុជាបានថ្លែងសុន្ទរកថាជាលើកដំបូងទៅកាន់មហាសន្និបាតអង្គការសហប្រជាជាតិ នៅទីក្រុងញូវយ៉ក សហរដ្ឋអាមេរិក ដោយបង្ហាញនិងបញ្ជាក់សាជាថ្មីនូវគោលនយោបាយការបរទេសអព្យាក្រឹតរបស់កម្ពុជា ខណៈមិត្តភាពដែកថែបរវាងកម្ពុជានិងចិនកាន់តែរឹងមាំ គ្រាដែលភាពស្រពិចស្រពិលនៃទំនាក់ទំនងរវាងកម្ពុជានិងបណ្តាប្រទេសលោកខាងលិចនៅតែបន្តកើតមាន ដោយបញ្ហាចាក់ស្រេះនៃការធ្លាក់ចុះនៃការគោរពសិទ្ធិមនុស្សនិងសេរីភាពនយោបាយនៅកម្ពុជា។ អ្នកនាង ទែន សុខស្រីនិត រាយការណ៍លម្អិតឱ្យវីអូអេពីទីក្រុង Chicago រដ្ឋ Illinois។

ជាមួយភាពសកម្មរបស់រដ្ឋាភិបាលអាណត្តិថ្មី ក្នុងការអនុវត្តគោលនយោបាយនិងកិច្ចការកំណែទម្រង់នានាដើម្បីដោះស្រាយបញ្ហាសេដ្ឋកិច្ច និងពង្រឹងកិច្ចការអភិបាលកិច្ចរបស់ខ្លួន ការរឹតត្បិតសេរីភាពនយោបាយ និងការបញ្ចេញមតិចម្រុះដែលមិនប្រកាន់និន្នាការនយោបាយ ឬបក្សបក្ខនិយមនៅតែបន្តកើតមាន ក្រោមរូបភាពស្ងប់ស្ងាត់។ នៅក្នុងកម្មវិធី Hello VOA ស្តីពីអភិបាលកិច្ចល្អ លោក ឱក សេរីសោភក្តិ៍ អ្នកឯកទេសអភិបាលកិច្ច បានលើកឡើងអំពីភាពចាំបាច់នៃការផ្សះផ្សារជាតិនិងនយោបាយ តាមរយៈការដោះលែងមេដឹកនាំនិងសកម្មជននយោបាយរបស់ក្រុមជំទាស់។ លោកថា កិច្ចការមួយនេះ បើសម្រេចបាន មានតែនាំមកនូវផលចំណេញនិងការគាំទ្រដល់រដ្ឋាភិបាលអាណត្តិថ្មី ដែលដឹកនាំដោយលោកនាយករដ្ឋមន្ត្រី ហ៊ុន ម៉ាណែត។ លោកថ្លែងថា៖ « ខ្ញុំគិតថា មតិជាតិនិងមតិអន្តរជាតិមានតែគាំទ្រ ហើយការគាំទ្រនេះហើយដែលនាំឱ្យជោគជ័យដល់កំណែទម្រង់»៕

សកម្មភាព​សិល្បៈ​ខ្មែរ​នៅ​សហរដ្ឋ​អាមេរិកមាន​ការ​ទទួល​ស្គាល់​គួរ​ជា​ទី​មោទនៈ​ ដោយ​មាន​ការ​សម្តែង​នៅ​សេតវិមាន​ សាលា​ក្រុង​ និង​នៅ​សភា​ជាដើម​ តួយ៉ាង​ក្រុម​របាំ​សួគ៌ា​បាន​សម្តែង​សិល្បៈ​នៅ​មជ្ឈមណ្ឌល​សភា​សហរដ្ឋ​អាមេរិកនៅ​រដ្ឋធានី​វ៉ាស៊ីនតោន​ កាល​ពី​ថ្ងៃ​អាទិត្យ ទី​១៧ ខែ​កញ្ញា កន្លង​ទៅ​នេះ។ លោក​ពិន ស៊ីសុវណ្ណ​ រាយ​ការណ៍​ពី​រដ្ឋធានី​វ៉ាស៊ីនតោន​ដូច​ត​ទៅ៖

រមណីដ្ឋានប្រាសាទកោះកេរក្នុងខេត្តព្រះវិហារ ត្រូវបានដាក់បញ្ចូលជាបេតិកភណ្ឌវប្បធម៌ពិភពលោករបស់អង្គការយូណេស្កូ កាលពីថ្ងៃទី១៧ ខែកញ្ញា ឆ្នាំ២០២៣។ រមណីដ្ឋាននេះស្ថិតនៅលើផ្ទៃដីប្រមាណ៨ពាន់ហិកាតា ដែលមានប្រាសាទជាង៧០ ក្នុងនោះមានប្រាសាទធំមួយ ដែលត្រូវបានចាត់ទុកជាពីរ៉ាមីតនៅអាស៊ីអាគេ្នយ៍។ កោះកេរជាអតីតរាជធានីរបស់ខ្មែរក្នុងសតវត្សរ៍ទី១០ ដែលមានអាយុកាលជាង១ពាន់ឆ្នាំមកហើយ ហើយត្រូវបានកសាងដោយព្រះបាទជ័យវរ្ម័នទី៤ នៅពេលផ្លាស់ប្តូររាជធានីពីក្រុងអង្គរមកតំបន់កោះកេរ។ លោក ស៊ុន ណារិន រាយការណ៍ឲ្យវីអូអេពីរាជធានីភ្នំពេញដូចតទៅ៖

ថ្ងៃ​ទីពីរ​នៃកិច្ចប្រជុំ​កំពូលអាស៊ានបានបញ្ចប់​កាល​ពី​ម្សិលមិញ ហើយ​គេមើល​ឃើញថា អាស៊ាន និង​ប្រទេសដៃគូ​ ដូចជា អាមេរិក ចិន ជប៉ុន កូរ៉េខាងត្បូង កាណាដា និងអូស្ត្រាលី បាន​ជួបប្រជុំដើម្បី​ដោះស្រាយ​បញ្ហាគំរាមកំហែង​នានាក្នុងតំបន់ ជាពិសេស​វិបត្តិ​មីយ៉ាន់ម៉ា និង​ជម្លោះ​នៅ​សមុទ្រ​ចិន​ខាង​ត្បូង។ លោក ស៊ុន ណារិន អ្នករាយការណ៍​ព័ត៌មាន​ឲ្យ VOA កំពុង​ស្ថិត នៅ​ក្នុងរដ្ឋធានី​ហ្សាការតា​ ប្រទេស​ឥណ្ឌូណេស៊ី ហើយ​លោក​បានចូល​មក​ពិភាក្សាជាមួយ​ លោក ចាប ចិត្រា នៃ​ VOA អំពើព័ត៌មានសំខាន់ៗ ទាក់ទង​នឹង​កិច្ចប្រជុំកំពូល​ប្រចាំ​តំបន់​អាស៊ីអាគ្នេហ៍​មួយនេះ។

កាលពី​ថ្ងៃ​អង្គារ ក្រុម​មេដឹកនាំបណ្តា​ប្រទេស​អាស៊ាន បាន​ចាប់ផ្តើម​កិច្ចប្រជុំ​កំពូល​ប្រចាំឆ្នាំ​របស់​ខ្លួន​នៅ​រដ្ឋធានី​ហ្សាការតា​ ប្រទេស​ឥណ្ឌូណេស៊ី ដែលមានវត្តមាន​មេដឹកនាំក្នុង​ពិភពលោក​មួយ​ចំនូន​ផងដែរ។ ថ្ងៃដំបូងនៃ​កិច្ចប្រជុំ​កំពូលនេះ បាន​ផ្តោត​ទៅ​លើ​សារៈសំខាន់​នៃ​សាមគ្គីភាព​និង​ការ​រក្សា​សន្តិសុខ​និង​សន្តិភាព​ក្នុង​តំបន់។ លោក ស៊ុន ណារិន អ្នករាយការណ៍​ព័ត៌មាន​ឲ្យ VOA កំពុង​ស្ថិត នៅ​ក្នុងរដ្ឋធានី​ហ្សាការតា​ ហើយ​លោក​បានចូល​មក​ពិភាក្សាជាមួយ​ លោក ចាប ចិត្រា នៃ​ VOA អំពើព័ត៌មានសំខាន់ៗ ទាក់ទង​នឹង​កិច្ចប្រជុំកំពូល​ប្រចាំ​តំបន់អាស៊ីអាគ្នេហ៍មួយនេះ។

លោក​នាយករដ្ឋមន្រ្តី​ ហ៊ុន ម៉ាណែត​ នៅ​ថ្ងៃ​ចន្ទ​នេះ បាន​មក​ដល់​ទីក្រុង​ហ្សាការតា​នៃ​ប្រទេសឥណ្ឌូណេស៊ី​ ដើម្បីចូលរួម​កិច្ច​ប្រជុំ​កំពូល​អាស៊ាន​ដែល​ឥណ្ឌូណេស៊ី​ធ្វើ​ជា​ម្ចាស់​ផ្ទះ។​ នេះ​ជា​លើក​ដំបូង​នៃ​ការ​ចូលរួម​កិច្ច​ប្រជុំ​ថ្នាក់​តំបន់​មួយ​ ដែល​លោក​នឹង​បង្ហាញ​មុខទៅមេដឹក​នាំពិភព​លោក​ផ្សេង​ទៀត។ លោក ​ស៊ុន ណារិន ​រាយការណ៍ឱ្យ​វីអូអេ​ពីទីក្រុង​ហ្សាការតា៕

ខណៈរដ្ឋាភិបាលអាណត្តិថ្មីទើបកំពុងចាប់ផ្តើមប្រតិបត្តិកិច្ចការរបស់ខ្លួន បញ្ហាសង្គមកិច្ចនិងអភិបាលកិច្ចចម្រូងចម្រាស់មួយចំនួននៅតែបន្តកើតមានឡើង ដូចជាករណីលុបបឹងនៅខេត្តកំពត និងអំពើឆបោករបស់បុគ្គលមានទ្រព្យនិងឥទ្ធិពលមួយចំនួន។ នៅក្នុងកម្មវិធី Hello VOA ស្តីអំពីអភិបាលកិច្ចល្អ លោក ឱក សេរីសោភក្តិ៍ អ្នកឯកទេសអភិបាលកិច្ច បានលើកឡើងថា វាចាំបាច់ដែលរដ្ឋាភិបាលអាណត្តិថ្មីដែលដឹកនាំដោយនាយករដ្ឋមន្ត្រីលោក ហ៊ុន ម៉ាណែត និងគណៈរដ្ឋមន្ត្រីសម្បូរដោយក្រុមអ្នកដឹកនាំវ័យក្មេង យកចិត្តទុកដាក់និងអនុវត្តវិធានការតឹងរ៉ឹងភ្លាមៗ ដើម្បីបង្ក្រាបសកម្មភាពនៃអំពើពុករលួយ ដែលចាក់ស្រេះជាមួយនឹងបញ្ហាបក្ខពួកនិយម។ លោកបញ្ជាក់កាលពីពាក់កណ្តាលខែសីហា មុនអាណត្តិរដ្ឋាភិបាលថ្មីចាប់ផ្តើម ថា ការធ្វើដូច្នេះ នឹងជួយបង្កើនទំនុកចិត្តសាធារណៈដល់រដ្ឋាភិបាលថ្មីមួយនេះ៕ (ទែន សុខស្រីនិត, រដ្ឋអ៊ីលីណយ, ២៨ សីហា ២០២៣)