អ្នក​នេសាទ​នៅ​ទីក្រុង ​Madarounfa ​ប្រទេស​នីហ្សេ ពឹង​លើ​បឹង​ Madarounfa ​ដើម្បី​ជីវភាព​និង​អាហារ។ ​ប៉ុន្តែ​វា​កំពុង​ស្ថិត​ក្នុង​ហានិភ័យ​ដោយ​សារ​គ្រោះ​រាំងស្ងួត។​ លោក Youssouf Abdoulaye ​ជូន​សេចក្តី​រាយ​ការណ៍ពី​ទីក្រុង ​Niamey។​ កញ្ញា​ ទុំ ម្លិះ​ ប្រែសម្រួល​សេចក្តី​រាយការណ៍​នេះ៕

ថ្ងៃចន្ទ ទី ២៤ ខែមេសា ឆ្នាំ ២០២៣ នេះ ជា​ថ្ងៃ​ទី ១ ដែល​គណៈ​កម្មាធិការ​ជាតិ​រៀប​ចំ​ការ​បោះ​ឆ្នោត​ (គ.ជ.ប.) ផ្ដើម​ទទួល​ចុះ​ឈ្មោះ​គណបក្ស​ និង​បញ្ជី​បេក្ខជន​តំណាង​រាស្ត្រ ចូលរួម​ការ​បោះ​ឆ្នោត​ថ្ងៃទី ២៣ ខែ​កក្កដា ឆ្នាំ​២០២៣ ខាង​មុខ​នេះ។ ក្នុង​កម្មវិធី​ហេឡូ​វីអូអេ​ ប្រចាំ​ខែ​ក្រោម​ប្រធាន​បទ​ «អភិបាល​កិច្ច​ល្អ» សម្រាប់​ខែ​មេសា​ ឆ្នាំ ២០២៣​ នេះ លោក ឱក សេរីសោភក្ដិ៍ ​ដែល​ជា​វាគ្មិន​ជំនាញ​ នឹង​លើក​ជជែក​ប្រាប់​លោក​ អូន ឆេងប៉រ អំពី​ចំណុច​ខ្លាំង​និង​ចំណុច​ខ្សោយ​របស់​បណ្ដា​បក្ស​តូច​ធំ​នា​នា​ ដែល​អាច​នឹង​ចូល​រួម​ការ​បោះ​ឆ្នោត​ខាង​លើ​នេះ៕

ជាផ្នែក​មួយ​នៃ​ការ​អបអរ​សាទរ​ពិធី​បុណ្យ​ចូលឆ្នាំ​ប្រពៃណី​ខ្មែរ​ នា​ឆ្នាំថោះ​នេះ​ ​នៅ​សាលា​ក្រុង ​Lowell ​រដ្ឋ​ Massachusetts ​ដែល​មាន​ពលរដ្ឋ​ខ្មែរ​រស់នៅ​ច្រើន​ជាង​ ៣ម៉ឺន​នាក់​ មាន​ការ​រៀបចំ​ពិធី​បង្ហូត​ទង់ជាតិ​ខ្មែរ​និង​សម្តែង​សិល្បៈ​ជូន​ពរ​ប្រជាជន​ទូទាំង​ពិភពលោក​ ជាពិសេស​ជនជាតិ​ខ្មែរ​ ហើយ​ពិសេស​បំផុត​នោះ​គឺ​ ខ្មែរ​អាមេរិកាំង​ដែល​បាន​រួម​រស់​និង​រួម​ចំណែក​អភិវឌ្ឍ​ទីក្រុង​នេះ។​ លោក ​ពិន ស៊ីសុវណ្ណ​ នៃ​វីអូអេ រាយការណ៍​លម្អិតពី​ទីក្រុង Lowell រដ្ឋ​ Massachusetts ដូចតទៅ៕

អតីត​អ្នកផ្សាយ​ព័ត៌មាន​នៃ​វិទ្យុ​ VOA សំឡេង​សហរដ្ឋ​អាមេរិក លោក មាស ចន ដែល​មហាជន​ភាគច្រើន​បាន​ស្គាល់​តាមរយៈ​កម្មវិធីព័ត៌មាន​ស្តី​អំពី​តារាសាស្ត្រ​ បាន​ទទួល​មរណភាព​កាល​ពី​ចុង​ឆ្នាំ ២០២២។ នៅ​ចុងខែ​មីនានេះ ក្រុម​គ្រួសារ​និង​ញាតិមិត្ត​ បាន​រៀប​ចំ​ពិធី​បុណ្យ​ខួប​គម្រប់ ១០០​ថ្ងៃ ដើម្បី​ឧទ្ទិស​កុសល​ជូន​ដល់​វិញ្ញាណក្ខន្ធ លោក មាស ចន នៅវត្តពុទ្ធិការាមដែល​ លោក មាស ចន ជា​សហស្ថាបនិក។ នៅ​ក្នុង​ពិធីនោះ ស្នាដៃ​និពន្ធ​ចុងក្រោយ​មួយ​របស់ ​លោក មាស ចន ត្រូវបាន​បង្ហាញ។ លោក ចាប ចិត្រា នៃ​ VOA រាយការណ៍​ពី​ទីក្រុង Silver Spirng រដ្ឋ Maryland សហរដ្ឋ​អាមេរិក៕

អ្នក​តំណាង​អង្គការ​សិទ្ធិមនុស្ស​ និង​សមាជិក​គណបក្ស​ប្រឆាំង​នៅ​ក្នុង​សហរដ្ឋ​អាមេរិក​ ប្រមាណ ១០០ នាក់​ បាន​ធ្វើ​បាតុកម្ម​និង​ដាក់​ញត្តិ​២ នៅ​ក្រសួង​ការបរទេស​និង​សភា​អាមេរិក​កាលពី​ថ្ងៃ​សុក្រ​ទី​៣១ ខែ​មីនា​ ឆ្នាំ២០២៣ កន្លង​ទៅ​នេះ។ ការ​តវ៉ា​និង​ការ​ដាក់​ញត្តិ​នេះ មាន​បំណងស្នើ​ឲ្យ​សហរដ្ឋ​អាមេរិក​ជួយ​ធ្វើ​អន្តរាគមន៍​ទាមទារ​ឲ្យ​រដ្ឋាភិបាល​កម្ពុជា​ដោះលែង​អ្នកទោស​នយោបាយ បើក​សិទ្ធិ​នយោបាយ​សម្រាប់​គណបក្ស​ប្រឆាំង​នានា និង​ធានា​ការ​បោះឆ្នោត​ដែល​សេរី​និង​យុត្តិធម៌ក្នុង​ប្រទេស​កម្ពុជា ​នា​ពេល​ខាង​មុខ។ លោក ជឹង ប៉ូជីន នៃ​ VOA ជូន​សេចក្តី​រាយការណ៍​ពី​រដ្ឋធានី​វ៉ាស៊ីនតោន៕

កាល​ពី​ដើម​ខែ​មីនា ​ឆ្នាំ​ ២០២៣​ នេះ​ លោក កឹម សុខា មេដឹកនាំ​នយោបាយ​ជំទាស់​ជើង​ចាស់ ​ត្រូវ​បាន​កាត់​ទោស​ឱ្យ​ជាប់​ពន្ធនាគារ ​២៧ ឆ្នាំ ដោយ​តុលាការ​រាជ​ធានី​ភ្នំពេញ​ ពី​បទ​ឃុប​ឃិត​នឹង​រដ្ឋ​បរទេស​។ ក្នុង​កម្មវិធីហេឡូវីអូអេ «អភិបាលកិច្ច​ល្អ»​ ប្រចាំ​ខែ​មីនា ឆ្នាំ ២០២៣​ នេះ លោក ឱក សេរី​សោភក្ដិ៍ អ្នកឯកទេស​អភិបាលកិច្ច​ បាន​បកស្រាយ​អំពីសាលក្រម​ធ្ងន់​ធ្ងរមួយ​នេះ​លើ​លោក កឹម សុខា និង​អនាគត​អ្នក​នយោបាយ​ជំទាស់​នៅ​កម្ពុជា៕ (អូន ឆេងប៉រ, Hello VOA, ប៊ែរឡាំង, ២៧ មីនា ២០០៣)

អ្នកកាសែត​ជនជាតិ​អាមេរិកាំង​ឈ្មោះ Nate Thayer ដែល​ត្រូវ​បាន​គេ​ស្គាល់​ថា​ជា​អ្នករាយការណ៍​អំពី​ទី​បញ្ចប់​នៃ​របប​ខ្មែរក្រហម និង​ការ​ករ​កើតឡើង​នៃ​ប្រទេស​កម្ពុជា​សម័យ​ទំនើប បាន​ទទួល​មរណភាព​កាលពី​ដើម​ខែមករា ក្នុង​វ័យ​ ៦២ឆ្នាំ។ ថ្មីៗនេះ ​ជនភៀសខ្លួន​ជនជាតិ​ម៉ុងតាញ៉ា​នៅ​អាមេរិក​មួយក្រុម បាន​ប្រារព្ធ​ពិធី​រំលឹក​វិញ្ញាណក្ខន្ធ​ដើម្បី​ផ្តល់​កិត្តិយសដល់​ជីវិតរបស់​លោក Nate Thayer។ លោក ចាប ចិត្រា នៃ VOA បាន​ទៅ​ចូលរួម​ពិធី​រំលឹក​វិញ្ញាណក្ខន្ធ​នេះ ហើយ​រាយការណ៍​ពី​ទីក្រុង Greensboro រដ្ឋ North Carolina ដូចតទៅ៖

តំណាង​រដ្ឋាភិបាល​របស់​សហរដ្ឋ​អាមេរិក ចក្រភព​អង់គ្លេស និង​អូស្ត្រាលី បាន​ប្រតិកម្ម​ភ្លាមៗ​ បន្ទាប់ពី​ចៅក្រម​ជំនុំជម្រះ​ក្តី​នៃ​សាលាដំបូង​រាជធានី​ភ្នំពេញ​បាន​សម្រេច​ផ្តន្ទា​ទោស​លោក កឹម សុខា ឱ្យ​ជាប់​ឃុំ​ក្នុង​ផ្ទះ​រយៈ​ពេល ២៧ ឆ្នាំ ដក​សិទ្ធិ​នយោបាយ​ជា​ស្ថាពរ និង​ហាម​មិន​ឱ្យ​លោក​ចេញ​ក្រៅ​គេហដ្ឋាន​និង​ជួប​ជនបរទេស​ និង​បុគ្គល​ក្រៅ​ពី​សមាជិក​គ្រួសារ។ លោក ហ៊ុល រស្មី និង​សហការី​វីអូអេ​ប្រចាំ​រាជធានី​ភ្នំពេញ រាយការណ៍​លម្អិត៕

សារព័ត៌មាន​សំឡេង​ប្រជា​ធិបតេយ្យ VOD ដែល​មិន​កាន់​ជើង​រដ្ឋាភិបាល ត្រូវបាន​លោកនាយករដ្ឋមន្ត្រី ហ៊ុន សែន បញ្ជា​ឱ្យ​បិទ ដោយ​ចោទ​ថា​គ្រឹះស្ថាន​ផ្សព្វផ្សាយ​មួយ​នេះ​ផ្សាយ​ដំណឹង​មិន​ពិត​ ជុំវិញ​ករណី​តួនាទី​លោក ហ៊ុន ម៉ាណែត តំណាងរដ្ឋាភិបាល​ក្នុង​ការ​ផ្ដល់​ជំនួយសង្គ្រោះ​ដល់​គ្រោះ​រញ្ជួយដី​នៅ​តួគី។ ក្នុង​កម្មវិធីហេឡូវីអូអេ «អភិបាលកិច្ច​ល្អ»​ ប្រចាំ​ខែ​កុម្ភៈ ឆ្នាំ២០២៣​នេះ លោក ឱក សេរី​សោភក្ដិ៍ អ្នកឯកទេស​អភិបាលកិច្ច​ បាន​បកស្រាយ​អំពី ផល​ប៉ះពាល់​រយៈពេល​ខ្លី និង​រយៈ​ពេលវែង​នៃ​ការ​បិទទ្វារ​សារព័ត៌មាន​សេរីដ៏សំខាន់​មួយនេះ៕

មួយ​ឆ្នាំ​ក្រោយ​មក​បន្ទាប់ពី​ប្រទេស​រុស្ស៊ី​បាន​ចាប់ផ្ដើម​ឈ្លានពាន​ប្រទេស​អ៊ុយក្រែន រថក្រោះ​ដែល​ផលិត​នៅ​អាល្លឺម៉ង់​គួរតែ​ត្រូវ​បាន​គេ​ដឹក​ជញ្ជូន​ដំបូង​ដល់​សមរភូមិ​មុខ​ដើម្បី​គាំទ្រ​ដល់​កងទ័ព​អ៊ុយក្រែន​ក្នុង​ពេល​ឆាប់ៗ​នេះ។ ក្នុង​ពេល​មួយ​ឆ្នាំ​កន្លង​មក​នេះ អាល្លឺម៉ង់​និង​បណ្ដា​ប្រទេស​អឺរ៉ុប​ផ្សេង​ទៀត​បាន​ព្យាយាម​ឆ្លើយតប​ចំពោះ​ការ​វិល​ត្រឡប់​មក​វិញ​នៃ​សង្គ្រាម​ជើង​គោក​ទ្រង់ទ្រាយ​ធំ​របស់​រុស្ស៊ី​នេះ​នៅ​ទ្វីប​អឺរ៉ុប។ អ្នក​រិះគន់​ថា ប្រទេស​អឺរ៉ុប​ទាំង​នោះ​មិន​បាន​ចាត់​វិធានការ​ឱ្យ​បាន​លឿន​គ្រប់គ្រាន់។ លោក Henry Ridgwell រាយការណ៍​អំពី​រឿង​នេះ​ពី​ទីក្រុង​ប៊ែរឡាំង ប្រទេស​អាល្លឺម៉ង់។ លោក ភី សុភាដា ជូន​សេចក្ដី​ប្រែ​សម្រួល៕