ថ្ងៃ​អាទិត្យ​នេះ​គឺជា​ថ្ងៃទី ២ ​នៃ​យុទ្ធនា​ការ​ឃោសនា​បោះ​ឆ្នោតសម្រាប់​ការបោះ​ថ្នាក់​ជាតិអាណត្តិ​ទី ៧។ គណបក្ស​ហ៊្វុន​ស៊ិន​ប៉ិច​ដែល​ដឹកនាំ​ដោយ​សែ​រាជវង្ស​គឺ​ព្រះ​អង្គ​ម្ចាស់​ នរោត្តម ចក្រាវុធ ត្រូវជា​ព្រះ​បុត្រា​របស់​ព្រះអង្គ​ក្រុម​ព្រះ​នរោត្តម​ រណឫទ្ធិ បាន​ចាប់ផ្តើម​យុទ្ធនា​ការ​រក​សំ​ឡេង​ឆ្នោត​របស់​ខ្លួន ដោយ​មាន​ការ​ចូលរួម​ពី​អ្នកគាំទ្រ​ប្រមាណ​ ៣ ពាន់​នាក់ ខណៈ​ទីលាន​នៃការ​ប្រកួត​ប្រជែង​លើក​នេះ​គ្មាន​វត្តមាន​គណបក្ស​ប្រឆាំង​ដ៏​ធំ​មួយ។ លោក ហាន ណូយ នៃវីអូអេ រាយការណ៍​លម្អិត​ពី​រាជធានី​ភ្នំពេញ។

នា​ថ្ងៃ​ដំបូង​នៃ​យុទ្ធនាការ​ឃោសនា​បោះឆ្នោត​ជាតិ​ឆ្នាំ ២០២៣ ដោយ​អវត្តមាន​គណបក្ស​ប្រឆាំង​ដ៏​ធំ​មួយ​នោះ គណបក្ស​ខ្មែរ​រួបរួម​ជាតិ​បាន​ចេញ​ហែក្បួន​ឃោសនា​រក​សំឡេង​គាំទ្រ​នៅ​រាជធានី​ភ្នំពេញ ដោយ​រំពឹង​ថា​នឹង​ដណ្តើម​បាន​អាសនៈ​ខ្លះ​នៅ​រដ្ឋសភា​ជាតិ។ យុទ្ធនាការ​ឃោសនា​បោះឆ្នោត​ធ្វើ​ឡើង​ ស្រប​ពេល​អវត្តមាន​គណបក្ស​ភ្លើងទៀន ដែល​ត្រូវបាន​ចាត់ទុក​ថា​ជា​គូ​ប្រជែង​ដ៏​ចម្បង​មួយ​របស់​គណបក្ស​កាន់​អំណាច ដោយ​សារ​បញ្ហា​ចម្រូងចម្រាស​ផ្នែក​លិខិត​ស្នាម និង​មាន​ការ​ធ្វើ​ពហិការ​ចូលរួម​ការ​បោះឆ្នោត៕

សម្រាប់​ការ​បោះឆ្នោត​ជ្រើស​រើស​តំណាងរាស្ត្រ​អាណត្តិ​ទី ៧ នឹង​ធ្វើ​ឡើង​នៅ​ថ្ងៃ​ទី ២៣ ខែ​កក្កដា​ខាង​មុខ​នេះ ដោយ​គ្មាន​វត្តមាន​គូប្រជែង​ចម្បង​ណា​មួយ​ទៅនឹង​គណបក្ស​ប្រជាជន​កម្ពុជា​ ដែល​ជា​គណបក្ស​កាន់​អំណាច​និង​ដឹកនាំ​រដ្ឋាភិបាល​នោះទេ បន្ទាប់​ពី​គណបក្ស​ភ្លើងទៀន​ត្រូវបាន​បដិសេធ​ចុះឈ្មោះ​ក្នុង​បញ្ជី​បោះឆ្នោត។ ក៏​ប៉ុន្តែ ចំនួន​អ្នក​ចេញ​ទៅ​បោះឆ្នោត​ នឹង​ក្លាយ​ជា​សូចនាករ​ដ៏​សំខាន់​មួយ​សម្រាប់​គណបក្ស​ប្រជាជន​កម្ពុជា និង​អ្នក​បន្តវេន​ដឹកនាំ​ប្រទេស​ គ្រា​ដែល​គ្មាន​វត្តមាន​ដៃគូ​ប្រជែង​នោះ។ នេះ​បើ​តាម​ការ​លើក​ឡើង​របស់​លោក ឱក សេរីសោភក្តិ៍ អ្នក​ឯកទេស​អភិបាលកិច្ច នៅ​ក្នុង​កម្មវិធី Hello VOA ស្តី​អំពី​អភិបាលកិច្ច​ល្អ។ លោក​ថ្លែង​ថា៖ «ការ​ចូលរួម​របស់​ប្រជាពលរដ្ឋ​ គឺអាស្រ័យ​ទៅ​លើ​ពួកគាត់​យល់​ថា តើ​សន្លឹក​ឆ្នោត​នឹង​ផ្តល់​នឹង​អត្ថន័យ​នយោបាយ​យ៉ាងណា។ ប្រជាពលរដ្ឋ​ឱ្យ​សារៈសំខាន់​សម្បើម​ណាស់ នៅ​ពេល​ដែល​មាន​គណបក្ស​មួយ​ដែល​ហ៊ាន​តស៊ូ​ជាមួយ​នឹង​គណបក្ស​កាន់​អំណាច»៕

មួយថ្ងៃ​ក្រោយ​តុលាការ​ខេត្ត​រតនគិរី​ចោទ​ប្រកាន់ លោក ថេង សាវឿន និង​សហការី​របស់​លោក ពី​បទ​ចោទប្រកាន់​«រួមគំនិតក្បត់» និង​ញុះញង់ ក្រុមគ្រួសារ​បាន​ព្យាយាម​ទៅ​សួរសុខទុក្ខ​ពួកគេ​ទាំង ៣នាក់ ប៉ុន្តែ​មិន​ត្រូវ​បាន​អនុញ្ញាត​ឲ្យ​ចូល​ឡើយ ក្រោម​ហេតុផល​ខ្លាច​ឆ្លងជំងឺ​កូវីដ១៩។ លោក ស៊ុន ណារិន រាយការណ៍​ឲ្យ​វីអូអេ​ពី​ខេត្ត​រតនគិរី​ដូចតទៅ៖

អ្នកចូលរួម​នៅ​ខួប​១១​ឆ្នាំ​នៃ​ឃាតកម្ម​សម្លាប់​លោក ឈុត វុទ្ធី មាន​ជំនឿ​ថា កូនប្រុស​ច្បង​របស់​វីរជន​ការពារ​ព្រៃឈើ​ដ៏​លេចធ្លោ​នេះ​នឹង​មិន​ធ្វើ​ឱ្យ​កេរ្តិ៍​ឈ្មោះ​របស់​ឪពុក​លោក​អាប់អួរ​ឡើយ ខណៈ​សកម្មជន​ព្រៃឈើ មន្ត្រី​សង្គម​ស៊ីវិល និង​សកម្ម​ជន​គណបក្ស​ជំទាស់​ចូលរួម​ជីវភាព​នយោបាយ​ជាមួយ​គណបក្ស​កាន់​អំណាច​របស់​លោក​នាយក​រដ្ឋមន្ត្រី ហ៊ុន សែន ជាបន្តបន្ទាប់។ លោក ពិន ស៊ីសុវណ្ណ នៃ​វីអូអេ​ជូន​សេចក្តី​រាយការណ៍​នេះ​ពី​ទីក្រុង Lowell រដ្ឋ Massachusetts សហរដ្ឋ​អាមេរិក៕

បើសិ​ន​ជា​ក្រុ​មប្រឹក្សា​ធម្មនុញ្ញ​សម្រេច​តម្កល់​សេចក្ដីសម្រេ​ច​ដ៏​ចម្រូង​ចម្រាស​របស់​គណៈកម្មាធិការ​ជាតិ​រៀប​ចំ​ការ​បោះ​ឆ្នោត​ (គ.ជ.ប.) ​បដិសេធ​ការ​ចុះឈ្មោះគណបក្ស​ភ្លើង​ទៀន​ពី​ការ​បោះ​ឆ្នោត​ជាតិ​ថ្ងៃ​ទី ២៣​ ខែកក្កដាខាង​មុខ ​លទ្ធផល​ការ​បោះ​ឆ្នោត​អាចមិនខុស​អី្វ​ពី​ឆ្នាំ​ ២០១៨ ឡើយ។ ​នេះ​បើ​តាម​ការ​លើ​ក​ឡើង​ក្នុង​កម្មវិធី​ហេឡូវី​អូអេ «អភិបាលកិច្ច​ល្អ»​ ប្រចាំ​ខែ​ឧសភា​ ឆ្នាំ ២០២៣ នេះ របស់​លោក ឱក សេរីសោភក្ដិ៍ អ្នកឯកទេស​អភិបាលកិច្ច​ ដែល​បាន​បកស្រាយ​អំពី​ផល​ប៉ះពាល់​នៃ​អវត្តមាន​គណបក្ស​ភ្លើង​ទៀន​លើ​ការ​បោះ​ឆ្នោត​និង​ឆាក​នយោបាយ៕ (អូន ឆេងប៉រ, Hello VOA, ភ្នំពេញ ២២ ឧសភា ២០២៣)

តុលាការខេត្តរតនគិរីបានសម្រេចឃុំខ្លួន លោក ថេង សាវឿន និងសហការីរបស់លោក ២នាក់ នៅល្ងាចថ្ងៃចន្ទ ក្រោមបទចោទប្រកាន់រួមគំនិតក្បត់ និងញុះញង់បង្កអសន្តិសុខសង្គម។ នេះបើតាម លោក កែវ ភក្តី អ្នកនាំពាក្យរបស់តុលាការ។ លោក ថេង សាវឿន ប្រធានសមាគមសម្ព័ន្ធសហគមន៍កសិករកម្ពុជា(CCFC) និងសហការីរបស់លោក ២នាក់ ត្រូវបានសមត្ថកិច្ចខេត្តក្រចេះ ឃាត់ខ្លួនកាលពីព្រឹកថ្ងៃពុធ ក្រោមការបញ្ជារបស់ស្នងការនគរបាលខេត្តរតនគិរី ក្រោយបញ្ចប់វគ្គបណ្តុះបណ្តាលនៅទីនោះ។ អ្នកនាំពាក្យក្រសួងមហាផ្ទៃលោកខៀវ សុភ័គ ប្រាប់វីអូអេថា សមត្ថកិច្ចរកឃើញថាវគ្គបណ្តុះបណ្តាលបង្កប់អត្ថន័យញុះញង់ឲ្យមានបដិវត្តន៍កសិករ។

ក្រោយ​ស្ថាប័ន​រៀបចំ​ការបោះឆ្នោត​បដិសេធ​នូវ​ការចុះបញ្ជី​របស់​គណបក្ស​ភ្លើងទៀន​ដើម្បី​ចូលរួម​ការបោះឆ្នោត​នាពេលខាងមុខ គណបក្ស​ជំទាស់​ដ៏ធំមួយ​នៅ​ថ្ងៃអង្គារ​នេះ​បាន​ធ្វើ​សន្និសីទ​សារព័ត៌មាន​ដោយ​លើក​ឡើង​ថា គណបក្ស​បានខិតខំ​អស់លទ្ធភាព​ហើយនឹង​ថា​គណបក្ស​មិន​អាច​ទទួលយក​បាន​ឡើយ​ចំពោះ​សេចក្តី​សម្រេច​របស់​គ.ជ.ប។គណបក្ស​ភ្លើងទៀន​ប្រកាស​ថា​នឹង​ប្តឹង​ទាស់​នឹង​ការសម្រេច​នេះ។ រាយការណ៍​ដោយ​លោក ហាន ណូយ លោក លាស់ លីបលីប និង​អ្នកស្រី នឿន ដាវីន ពី​រាជធានី​ភ្នំពេញ៕

កម្ពុជា​កំពុង​រៀបចំ​ផែនការ​ស្ដារ​អគារ​មិន​ទាន់​សាងសង់​រួច​ជាង ១.១០០ ខ្នង​នៅ​ក្រុង​ព្រះសីហនុ ដែល​ត្រូវ​បាន​បោះបង់​ចោល​ដោយ​វិនិយោគិន​ចិន​កាលពី​ជាង ៣ ឆ្នាំ​មុន នៅ​ពេល​ដែល​វិបត្តិ​ជំងឺ​កូវីដ១៩ បាន​ផ្ទុះ​ឡើង។ លោក Luke Hunt រាយការណ៍​អំពី​រឿង​នេះ​ពី​ក្រុង​ព្រះសីហនុ។ អ្នកនាង ស្រេង លក្ខិណា ជូន​សេចក្ដី​ប្រែ​សម្រួល៕

ខណៈ​កម្ពុជា​កំពុង​ធ្វើ​ជាម្ចាស់​ផ្ទះរៀប​ចំ​ការ​ប្រកួតកីឡា​ស៊ីហ្គេម​ លើក​ទី​៣២ ដែល​ចាប់​ផ្តើម​ជា​ផ្លូវ​ការ​នៅថ្ងៃ​ទី​៥​ ខែ​ឧសភា​នេះ អភិបាលក្រុងឡូវែល​ដែ​ល​មាន​ដើម​កំណើត​ខ្មែរ ​បាន​ដឹកនាំ​អត្តពលិកសញ្ជាតិ​អាមេរិកាំងដើម​កំណើតខ្មែរចំនួន​៤រូប​មក​ចូលរួម​ប្រកួត​កីឡា​បាល់​ទះ​ក្នុងព្រឹត្តិការណ៍ស៊ីហ្គេមតំណាង​ឱ្យ​កម្ពុជា​។ លោករំពឹង​ថា​ ការ​ចូលរួម​របស់​អត្តពលិក​សញ្ជាតិ​អាមេរិកាំងដើមកំណើត​ខ្មែរ​ទាំង​នេះ ​នឹងជំរុញឱ្យ​ក្មេង​ស្រី​កាន់តែមានភាព​ក្លាហាន និងធ្វើ​ឱ្យ​ទំនាក់ទំនង​ការទូត​រវាង​កម្ពុជា និង​សហរដ្ឋអាមេរិកកាន់តែ​ប្រសើរឡើង​។​ រាយការណ៍លម្អិតពីរាជធានីភ្នំពេញដោយ អ្នកស្រី កាន់ វិច្ឆិកា ​និងលោក ស៊ឹម ចាន់សំណាង​៕