កាល​ពី​ដើម​ខែកុម្ភៈ​នេះ កម្ពុជា​បាន​ស្វាគមន៍​ការ​ធ្វើដំណើរ​មក​ដល់​របស់​ជនជាតិ​ចិន បន្ទាប់​ពី​គោលនយោបាយ​រឹតបន្តឹង​មិន​ឱ្យ​គ្មាន​កូវីដ ឬ​«សូន្យកូវីដ‍»​ដ៏តឹងរ៉ឹង​របស់​ចិន​ត្រូវ​បាន​លុបចោល។ ទោះបី​ជា​ការ​មក​ដល់​ថ្មី​ជា​បណ្តើរៗ​របស់​ជនជាតិ​ចិន​ផ្តល់​ក្តី​សង្ឃឹម​ដល់​អាជីវករ និង​អ្នក​ប្រកប​របរ​ខ្នាតតូច​មួយ​ចំនួន​ក្នុងក្រុង​នេះក្តី ក៏​ភាព​ប្រសើរ​ឡើង​នៃ​ស្ថានភាព​សេដ្ឋកិច្ច​របស់​ពួកគេ​រើបឡើង​តែបន្តិចបន្តួច​ប៉ុណ្ណោះ ខណៈ​ក្រុង​ជាប់ឆ្នេរ​សមុទ្រ​និង​កំពង់ផែ​មួយ​នេះ​កំពុង​ព្យាយាម​ដោះស្រាយ​បញ្ហា​ប្រឈម​នានា ដូច​ជា​អគារ​ជាប់គាំង​ជាច្រើន​ក្នុង​ក្រុងនេះ។ អ្នកនាង កាន់ វិច្ឆិកា នៃ​វីអូអេ និង​ក្រុម​ការងារ​បាន​ធ្វើ​ដំណើរ​ទៅ​កាន់​ទីក្រុង​ព្រះសីហនុ និង​បាន​រាយការណ៍​លម្អិត​អំពី​រឿង​នេះ​ដូចតទៅ៕

លោក​វេជ្ជបណ្ឌិត សៀង សេង នៅ​រដ្ឋ California លើក​ឡើង​ថា ការ​ធ្លាក់ស​ របស់​ស្ត្រី​អាច​ជា​រឿង​ធម្មតា ប៉ុន្តែ​ក្នុង​ករណី​មួយ​ចំនួន​ដែល​ការ​ធ្លាក់ស អាច​ទាក់ទង​នឹង​ជំងឺ​ផ្សេងៗ​ដែល​អាច​បង្ក​ហានិភ័យ​ដល់​សុខភាព​របស់​ស្ត្រី។ លោក​វេជ្ជបណ្ឌិត​មាន​ប្រសាសន៍​ថា ស្ត្រី​មួយ​ចំនួន​មាន​ការ​ខ្មាស់អៀន​មិន​ហ៊ាន​ពិភាក្សា​ជាមួយ​គ្រូពេទ្យ​អំពី​បញ្ហា​នៃ​ការ​ធ្លាក់ស ដែល​អាច​បង្ក​គ្រោះថ្នាក់​ដល់ស្រ្តី៕ (អ្នកនាង ស្រេង លក្ខិណា, Hello VOA សុខភាព, វ៉ាស៊ីនតោន, ថ្ងៃទី១៦ ខែកុម្ភៈ ឆ្នាំ២០២៣)

អាជ្ញាធរ​កម្ពុជា​បាន​និយាយ​ថា ភ្លៀង​ធ្លាក់​ជោគជាំ​និង​ទិន្នផល​ត្រី​ដ៏​ច្រើន​បាន​ធ្វើ​ឱ្យ​ជីវភាព​រស់នៅ​របស់​ប្រជាពលរដ្ឋ​នៅ​តាម​ដង​ទន្លេ​មេគង្គ​មាន​ភាព​ប្រសើរ​ឡើង។ ការ​លើកឡើង​នេះ​បាន​ធ្វើ​ឡើង បន្ទាប់ពី​គ្រោះ​រាំងស្ងួត​អស់​រយៈពេល​ជិត ៤ឆ្នាំ ទិន្នផល​ត្រី​មិន​ល្អ និង​វិបត្តិ​ជំងឺ​កូវីដ១៩ បាន​ជះ​ផល​ប៉ះពាល់​ធ្ងន់ធ្ងរ​លើ​ប្រជាពលរដ្ឋ​ប្រហែល​៦៥ លាន​នាក់​នៅ​តាម​ប្រទេស​នានា​ដែល​ពឹងពាក់​លើ​ផ្លូវ​ទឹក​មួយ​នេះ​សម្រាប់​ជីវភាព​រស់នៅ​របស់​ខ្លួន។ លោក Luke Hunt រាយការណ៍​អំពី​រឿង​នេះ​ពី​រាជធានី​ភ្នំពេញ។ លោក ភី សុភាដា ជូន​សេចក្ដី​ប្រែ​សម្រួល៕

ក្រសួង​ព័ត៌មាន​បាន​ចេញ​សេចក្តី​សម្រេច​មួយ​នា​ថ្ងៃចន្ទ​នេះ ដោយ​បញ្ចប់​ការផ្សាយ​របស់​វីអូឌី​ តាម​រយៈ​ការ​ដក​អាជ្ញាបណ្ណ។ ការ​សម្រេច​នេះ​ធ្វើ​ឡើង​តាម​បញ្ជា​របស់​លោក​នាយករដ្ឋមន្រ្តី ហ៊ុន សែន ដែល​មិន​ពេញចិត្ត​នឹង​ការផ្សាយ​របស់​សារព័ត៌មាន​មួយ​នេះ ពាក់ព័ន្ធ​នឹង​កូនប្រុស​របស់​លោក។ លោក ស៊ុន ណារិន និង​លោក ហាន ណូយ រាយការណ៍​លម្អិត​ឲ្យ​វីអូអេ​ពី​រាជធានី​ភ្នំពេញ​ដូចតទៅ៖

លោក អួន ឡឺត ទៅ​លាង​ចាន​នៅ​ភោជនីយដ្ឋាន​ចិន​ពេល​លោក​ទើប​មក​ដល់​សហរដ្ឋ​អាមេរិក​នៅ​ឆ្នាំ​១៩៨៣។ លោក​បាន​ខិតខំ​រៀនសូត្រ​យក​សញ្ញាប័ត្រ​ពី​សាកលវិទ្យាល័យ Widener University នៅ​រដ្ឋ Pennsylvania ។ នៅ​ឆ្នាំ​២០០២​ លោក​បាន​ក្លាយ​ខ្លួន​ជា​បុគ្គលិក​ម្នាក់​ក្នុង​កង​ការពារ​សន្តិសុខ​ប្រធានាធិបតី​សហរដ្ឋ​អាមេរិក។ លោក អួន ឡឺត បាន​សរសេរ​សៀវភៅ​មួយ​ក្បាល​រៀបរាប់​អំពី​ដំណើរ​ជីវិត​របស់​លោក ដែល​មាន​ចំណងជើង​ជា​ភាសា​អង់គ្លេស​ថា៖ «A REFUGEE'S AMERICAN DREAM From the Killing Fields of Cambodia to the U.S. Secret Service‍» ឬ​ជា​ខ្មែរ​ថា ‍«សុបិន​អាមេរិកាំង​របស់​ជន​ភៀសខ្លួន​ម្នាក់ ពី​វាលពិឃាត​នៅ​កម្ពុជា ដល់​កងការពារ​សន្តិសុខ​ប្រធានាធិបតី‍»។ សូម​លោក​អ្នកនាង​ទស្សនា​បទសម្ភាសន៍​របស់​លោក ប៉ូច រាសី នៃ​វីអូអេ ជាមួយ​លោក អួន ឡឺត៕

ការ​តំណាង​ជនជាតិ​និង​វប្បធម៌​អាស៊ី​មាន​ការ​រីកចម្រើន​ជាងមុន​នៅ​ក្នុង​សហរដ្ឋ​អាមេរិក ប៉ុន្តែ​មនុស្ស​ជា​ច្រើន​គិត​ថា ភាពចម្រុះ​នៃ​សហគមន៍​អាស៊ី​នៅ​តែ​ត្រូវការ​ការ​យកចិត្តទុក​ដាក់​បន្ថែម​ទៀត។ នោះ​ហើយ​ជា​អ្វី​ដែល​តារា​ហូលីវូដ​ជនជាតិ​ម៉ុង​អាមេរិកាំង​ម្នាក់ និង​ផលិតករ​ភាពយន្ត​ខ្មែរ​អាមេរិកាំង​ម្នាក់​កំពុង​ព្យាយាម​ធ្វើ​ ជាមួយ​នឹង​ខ្សែ​ភាពយន្ត​អាស៊ីអាគ្នេយ៍​ថ្មី​មួយ​របស់​ពួកគេ​ដែល​មាន​ចំណងជើង​ថា «The Harvest»។ លោក ចាប ចិត្រា នៃ​ VOA រាយការណ៍​ថា ខ្សែភាពយន្ត​អំពី​ជន​អន្តោប្រវេសន៍​នេះ​នឹង​ចាក់​បង្ហាញ​ជា​លើក​ដំបូង​នៅ​ក្នុង​ខែ​កុម្ភៈ​នេះ៕

សកម្មជនគណបក្សភ្លើងទៀននៅខេត្តបាត់ដំបង បន្តប្តេជ្ញាចូលរួមសកម្មភាពនយោបាយ និងចូលរួមការបោះឆ្នោតថ្នាក់ជាតិ នាខែកក្កដាខាងមុខនេះ។ ពួកគេអះអាងថានេះជាជម្រើសតែមួយគត់ ដែលអាចឲ្យគណបក្សប្រឆាំងអាចដឹកនាំប្រទេសបាន បើទោះមានការគាបសង្កត់សកម្មភាពនយោបាយក៏ដោយ។

គណបក្ស​សង្គ្រោះ​ជាតិ​នៅ​ក្រុង ​Lowell ​បាន​រៀបចំ​កម្មវិធី​ជួបជុំ​រៃ​អង្គាស​ថវិកា​កាលពី​ថ្ងៃ​សៅរ៍​ដើម្បី​ជួយ​អ្នក​ប្រជាធិបតេយ្យ​ក្នុង​ការ​បោះឆ្នោត​ថ្នាក់​ជាតិ​ដែល​គ្រោង​ធ្វើ​នៅ​ខែ​កក្កដា​ឆ្នាំ​នេះ ​ប៉ុន្តែ​ប្រធាន​គណបក្ស​ភ្លើងទៀន​នៅ​រដ្ឋ​ Massachussetts ​នេះ​មិន​មក​ចូលរួម​ទេ។ ​ប៉ុន្តែ​ អ្នក​ចូលរួម​តិចតួច​បង្ហើប​ប្រាប់​វីអូអេ​ថា ​ពួកគេ​មក​ចូល​រួម​ព្រោះ​យល់​ថា​ ថវិកា​នេះ​ប្រមូល​សម្រាប់​គណបក្ស​ភ្លើងទៀន។​ លោក​ ពិន ស៊ីសុវណ្ណ​ រាយការណ៍​ពី​ទីក្រុង​ Lowell​ រដ្ឋ ​Massachussetts​ ដូច​ត​ទៅ៖

ក្រុមគ្រួសារ​បន្ត​ទទូច​ឱ្យ​អាជ្ញាធរ​បញ្ជាក់ថា​តើ​ កូន​និង​ស្វាមី​របស់ពួកគេ​ស្លាប់​ឬ​យ៉ាងណា នៅក្នុង​ករណី​ឆេះ​កាសុីណូ នៅ​ក្រុងប៉ោយប៉ែត កាល​ពីចុងឆ្នាំ ២០២២។ លោក ស៊ុន ណារិន រាយការណ៍​លម្អិត​ឱ្យ​វីអូអេ​ពី​ក្រុង​ប៉ោយប៉ែត​ដូច​ត​ទៅ៖

ក្រុមគ្រូពេទ្យខ្មែរអាមេរិកាំង និងវេជ្ជបណ្ឌិតជនជាតិអាមេរិកាំងបានមកដល់ខេត្តបន្ទាយមានជ័យនៃប្រទេសកម្ពុជា ដើម្បីព្យាបាលជំងឺនិងផ្តល់ថ្នាំដល់ប្រជាពលរដ្ឋខ្មែរដោយឥតគិតថ្លៃ។ ពលរដ្ឋនៅក្នុងខេត្តបន្ទាយមានជ័យបានមកទទួលការព្យាបាលនេះនៅទីតាំងមួយចំនួនក្នុងស្រុកមង្គលបូរី។ លោក ស៊ុន ណារិន រាយការណ៍លម្អិតឲ្យវីអូអេពីស្រុកមង្គលបូរី ខេត្តបន្ទាយមានជ័យ៕