កាល​ពី​សប្តាហ៍​មុន ​ប្រធាន​គណៈកម្មាធិការ​កិច្ចការ​បរទេស​នៃ​រដ្ឋសភា​សហរដ្ឋ​អាមេរិក​លោក​ Gregory Meeks ​បាន​ធ្វើ​ដំណើរ​មក​កម្ពុជា ​ដើម្បី​ចូល​រួម​មហា​សន្និបាត​អន្តរ​សភា​អាស៊ាន​ ហៅ​កាត់​ថា​ AIPA ​ ដែល​កម្ពុជា​កំពុង​ធ្វើ​ជា​ម្ចាស់​ផ្ទះ។​ លោក​បាន​ផ្តល់​បទ​សម្ភាសន៍​ឲ្យ​វីអូអេ​ស្តី​ពី​ដំណើរ​ទស្សនកិច្ច​របស់​លោក​ បញ្ហា​ប្រជា​ធិបតេយ្យ ​និងសិទ្ធិ​មនុស្ស​ក្នុង​ប្រទេស​កម្ពុជា ​ហើយ​និង​បញ្ហា​នៅ​ក្នុង​តំបន់​ផង​ដែរ។​ តំណាង​រាស្រ្ត​អាមេរិក​មួយ​រូប​បាន​ជំរុញ​កម្ពុជា​ឲ្យ​ដើរ​តាម​គន្លង​ប្រជា​ធិបតេយ្យ ​និង​គោរព​សិទ្ធិ​មនុស្ស​ដើម្បី​រួចផុត​ពីការ​ដាក់​ទណ្ឌ​កម្ម​ពី​សំណាក់​សហ​រដ្ឋ​អាមេរិក ​ទាក់​ទង​នឹង​ច្បាប់​ស្តី​ពី​ប្រជា​ធិបតេយ្យ​កម្ពុជា ​ដែល​កំពុង​ស្ថិត​ក្នុង​ដៃ​របស់​ព្រឹទ្ធ​សភា​អាមេរិក។ ​តំណាង​រាស្រ្ត​រូប​នោះ​ក៏​ស្នើ​ឲ្យ​កម្ពុជា​មាន​តម្លា​ភាព​ចំពោះ​អាមេរិក ​និង​ប្រជាជន​កម្ពុជា​លើ​បញ្ហា​មូលដ្ឋាន​កងទ័ព​ជើង​ទឹក​រាម ​ដែល​អាមេរិក​សង្ស័យ​ថា​ ចិន​អាច​នឹង​ប្រើ​ប្រាស់​ជា​មូលដ្ឋាន​ទ័ព​របស់​ខ្លួន​ ដើម្បី​ពង្រីក​ឥទ្ធិពល​ក្នុង​តំបន់​ឥណ្ឌូ​ប៉ាស៊ីហ្វិក។​ តទៅ​នេះ​សូម​ទស្សនា​បទ​សម្ភាសន៍​ទាំង​ស្រុង​រវាង​លោក ​ស៊ុន ណារិន ​នៃ​វីអូអេ​ជាមួយ​សមាជិក​សភា​អាមេរិក​លោក Gregory Meeks ​ដូច​តទៅ៖

ខណៈ​លទ្ធផល​បឋម​នៃ​ការ​បោះឆ្នោត​ពាក់​កណ្តាល​អាណត្តិ​ ថ្ងៃ​ទី​៨​ វិច្ឆិកា​ឆ្នាំ​នេះ​ បង្ហាញ​ថា​ ​រដ្ឋ​ Massachusetts ​នៅ​តែ​ជា​មូលដ្ឋាន​រឹង​មាំ​របស់​គណបក្ស​ប្រជាធិបតេយ្យនោះ ​ប្រជាជន​ខ្មែរ​អាមេរិកាំង​នៅ​ទីក្រុង​ Lowell ​ក៏ដូច​ជា​ជនជាតិ​ដទៃ​ដែរ​ បោះ​ឆ្នោត​ដោយ​សម្លឹង​មើល​បេក្ខជន​ជា​អាទិភាព​ចម្បង​ជា​ជាង​គណបក្ស។​ លោក ​ពិន ស៊ីសុវណ្ណ ​នៃ​វីអូអេ​រាយ​ការណ៍​ពី​ទីក្រុង​ Lowell​ រដ្ឋ Massachusetts ដូច​តទៅ៕

លោក ​ជូង ជូងី​ មេធាវី​ដែល​តែង​តែ​ការពារ​ប្រជា​ពលរដ្ឋ​ក្រីក្រ ​សកម្ម​ជន​សិទ្ធិ​មនុស្ស​ សកម្មជន​និង​មន្ត្រី​នយោបាយ​គណបក្ស​ប្រឆាំង​ជាង​១៨​ឆ្នាំ​មកហើយ​នោះ​ បាន​ប្រាប់​អ្នក​ចូល​រួម​ពិធី​សំណេះ​សំណាល​អំឡុង​បុណ្យ​ផ្កា​ប្រាក់​នៅវត្ត​ភ្នំសេរី ទីក្រុង ​Ayer ​រដ្ឋ ​Massachusetts ​ថា​ លោក​សម្រេច​ចិត្ត​ចូល​ធ្វើ​នយោបាយ​ដោយ​យល់​ថា ​លោក​អាច​បម្រើ​ពលរដ្ឋ​ និង​ការពារ​សិទ្ធិ​មនុស្ស​បាន​ប្រសើរ​ជាង​អាជីព​មេធាវី។​ លោក ​ពិន ស៊ីសុវណ្ណ ​រាយការណ៍​ពីទីក្រុង Ayer ​រដ្ឋ Massachusetts ​ដូច​ត​ទៅ៕

កិច្ច​ប្រជុំ​កំពូល​អាស៊ាន​លើក​ទី ៤០ និង​ទី ៤១ បាន​បញ្ចប់​នៅ​ថ្ងៃ​អាទិត្យ​នេះ ដោយ​កម្ពុជា​បាន​ផ្ទេរ​តួនាទី​ជា​ប្រធាន​អាស៊ាន​ដល់​ឥណ្ឌូណេស៊ី។ ប្រធានាធិបតី​ឥណ្ឌូណេស៊ី លោក​ Joko Widodo ដែល​ជា​ប្រធាន​អាស៊ាន​ប្តូរ​វេន​ថ្មី​ បាន​ថ្លែង​ព្រមាន​ពី​លទ្ធភាព​នៃ​សង្គ្រាម​ត្រជាក់​ថ្មី​នៅក្នុង​តំបន់។

កិច្ចប្រជុំរបស់ក្រុមមេដឹកនាំមកពីសមាគមអាស៊ាន និងមេដឹកនាំពិភពលោក ចាប់ពីថ្ងៃទី ១០ ដល់ទី ១៣ ខែវិច្ឆិកា ឆ្នាំ ២០២២ បានបញ្ចប់ហេីយ ដោយគេសង្កេតឃេីញថា កិច្ចប្រជុំកំពូលទាំងនេះ បានផ្តល់លទ្ធផលវិជ្ជមានដល់តំបន់អាស៊ាន និងសកលផង ហេីយក៏បានបង្ហាញពីការប្រឈមដែលអាស៊ាន និងពិភពលោកត្រូវរួមគ្នាដោះស្រាយផង។ លោកសុខ ខេមរា នៃវីអូអេ ដែលបានធ្វេីដំណេីរទៅកាន់ប្រទេសកម្ពុជាដេីម្បីផ្តិតយកព័ត៌មានអំពីកិច្ចប្រជុំទាំងនេះ។ សូមទស្សនា និងស្តាប់កិច្ចសន្ទនារវាង លោក ស៊ុន ណារិន និង លោក សុខ ខេមរា ពីកន្លែងកិច្ចប្រជុំដូចតទៅ។

ប្រធានាធិបតី​សហរដ្ឋ​អាមេរិក​លោក​ Joe Biden (ចូ​ បៃដិន) ​និងមេដឹកនាំ​អាស៊ាន​ ប្រកាស​បង្កើន​ទំនាក់ទំនង​របស់​ពួកគេ​ទៅ​ជា​ភាពជា​ដៃគូ​យុទ្ធសាស្ត្រ​គ្រប់ជ្រុងជ្រោយ​ក្នុង​ជំនួបកំពូលនៅ​ទីក្រុង​ភ្នំពេញ​ ដូច​ការ​គ្រោងទុក​ ​មេដឹកនាំ​អាស៊ាន​ និង​អាមេរិក​បាន​ប្រកាស​បង្កើត​ភាព​ជា​ដៃគូ​យុទ្ធសាស្ត្រ​គ្រប់ជ្រុងជ្រោយ​ អាស៊ាន - អាមេរិក​ ដើម្បី​បង្កើនកិច្ច​សហប្រតិបត្តិការ​លើពហុវិស័យ​សំខាន់ៗ​ រវាង​ភាគី​ទាំងពីរ ​ក៏ដូច​ជា​កិច្ច​សហប្រតិបត្តិការ​ជាមួយ​ភាគី​ប្រទេស​ផ្សេងៗ​ទៀត​ដែរ។ លោក​ សុខ​ ខេមរា​ នៃ​វីអូអេ​សន្ទនា​ជាមួយ​អ្នកនាង​ កាន់​ វិច្ឆិកា​ពី​ទីតាំង​កិច្ច​ប្រជុំ​កំពូល​អាស៊ាន តាម​ការ​ផ្សាយ Facebook live៕

លោកប្រធានាធិបតីសហរដ្ឋអាមេរិកបានអញ្ជេីញមកដល់រាជធានីភ្នំពេញដេីម្បី ចូលរួមប្រជុំកំពូលអាមេរិក-អាស៊ាន និងកិច្ចប្រជុំពាក់ព័ន្ធ។ លោក សុខ ខេមរានៃវីអូអេ កំពុងស្ថិតនៅអាកាសយានដ្ឋានអន្តរជាតិភ្នំពេញ ដេីម្បីរាយការណ៍ព័ត៌មានអំពីដំណេីរមកដល់របស់លោក និងកិច្ចប្រជុំនានា តាម​ការ​ផ្សាយ Facebook Live៕

ខណៈ​កម្ពុជា​កំពុង​លេចមុខ​ពេញ​ពិភពលោក​ ដោយសារ​ខ្លួន​កំពុង​ធ្វើជាម្ចាស់​ផ្ទះ​រៀបចំ​និង​សម្រប​សម្រួល​កិច្ចប្រជុំកំពូល​អាស៊ាន លោក​នាយក​រដ្ឋមន្ត្រី​ ហ៊ុន សែន​ ក៏​បាន​បន្ថែម​ការ​ចាប់អាម្មណ៍​មក​លើ​ប្រទេស​ដែល​ជា​ប្រធាន​អាស៊ាន​ឆ្នាំ​នេះ ដោយ​បង្ហាញ​វត្ថុ​អនុស្សាវរីយ៍​ដ៏​ប្រណិត​សម្រាប់​មេដឹកនាំ​ពិភពលោក​ដែល​ចូលរួម​កិច្ចប្រជុំ​នេះ។ ទីភ្នាក់ងារ​ព័ត៌មាន Reuters រាយកាណ៍​លម្អិត​អំពីរឿងនេះ។ លោក ចាប ចិត្រា ជូន​សេចក្តី​ប្រែ​សម្រួល​ដូច​ត​ទៅ៕

ប្រមុខ​រដ្ឋ​អាស៊ាន និង​តំណាង​រដ្ឋមន្ត្រី​ផ្សេងទៀត បាន​ចូល​គាល់​ព្រះ​ករុណា ព្រះបាទ​សម្ដេច ​ព្រះបរមនាថ នរោត្ដម សីហមុនី ព្រះមហាក្សត្រ​នៃ​ព្រះរាជាណាចក្រកម្ពុជា នៅ​ព្រះបរម​រាជវាំង ក្នុង​រាជធានី​ភ្នំពេញ កាល​ពី​ថ្ងៃព្រហស្បតិ៍ ទី១០ ខែ​វិច្ឆិកា មុន​ពេល​ពិធី​បើក​ជា​ផ្លូវការ​នៃ​កិច្ច​ប្រជុំ​កំពូល​អាស៊ាន​ឆ្នាំ ២០២២៕

ការ​បោះឆ្នោត​នៅ​ថ្ងៃទី​៨ ​ខែវិច្ឆិកា​ឆ្នាំ​២០២២​នេះ​គឺ​ជា​ការ​បោះឆ្នោត​ពាក់​កណ្តាល​អាណត្តិ​ប្រធានាធិបតី​លើក​ដំបូង​ក្រោយ​ពី​ពិភពលោក​ប្រឈម​បញ្ហា​ធំ​ពីរ​គឺ​ការ​រាតត្បាតជំងឺ​កូវីដ១៩និង​សង្គ្រាម​ដែល​រុស្ស៊ី​ឈ្លានពាន​ប្រទេស​អ៊ុយក្រែន។ ​ បញ្ហា​ទាំង​ពីរ​នេះ​បាន​ប៉ះពាល់​ដល់​សេដ្ឋកិច្ច​ពិភពលោក ​រួមទាំង​សហរដ្ឋ​អាមេរិក​ផង​ដែរ។ ប៉ុន្តែ​អ្នកបោះឆ្នោត​ខ្មែរ​អាមរិកាំង​មិន​បាន​ចេញ​មក​បោះឆ្នោត​ច្រើន​ទេ។ ​

លោក​ពិន ស៊ីសុវណ្ណ​ អ្នក​យក​ព័ត៌មាន​វីអូអេ​ខ្មែរ​ចុះ​យក​ព័ត៌មាន​នៅ​ទីក្រុង ​Lowell ​រដ្ឋ ​Massachussetts ​និង​រាយការណ៍​អំពី​ការ​បោះឆ្នោត​ឆ្នាំ​នេះ៕